影片
更多
2019-09-10
1463 瀏覽
相信老饕都知道六國酒店的黯然銷魂飯，自推出後瘋魔不少食客。每每限量推出，有時更一位難求，每年都令人非常期待，之前兩次，都只聽朋友口中講個飯點好點正的我，只能流口水流足兩年。今年黯然銷魂飯同新Iphone的時間差不多推出，名為黯然銷魂飯3.0，質料，味道，誓要再下一成。 難得有機會先睹為快，有朋友安排可以優先食，仲可以同六國酒店舵人陳頌勳先生坐低一齊食呢啲咁難得嘅機會當然唔可以錯過。雖然個餐售賣日期由9月16日到到12月12日售賣時間星期一至四只限晚市，而且只接受預訂。只限堂食，不設外賣。而且要食這個黯然銷魂飯就食套餐，沒有單點供應。今日來到當然吃呢個銷魂飯套餐。先來嘅係羊肚菌螺頭燉雞，自古習慣飲湯先，來到傳統為主的地方，當然不能錯過呢個習慣，以嫩雞，羊肚菌，螺頭等慢火燩最少四小時以上，有鮮菌濃香，而且雞湯的味道也繞樑三日，暖暖醒胃。而且燉湯，最重要係夠熱，這裡絕對做得到。係食個銷魂飯之前，先吃這個剛剛今年榮獲香港國際美食大獎現代中式熱盤烹調條虎蝦銀獎，虎爪金龍，以七吋的大花蝦來做主角，加上椒絲和放咗五年嘅陳皮入撰，隻蝦可以兩食，蝦頭加左蝦滑，成個頭再用鹹蛋炒，兩食來說，各有風頭，當然都
每每限量推出，有時更一位難求，每年都令人非常期待，之前兩次，都只聽朋友口中講個飯點好點正的我，只能流口水流足兩年。
今年黯然銷魂飯同新Iphone的時間差不多推出，名為黯然銷魂飯3.0，質料，味道，誓要再下一成。
難得有機會先睹為快，有朋友安排可以優先食，仲可以同六國酒店舵人陳頌勳先生坐低一齊食呢啲咁難得嘅機會當然唔可以錯過。
雖然個餐售賣日期由9月16日到到12月12日售賣時間星期一至四只限晚市，而且只接受預訂。只限堂食，不設外賣。而且要食這個黯然銷魂飯就食套餐，沒有單點供應。今日來到當然吃呢個銷魂飯套餐。
先來嘅係羊肚菌螺頭燉雞，自古習慣飲湯先，來到傳統為主的地方，當然不能錯過呢個習慣，以嫩雞，羊肚菌，螺頭等慢火燩最少四小時以上，有鮮菌濃香，而且雞湯的味道也繞樑三日，暖暖醒胃。而且燉湯，最重要係夠熱，這裡絕對做得到。
係食個銷魂飯之前，先吃這個剛剛今年榮獲香港國際美食大獎現代中式熱盤烹調條虎蝦銀獎，虎爪金龍，以七吋的大花蝦來做主角，加上椒絲和放咗五年嘅陳皮入撰，隻蝦可以兩食，蝦頭加左蝦滑，成個頭再用鹹蛋炒，兩食來說，各有風頭，當然都是蝦身最好食。
當然講返主角，銷魂飯上場，個樣絕對係貴氣不凡。先講講有咩upgrade左，你睇個樣完全唔知有咩改左，不過最重要係你睇唔到嘅嘢，呢個飯用左炸豬油，基本上用上點點滴滴，非常珍貴嘅燒豬油，令碗飯層次感覺都唔同左。你可能會話唔健康，久不久食有乜所謂？我唔理，食左先講。
叉燒係主角，呢度用上極大件嘅新鮮脢頭，八寸到九寸長的脢頭好有氣勢，點解咁少見因為每隻豬只得兩條。燒得脆，加上蜜汁，厚切上，一啖咬下去，肉汁和蜜糖混合起來，勁正。吃得膩嘅話就食返兩條菜。
雞蛋來自廣島，煎至脆邊，蛋黃流心，撈過飯到好正，再加上燒豬油，無得彈。仲要配上神級的香港頣和園御品精裝醬油，更加口感變得多層次。銷魂之名，仲有令你可以吃到感動的澳洲紫洋蔥，配上個飯，更加好吃。飯就用上泰國米，粒粒分明又煙韌，可見這upgrade板真是無懈可擊。
最後甜品係大紅袍茶皇糕同金腿玫瑰酥，金腿玫瑰酥特別在係脆脆嘅酥皮裡同時有玫瑰同火腿香，而大紅袍茶皇就有解膩作用，如果你吃完飯食得飽左，食埋個甜品之後就更加剛剛好。如果你未聽過黯然銷魂飯3.0，強烈建議你要快啲預訂黎試吓，賣晒就冇。往年都係好快已經爆滿，唔想4.0先食，就訂啦。
粵軒
灣仔告士打道72號六國酒店1樓
張貼
