古琴雅苑 (譽發廣場)

營業中

休息中

就嚟父親節，爸爸一向極之嘴刁，想帶他食新嘢，又想避免掃他興，呢個月去過幾間唔同餐廳“踩線”，呢間應該可以成為選擇之一。資料搜集結果係烤北京填鴨係必食之選，咁啱而家推出“北京烤鴨易食”套餐，除左有半隻烤鴨外，仲可以三選一配搭，我地就揀左古琴鴨肉炒飯。好食指數從先至後排列，寫得越前，越要試。烤鴨果然有驚喜，鴨肉可以切到每一片的大細厚薄大致相約；烤鴨外皮酥脆鬆化，而且脂肪唔多；肉質嫩滑，就算剩食烤鴨都唔會覺得肥膩。隨鴨附有6小碟配菜(填鴨醬、酸梅醬、沙糖、葱條、青瓜條、木瓜條)，還有一籠餅皮。值得讚嘅係餅皮嘅處理，擺放喺籠仔裡面，真係大半個鐘後，餅皮依然無變乾晒，入口仍煙韌。古琴鴨肉炒飯米飯粒粒飽滿、分明，鴨肉粒唔算多，但都食到有鴨肉香小籠包皮有少少厚，所以唔太易穿；𥚃面嘅肉粒亦結實唔輕易散開。咬開仲有少少肉汁。高力豆沙啱晒怕甜嘅人，外層因為沾上少少糖粉而微甜，𥚃邊包裹著一細片香蕉，同少少豆沙，所以亦唔會太甜。總結係烤鴨抵食、好食，餐廳環境及服務非常好。會撥入父親節聚餐選擇名單之內，讓父親大人從中選擇。