影片
更多
2024-04-05
79 瀏覽
香港食韓燒嚟嚟去去都係嗰幾味，外父都係安格斯牛同五花腩，想試吓新嘢，可以試吓呢間專食韓牛嘅餐廳，環境氣氛好有feel，昏暗有情調，係慶祝大時大節嘅好地方！🥳餐廳主打美國USDA Prime Meat，想食得刁鑽啲仲有熟成牛肉，週末有韓牛精割品味體驗🍴，可以望住師傅喺面前原件將韓牛切落嚟，而且全程有店員幫手燒，即管試一試佢！------------------------------🐂◖韓牛精割品味體驗 TASTE OF HANWOO BUTCHERY◗ $720p.p.— ꜱᴛᴀʀᴛᴇʀ — 有五款自家醃製小菜🥬，分別係泡菜、醃蘿蔔、醃薯仔、菠菜同埋豆芽，除咗豆芽其他都可以refill，個人幾中意個醃薯仔，味道甜甜哋，口感軟糯，幾特別！— ʙᴀʀʙᴇᴄᴜᴇ ɪᴛᴇᴍꜱ — 揀完酒之後，就會有師傅推住裝滿韓牛嘅車仔埋嚟即席切割，每片都厚切大塊🥩，店員會幫手燒埋，介紹返每款肉嘅特別之處～醬汁方面有韓式柚子辣醬同芝麻鹽🫙，個人覺得純鹽已經足夠，更帶出牛本身嘅香味！💕板腱肉 板腱肉位於胛骨上方位置，牛味濃郁，肉質好有嚼勁，油脂比較少啲💕翼板肉翼板肉位於牛肩位置，肉質軟腍多汁，牛肉味都相當唔錯，
餐廳主打美國USDA Prime Meat，想食得刁鑽啲仲有熟成牛肉，週末有韓牛精割品味體驗🍴，可以望住師傅喺面前原件將韓牛切落嚟，而且全程有店員幫手燒，即管試一試佢！
------------------------------
🐂◖韓牛精割品味體驗 TASTE OF HANWOO BUTCHERY◗ $720p.p.
— ꜱᴛᴀʀᴛᴇʀ —
有五款自家醃製小菜🥬，分別係泡菜、醃蘿蔔、醃薯仔、菠菜同埋豆芽，除咗豆芽其他都可以refill，個人幾中意個醃薯仔，味道甜甜哋，口感軟糯，幾特別！
— ʙᴀʀʙᴇᴄᴜᴇ ɪᴛᴇᴍꜱ —
揀完酒之後，就會有師傅推住裝滿韓牛嘅車仔埋嚟即席切割，每片都厚切大塊🥩，店員會幫手燒埋，介紹返每款肉嘅特別之處～醬汁方面有韓式柚子辣醬同芝麻鹽🫙，個人覺得純鹽已經足夠，更帶出牛本身嘅香味！
💕板腱肉
板腱肉位於胛骨上方位置，牛味濃郁，肉質好有嚼勁，油脂比較少啲
💕翼板肉
翼板肉位於牛肩位置，肉質軟腍多汁，牛肉味都相當唔錯，油脂含量較高嘅一款～
💕沙巴當
沙巴當位於牛肩胛下部，接近肋骨嘅部份，含有均勻緊密的霜降油花，油脂嘅甘甜與肉味並存，個人最鐘意嘅一個部位，咬落唔會啖啖油，會食到肉嘅質感～
💕肩胛里肌
肩胛里肌位於肩胛肉接近頭部嘅部位，油脂比例適中，淡淡的甘甜，唔鐘意油脂略重嘅朋友應該會鐘意呢款，油脂比例適中
💕特級牛小排
牛小排取自於五花肉第一至第六條肋骨，油脂十分豐滿，肉質軟嫩及帶有啲口感～
— ꜱɴᴀᴄᴋ —
▪韓式小食拼盤
今日嘅係炸年糕同薯條🍟，年糕有兩條，口感超軟糯；薯條就炸得好香脆，口感軟綿，放到最尾食都保持到香脆！
— ᴍᴀɪɴ ᴄᴏᴜʀꜱᴇ —
▪韓牛脂飯
作為唯一嘅主食，亦都係個人覺得最有驚喜嘅一道菜式！店員會幫手拌好，肉眼可見用一小塊牛嘅肥膏，利用石鍋嘅熱力逼啲牛油出嚟，配上牛肉粒。牛脂飯味道超香，口感會有少少黏口，夾雜着少少牛肉，口感好豐富！
— ᴅᴇꜱꜱᴇʀᴛ —
▪ ɪᴄᴇ ᴄʀᴇᴀᴍ +$38
有原粒蜂巢嘅蜂蜜雪糕，雪糕牛乳味香濃，口感軟滑，甜度適中，帶有蜂蜜嘅香味
— ᴡɪɴᴇ —
套餐有三款韓國酒可以揀，分別係柑橘濟州發酵酒，Red Mokey米酒，首爾之夜燒酒，揀咗後面兩款個名特別啲嘅～
▪️ Red Monkey
米酒顏色鮮紅色好突出，酒精度數唔高，少飲酒嘅可以試吓呢個，微甜容易入口
▪️ 首爾之夜
呢支燒酒酒精濃度有25%，睇落細細杯，味道幾香醇，飲落肚即刻暖笠笠
🌟 Encore指數：8.9/10
張貼
