M馬(容) (已結業)

呢間裝修得瑰麗堂皇，有好多隻巨型BE@RBRICK俾人打卡添😆另外設有戶外吧枱位，可以欣賞到維港靚景🌊今次食左✨精選午市套餐✨水準唔錯呢！先黎點心拼盤 有松露醬野菌石榴粿、流心白鴿蛋燒賣、啤梨Q嘜鹹水角，賣相非常精緻😍最正流心白鴿蛋燒賣，口感彈牙，配上濃濃蛋香！接住有瑤柱竹笙灌湯餃 超大隻非常足料，加入好多瑤柱，湯底充滿火腿香，鮮味十足！今日無乳鴿所以轉左黑毛豬叉燒拼意大利黑醋豬手 叉燒口感軟腍，豬手酸酸甜甜不過無乜肉食主菜係白胡椒汁蛋白煎蝦球 蝦球好多隻，新鮮彈牙！底下蛋白好滑啊，超鍾意❤️之後有蒜子上湯浸菜苗 同 富豪炒飯 菜苗青甜爽脆，上湯加上火腿絲；後者炒飯粒粒分明，用上大量瑤柱絲，好香～最後甜品有椰汁桂花糕 作結