影片
更多
2023-05-05
70 瀏覽
久違嘅韓燒之夜，原來香港嘅韓式燒肉已經進化到咁高級同精緻，仲可以品嚐到熟成肉添😳• Dry-Aged Set $680/位店家新推出嘅熟成套餐，餐品以鴨為主，另外亦有一款牛肉～前菜都幾豐富，泡菜、小魚乾、海鮮辣拌芽菜等包羅萬有，仲有我好鐘意食嘅辣醃魷魚，全部都可以Refill！食完前菜，店員就開始幫我哋燒肉，全程唔洗動手，差在未餵埋入口🫢第一樣食嘅係熟成20天法國鴨胸，份量有成八件咁多，而且塊塊都係厚切嘅，肉質偏有咬口，鴨皮位置燒得好甘香，可以蘸點檸檬鹽食，清新啲冇咁膩。之後就食熟成牛小排，店員控制火喉嘅技術唔錯，都keep到肉汁，不過味道就冇想像中咁香。再嚟就食鴨心同鴨腎，兩款內臟嘅口感都屬於爽身，唔會有任何嘅異味，外層焦脆焦脆的！最後仲有法國鴨腿，會比鴨胸肥嫩一啲，店員仲細心咁問我哋需唔需要幫手剪走啲肥膏🙆🏻♀️燒完肉其實已經幾飽下，原來仲有個泡菜鴨肉飯！口味係韓式嗰種甜辣，石鍋夠熱所以飯粒粒分明同時又帶點飯焦，十分惹味🔥• Classic Tiramisu $75呢個Tiramisu就比較普通，芝士味唔夠出，不過勝在幾大份，同朋友幾個人share過下甜癮都OK嘅～• Lychee
• Dry-Aged Set $680/位
店家新推出嘅熟成套餐，餐品以鴨為主，另外亦有一款牛肉～前菜都幾豐富，泡菜、小魚乾、海鮮辣拌芽菜等包羅萬有，仲有我好鐘意食嘅辣醃魷魚，全部都可以Refill！
食完前菜，店員就開始幫我哋燒肉，全程唔洗動手，差在未餵埋入口🫢
第一樣食嘅係熟成20天法國鴨胸，份量有成八件咁多，而且塊塊都係厚切嘅，肉質偏有咬口，鴨皮位置燒得好甘香，可以蘸點檸檬鹽食，清新啲冇咁膩。之後就食熟成牛小排，店員控制火喉嘅技術唔錯，都keep到肉汁，不過味道就冇想像中咁香。再嚟就食鴨心同鴨腎，兩款內臟嘅口感都屬於爽身，唔會有任何嘅異味，外層焦脆焦脆的！最後仲有法國鴨腿，會比鴨胸肥嫩一啲，店員仲細心咁問我哋需唔需要幫手剪走啲肥膏🙆🏻♀️
燒完肉其實已經幾飽下，原來仲有個泡菜鴨肉飯！口味係韓式嗰種甜辣，石鍋夠熱所以飯粒粒分明同時又帶點飯焦，十分惹味🔥
• Classic Tiramisu $75
呢個Tiramisu就比較普通，芝士味唔夠出，不過勝在幾大份，同朋友幾個人share過下甜癮都OK嘅～
• Lychee Soda $42
• 2014 Duluc de Branaire Ducru $128/Gls
張貼
