香江花月 (百誠大廈)

營業中

休息中

喺佐敦嘅舊區入面，埋藏咗好多好味嘅餐廳。今次我就嚟到呢一間香江花月食火鍋，慶祝父親節。一到步餐廳，就比佢哋嘅裝修吸引，古色古香嘅香港風味，好懷舊。我哋今次四個人，一坐低就先送上每人一杯仔嘅蘋果綠茶，喺夏天嚟講，呢杯飲品好適合。我哋叫咗一個美顏花膠雞鍋，首先飲咗一啖湯，好足料，好夠味，用嚟打邊爐簡直一流。之後叫咗個香江拼，係一個肉類拼盤，佢啲牛肉係俾啲上等嘅牛肉，每一個種類都好好味。另外仲叫咗特色嘅七彩餃子，淨係賣相已經好靚，佢大大嚿，每一粒餃子都係唔同味道。另外我哋仲叫咗蔬菜拼盤同埋少少配料，全部份量都好足夠，我哋四個人都食到好飽，好滿足。飲品方面，佢都好多特色飲品，試咗兩款，一款係提子味，另外一款係熱情果味，賣相都好靚呢度環境寬敞乾淨，嘢食又好味，性價比一絕。