M馬(容) (已結業)

2023年的第一天，要食得好的的，好的開始。 终於有機會來體會，經過豪裝廂房，品味好過睿私房菜，我二人安排坐大廳，偌大高背淺色大梳化位，舒服不再話下， 整體環境佈置， 也令眼球滿意。 椰香荔茸包$48，夾起個包都聞到包香，椰汁同芋頭真好夾，入口軟軟綿綿，幼滑，美味 柚子蜜味南瓜$98 ，夠份量，柚子好香，如加柚皮或橙皮碎喺上面更正，南瓜水份多嗰種，唔夠粉，表面薄脆粉就very good！ 馬拉糕$58，一般蛋糕，唔夠蛋香，比較鬆散，油水唔夠 ，美心皇宮嗰個先正。 照燒銀雪魚%168，夠香，賣相達標，但滑度魚香未夠 ，配沙律有啤梨薯仔，加碗白飯，較鬆散唔得靚身，好似係蒸，唔夠香，都係龍苑最得。對我來講，粵菜館，最重要白飯。 分享美食滿意經驗，曾經在卅二公館銀雪魚煲，厚滑，另一次 elephant  ground 黑皮銀鱈魚-驚喜， 最近嘅天龍軒芝士焗銀雪魚，香夾惹味抵食，都好好美味。 這裏普洱茶係好黑， 缺少茶香，高級餐廳失色之處。 另一我喜歡這裏有個開揚露枱及好chill靚靚酒吧。

見個個寫得咁好，專登來食，但在週年紀念上來，真係錯Q晒。雖則是傳統粤菜，但未通關，呢度已滿滿譚仔姨姨口音，House white 及 red 分唔到，我直頭要教一次何謂紅及白，俾$200 餐飯既話我ok ，不過今次是$2000。叫左個2人餐，炸魚咸到一個點，我再食高湯燕窩湯是已冇任何味道。其他既菜色冇特別，comment 一個，唔熱，不過食餐預左。真正觸發我係杯 Cocktails - 戴綠帽初初話bartender 冇返，之後又話有返，後來我著晒時又話係營運總監沖，咩料！簡單幾個問題 ：🖤等到最後道菜先出🖤個把啫喱☂️咩玩法🖤d蛋白發到過晒龍🖤用啤酒杯出cocktail #說好的高級中菜#譚仔口音讓我感受大中華既懷抱呢間，真係冇下次咩靚景就補唔返 🤐

銅鑼灣飽覽維港靚景型格中菜🤩M馬(容) M.MA (銅鑼灣)📍銅鑼灣謝斐道535號TOWER 535 25樓「當潮流愛新鮮，當旁人愛標籤，幸得伴著你我，是窩心的自然」#無條件 #陳奕迅一向都鐘意試新嘢，人生就係不停地試伏，今次朋友推薦咗間中菜位於銅鑼灣Tower，一出電梯已經比特大嘅KAWS作品吸引住，差D以為嚟錯咗地方，餐廳設計全部都係落地大玻璃，飽覽成個維港靚景，仲有得揀坐戶外露台添，環境一流。-晚市精選套餐(兩位) $1280 套餐連前菜連同甜品有七道菜，主要揀咗三樣有記憶點嘅分享。-冰鎖南非鮑魚&柚子蜜餞南瓜片 4.1/5⭐️前菜開胃小食就有南非鮑魚，鮑魚煮得軟淋唔韌有酒香味，仲有少少彈牙，唔錯。南瓜片就有少少似天婦羅做法，上薄脆漿炸過增加口感，南瓜本身都夠哂甜，仲有柚子醬甜甜酸酸增加風味，整體依個前菜都好食。-金湯蟹肉燴燕窩 3.9/5⭐️蟹肉燴燕窩上枱顏色吸晴，啖啖蟹肉加埋燕窩材料富豐，可惜湯頭有少少稀，唔夠濃郁，稍稍扣分。-上湯焗澳洲開邊龍蝦(南瓜面底) 4.1/5⭐️嚟到主角出場，套餐重頭戲就係依份上湯焗澳洲開邊龍蝦，龍蝦大大隻非常鮮甜，入口彈牙之餘仲啖啖龍蝦肉，非常滿足。伊

工作繃緊左成個禮拜，放假一定要讓身心都放鬆，所以我追求嘅唔知食物嘅品質，仲係有餐廳嘅環境，所以星期六嘅早上揀咗一間環境超級舒服、寧靜、高級嘅中菜餐廳飲茶。：坐落於銅鑼灣高層大廈，飽覽維港海景，落地玻璃令彩光度十足，雲石水晶吊燈添加奢華感。：今次試左呢六款點心:．翡翠蟹鉗餃:造型好可愛、翠綠色嘅水晶皮包住原隻蟹鉗，仲有彈牙蝦肉，啖啖肉．墨魚籽燒賣 ：都大大粒，餡料都彈牙，放上黑魚子，增添奢華感．潮州蒸粉果：芹菜爽口又香．上素松露餃:松露味都幾出，鍾意食佢呢度啲水晶皮，好煙韌，超多細細粒馬蹄 爽口 入邊仲有蝦同菇．黑椒和牛酥： 黑椒味好濃郁，酥餅好鬆脆．吉法脆蝦角 ：餃子造型好的骰，包住好多蝦肉，外脆內軟

之前聽朋友介紹呢間環境一流，就來呢到飲茶😆 果然好介紹，環境好闊落，落地玻璃開陽光猛景觀一流，大大梳化位坐得好舒服，裝修富麗堂皇好高級的感覺！.➡️翡翠蟹鉗餃 $68➡️墨魚籽燒賣 $80➡️原隻蝦餃皇 $80➡️黑椒和牛酥 $80➡️上素松露餃 $68➡️古法脆蝦角 $68➡️杞子豆沙水晶包 $58.坐低感覺已經好relax，服務好貼心周到，點了鐵觀音回甘香甜相當好飲😋望住靚靚環境同滿桌點心，心情非常好🥰.介紹下點心先，全部都好高質👍🏻 翡翠蟹鉗餃最出名，綠色的皮煙煙韌韌，菠菜口味，入面係蟹鉗幾得意😆呢間的蝦相當出色，蝦餃、燒賣和脆蝦角的蝦都超彈牙👍🏻最喜歡黑椒和牛酥 ，酥皮好脆口滿滿牛油香，入面勁多和牛😍 牛味濃又淋身，黑椒味好出同牛完全perfect match😋 松露餃也相當不錯係我最愛黑松露口味🤤.原來呢到仲有幾間貴賓室，無敵大海景超正🤩仲有獨立廁所和卡拉ok，最吸引係有個大大露台😍可以係出面飲番杯同打卡🤩勁岩book來一班人慶祝或聚餐！.環境、食物、服務我都俾100分😍下次好想book間Vip房

岩岩個weekend去咗呢間位於Tower 535高層嘅中菜廳，餐廳飽覽維港海景，加上樓底高同彩光度十足，環境優雅奢華✨ 我同友人總共嗌咗六款點心同一款甜品:．翡翠蟹鉗餃 $68/3件．墨魚籽燒賣 $80/4件．潮州蒸粉果 $58/3件．上素松露餃 $68/3件．黑椒和牛酥 $80/3件．吉法脆蝦角 $68/3件．香芒牛乳布甸 $58/位-佢地嘅蒸點都好出色，外皮厚度適中口感煙韌，我最鍾意翡翠蟹鉗餃，入面有成兩三隻爽口鮮蝦，好彈牙！而友人就鍾意上素松露餃，入面有爽脆蘿蔔粒，每啖都滿滿松露香🤤煎炸類都好唔錯，黑椒和牛酥帶濃郁黑椒香，酥脆得黎又唔會過度油膩，香口美味！最後食埋滑溜嘅香芒牛乳布甸就飽飽嚕🍮呢度嘅環境真係好舒服，多人仲可以book貴賓室唱k打麻將，依家轉涼坐室外位應該都幾chill～

之前嚟過M馬(容)食晚餐，環境同味道都唔錯，呢日難得放平日，就去咗食點心！隔咗一段時間再嚟，餐廳超級旺場，可惜今次黎都係book唔到窗邊位！雖然睇唔到無敵大海景，但M馬（容）室內環境仍然好靚，奢華有品味，户外area今次仲多咗鞦韆，充滿峇里度假風！點心選擇不算多，勝在做得精緻，每款都甚有水準。我哋點咗7款：翡翠蟹鉗餃 $68翠綠嘅翡翠蟹鉗餃都係較為特別嘅一款，包住原隻蟹鉗同翠玉瓜，如果皮薄d就更好。潮州蒸粉果 $58餡料飽滿豐富，粉果皮煙靱彈性。上素松露餃 $68晶瑩通透嘅餃子皮包著濃郁松露香嘅素菜餡，健康清淡嘅一款點心。黑椒和牛酥 $80咁多款點心之中，我最鍾意黑椒和牛酥！酥皮好酥脆，包住又辣又香嘅黑椒和牛粒，好惹味！古法脆蝦角 $68古法脆蝦角都值得一試，炸得香脆而不油膩，蝦肉彈牙足料，好滿足！蜜汁叉燒包 $58不過不失。杞子豆沙水晶包 $58最後點左杞子豆沙水晶包做甜品，已經好耐冇見過水晶包啦！軟糯嘅水晶皮包住軟綿嘅豆沙餡，甜度剛好。整體點心質素正常，個人覺得晚市更有驚喜，不過餐廳嘅環境實在冇得輸，仲要對住維港景，確係好難搵到有比佢優勝嘅食點心地方。食完點心唔好忘記去戶外位置打卡

銅鑼灣區既中菜廳黎講，想食高質中菜又想坐得舒服，首選都會諗起M馬(容)。每一次黎既體驗都好滿意！今次第一次同朋友午餐時段過黎食點心，質素都唔錯呀。先黎一壺龍井，慢慢飲住茶食點心。點心menu上既選擇唔算特別多，不過貴精不貴多，每一款點心都精緻又好味。翡翠蟹鉗餃係必叫之一。翠綠色既蝦餃非常吸睛。雖然個皮有少少厚，但包住蟹鉗、蝦肉、翠肉瓜等既餡料，鮮味十足。潮州蒸粉果既皮好煙韌，餡料口感豐富，芹菜味道好突出。上素松露餃。松露味道好香口，好重雜菌香！餃子類點心以外，黑椒和牛酥充滿驚喜！個皮好酥好鬆化，入面既和牛餡黑椒味道好惹味！古法脆蝦角。炸得金黃香脆，蝦膠餡好爽口彈牙。蜜汁叉燒包。上檯熱辣辣特別軟熟，叉燒唔會太肥，鹹甜比例恰到好處。最後食埋個甜品杞子豆沙水晶包作結。豆沙餡好綿滑，水晶皮晶瑩煙韌，好味！

銅鑼灣佔地五千呎，高級海景中菜館‼️裝修盡顯奢華氣派✨空間感十足！Outdoor位好chill✨ 室內外都有好多打卡位😍有幾個vip room，私隱度高，好啱一班人聚會、派對🎉一向鍾意食點心！今次同美女朋友一齊試下呢間🥰Order 咗幾款點心share食，整體來講幾好食！最鍾意食豆沙水晶球！🤤👍🏻而黑椒和牛酥既味道幾有驚喜！- 翡翠蟹鉗餃（3 粒）$68- 潮州粉果（3粒）$58- 原隻蝦餃皇（4粒) $80- 黑椒和牛酥（3件）$80- 懷舊叉燒包（3 隻）$58- 豆沙水晶球（3粒）$38- 紅棗糕（3粒) $38下次再去🫶🏻

銅鑼灣高空打卡餐廳M馬(容)📍銅鑼灣謝斐道535號TOWER 535 25樓午餐小聚好地方還有獨立包廂同埋户外空間包廂入面仲有麻雀枱非常適合生日開派對午市點心人均$300(7件點心)中午同朋友閒聊好地方推介🔅黑椒和牛酥($80）叉燒酥就食微多 和牛酥都係第一次食幾特別🥰🔅翡翠蟹鉗餃（$68）炸蟹鉗熱氣唔敢多食蒸既蟹鉗餃有興趣食多幾舊🙋🏻‍♀️就算唔食野放工去happy hour都係個唔錯既選擇飲下野chill下🙋🏻‍♀️🙋🏻‍♀️

訂了八人枱，最後餐廳upgrade 到獨立房間，環境十分舒服，私隱度高！員工的服務態度也非常好，照顧週到，且由頭到尾由一位職員負責！食物也很高質素，八個餸每一個都好好味！中途職員還帶我們出去露台，欣賞維港夜景及影相，好靚！

超級無敵維多利亞港海景室內裝修一流室內景只美麗 這是一個很好的飲食經驗這裏所有點心都係即叫即蒸熱辣辣放上枱原隻蝦餃皇每隻蝦餃入面都放滿鮮蝦咬落去爽口彈牙淡淡蝦肉非常鮮味鍾意食蝦餃嘅人就一定唔可以錯過蟹籽燒賣每一粒燒賣嘅豬肉都係新鮮而且手工一流 口口新鮮豬肉上面亦都有蟹子即叫即蒸的確係主打點心翡翠蟹皇餃淨係見到外表已經非常吸引因為有一隻蟹鉗蟹腳凸出來非常搶眼而且食落亦都有鮮蝦肉可以係一個別出心裁嘅另類餃子潮州粉果這個粉果不似一般酒樓食到的粉果裏面的餡料精細美味切得細緻而且非常惹味食過嘅人一定會馬上想叫多一籠黑椒和牛酥這個點三我覺得非常好食因為辣味令人非常醒神而且牛肉餡料亦都好鮮味加上焗得非常脆口色香味俱全懷舊叉燒包每次去飲茶一定要食叉燒包而這個叉燒包不會令人失望外面嘅白色包皮甜美 裏面的叉燒餡料亦都夠味亦有咬口豆沙水晶球豆沙餡料濃郁水晶皮好有咬口作為一個甜品點心 可說是一流我認為喜歡食甜品的朋友不能夠錯過#hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hk

銅鑼灣望維港吃手工點心✨🪴豪華裝修，維港景色，於25樓的特色酒樓。中午時段當然要歎茶吃點心，望著維港進食，更是另一番風味！酒樓設有豪華室內和優閑室外，各有特色，十分chill。點心：《翡翠蟹皇餃》$68《蟹籽燒賣》$80《潮州粉果》$58《原隻蝦餃皇》$80《黑椒和牛酥》$80《懷舊叉燒悅》$58《豆沙水晶球》$38點心都是以手工點心為賣點，點心精緻，可見師傅的技巧值得欣賞！所有點心也熱辣辣，賣相吸引！特別是餃類，翡翠蟹皇餃連蟹鉗一起包裹著，十分有心思！綠色翡翠的外賣，高貴美麗！此外，黑椒和牛酥亦是推薦之一！酥脆的外表，內裏藏著惹味的和牛粒，有驚喜！豆沙水晶球也是很突出！有著滿滿的甜蜜豆沙蓉！總結：望著維港歎茶吃點心！

地址：銅鑼灣謝斐道535號Tower 535 25樓食後點評：味道及質素：整體食物味道偏濃，既不肥膩，值得回味😋食物質素不錯，新鮮可口，連2歲小孩都掙住食，飯後又沒有食物敏感。🧒🏼🧒🏼🍼🍼環境：整體感覺舒服，有浪漫海景，溝女吾錯。🥂👩🏻衛生乾淨（連洗手間都係）。🚽🧻✅光線充足，方便玩手機，枱與枱之間隔離寬闊，傾心事同講秘密一流🤫🤫👩‍❤️‍👨服務：👳🏽‍♂️🧑🏻‍💼職員態度殷勤有禮，顧及客人感受，如調教冷氣溫度，提供BB椅，加茶，主動推介是日菜式、食物分量建議及拆扣優惠等。💳💵餐館特色：內有多間特式主題套房，可打麻雀、poker、睇波、唱K同講是非😙😝🥳😎有特大露台連海景，飲酒一流🍻🥂牆上掛有多位歷代足球明星球衣⚽️值得欣賞選酒配搭：🍷🍷🍾🍾Chateau Camensac 1996 Haut-Medoc(當晚自備）性價比：✌🏻餐館走中高檔路線。午餐人均消費約$400，晚餐約$1000。與同行相比，價錢算合理，值得一試。

最近發現一間飽覽維港景色嘅中式餐廳《M馬(容)》，本身就鍾意飲茶嘅我就即刻去試下。淨係入到大堂嘅時候已經見到金碧輝煌嘅裝修，但係令我驚喜嘅地方係竟然見到Bearbrick, 心唸正常中式酒樓唔應該會出現㗎喎，咁樣已經睇得出餐廳嘅定位係在於破舊立新。餐廳主要分室外同埋室內，室外就會見到成個維港嘅海景，至於室內就走奢華路線，雲石材質嘅枱面同埋半月形嘅沙發，環境相當舒適。黑椒和牛酥$80估唔到最愛外層吧酥皮係好鬆脆，黑椒同埋和牛嘅比例恰到好處，同埋佢哋竟然用和牛做內餡，真係一個大膽嘅嘗試。原隻蝦餃皇 $80一隻靚蝦餃當然要皮薄餡靚，外皮夠薄，同埋用咗大大隻嘅鮮蝦，每一啖都好彈牙。翡翠蟹鉗餃$68翠綠色嘅半透明皮已經好適合打卡，另外特別在於末端真係會見到一個蟹鉗，內餡主要係蝦肉同埋翠玉瓜，新鮮又爽口。蟹子燒賣$80一定要睇下上面嘅黑色蟹籽，令到成隻燒賣都更加高級，裏面豬肉嘅比例恰到好處，彈牙又好食。懷舊叉燒包$58雪白嘅叉燒包估唔到咁鬆軟，經過叉燒醬醃製嘅豬肉特別軟腍，甜味適中。豆沙水晶球$38晶凝通透嘅水晶球，裏面包裹着綿密紅豆豆沙餡，仲有一粒枸杞係入邊，煙煙韌韌。潮州粉果$58相當足料，用