影片
更多
2025-06-27
585 瀏覽
同朋友聚會、慶生，一般嘅西餐廳已經滿足唔到嘴刁嘅我😛我就鍾意發掘一啲好有特色嘅fusion西餐廳，呢日就去咗銅鑼灣一間幾隱蔽嘅樓上fusion私房菜－Le Chefeteria。環境幾cozy，好似去咗一個好decent嘅東南亞風住宅🌴餐廳主打峇里風fusion西餐，由前米芝蓮二星主廚主理🌟每道菜都用上不少東南亞香料、食材及手法製作，好似椰子殼煙燻、香茅、香草等，炮製一道道精緻又具層次嘅菜式。呢晚食嘅dinner set人均$568，我覺得性價比極高🤑有7道菜，每道菜都有詳細介紹，有fine dining般嘅體驗。嚟呢度慶祝一流，皆因甜品可以預先order畫碟服務，畫得超級fancy超級靚😍而且仲有香蕉飛餅表演睇，極盡色、香、味享受🥰Chef Azmi's Everyday Fine Dining Dinner $568/pp🍠香芋片未開始晚宴先嚟香芋脆片解解嘴饞，香脆富芋頭香，另外仲加咗峇里香料，令味道更添層次😗🍅Amuse BoucheDinner set就由開胃小食打響頭炮。小食係焗至脆身嘅奶油飛餅加上酸瓜、番茄莎莎及醃三文魚，酸香開胃之餘味道亦好有層次😚🍅Tomato Mint
Chef Azmi's Everyday Fine Dining Dinner $568/pp
🍠香芋片
未開始晚宴先嚟香芋脆片解解嘴饞，香脆富芋頭香，另外仲加咗峇里香料，令味道更添層次😗
🍅Amuse Bouche
Dinner set就由開胃小食打響頭炮。小食係焗至脆身嘅奶油飛餅加上酸瓜、番茄莎莎及醃三文魚，酸香開胃之餘味道亦好有層次😚
🍅Tomato Mint Soup蕃茄薄荷湯
餐湯經常會有番茄湯，但呢個番茄湯與別不同，將番茄以不同形式演繹，有酸香嘅番茄湯、油封車喱茄、煙燻番茄🍅面頭再加上烘乾嘅香蔥以及自製basil oil，香草味突出而有幾種層次嘅香氣👍🏻
🦞Chef Azmi's Signature Lobster Bisque with Avocado & Lemon Citric 龍蝦濃湯
龍蝦湯絕對係呢度signature✅用咗24小時熬煮，飲落充滿淡淡龍蝦精華。湯底特別地以椰奶代替忌廉，口感仍然細滑😋湯頭再配澳州牛油果蓉🥑清香嘅牛油果味估唔到同龍蝦湯又夾到。
🍝Avocado, mixed mushrooms, lemon Japanese Ran-Oh Egg Pasta 牛油果、鮮菇、手工日本蘭王蛋意粉 +$98
Dinner set加$98就可以試到for sharing嘅招牌手工蛋意粉，用上日本蘭王蛋製作🍳意粉有蛋香，口感煙韌彈牙。意粉拌勻牛油果蓉、松露油及菇菌，食到菇菌香亦食到牛油果香，幾特別😚
🍗Duck Leg Confit, Risotto on crisp, muoc cham
下一道菜就有必試嘅油封鴨髀，選用自家養殖嘅鴨，用36小時慢煮，將油份逼走💦之後再煙燻，鴨髀肉質超級軟腍，一切即離骨，煙燻味係口腔縈繞🔥香氣十足。逼出嘅鴨油加上青檸等材料做成酸酸咪咪嘅越南style醬汁，同鴨髀好夾😋旁邊有意大利飯配越南脆米紙，意大利飯用番茄水及雜菜湯煮，食落微酸清新，毫不膩滯👏🏻
🥩4 oz. Smoky Argentinian Black Angus Beef Tenderloin, mashed potato, seasonal vegetables, Thai Tamarind soy sauce 煙燻阿根廷黑安格斯牛里脊、泰酸子醬
主菜之一嘅牛里脊同樣用上煙燻做法🔥特別地點燃椰子殼去煙燻🥥未食先被濃濃嘅煙燻香氣吸引。牛里脊肉質偏瘦，但經慢煮後肉質外焦內嫩，非常juicy亦帶濃濃肉香😽配菜有椰子奶香茅薯蓉，用椰奶代替忌廉打薯蓉，薯蓉細滑非常😋食落充滿香茅香，好高質。另外仲有以檸檬、薑、香茅調味嘅雜菜。
🐟Milky-poached Red Snapper served with Teriyaki 奶浸紅鯛魚配日式照燒汁
另一道主菜有紅鯛魚，呢款魚特點在於油份較少，冇魚油嘅膩滯感，但肉質依然軟嫰，魚皮亦煎得香口👍🏻可以配照燒、泡菜或檸檬牛油汁，但就咁食已經好夠味。
🥕Carrot Cake 紅蘿蔔蛋糕
飽到上心口都要品嘗下以誠意炮製嘅甜品🤣Carrot cake口感綿密，有啲似香蕉蛋糕嘅質感，好moist，原來用咗腰果、椰子奶等製作，健康又好味🥳雪葩以檸檬及薑製作，酸酸咪咪幾清新。面頭裝飾係好特別嘅炸西米，為甜品賣相加分之餘，香脆嘅口感亦令味道加分🫶🏻
🍌Banana Roti 香蕉飛餅
重頭戲有香蕉飛餅，估唔到係一間fine dining餐廳都可以睇到廚師嘅飛餅表演，三兩下就將餅皮拋到好薄，功架十足😎暖暖地嘅煎餅加上香蕉，本身味道已無得輸，底下仲加入芒果薑啫喱，增添層次。雪糕係泰式奶茶味，味道香濃😋面頭裝飾係炸紅菜頭，好特別。
🍵茶
食甜品可以配埋herbal tea平衡一下，店主會介紹8款唔同特色嘅茶，都係具有峇里特色，好似洋甘菊茶、峇里茉莉茶等🌼清香嘅花茶正好為豐富嘅晚餐劃上完美句號，有種好似去東南亞做完spa之後歎返杯茶嘅舒爽感覺☺️
推介指數（10分為滿分）：8.5分
張貼
