新榮記粥店

營業中

休息中

踏入12月就會有好多飯局，咁平日都諗住食清啲，喺附近搵間粥舖食下，睇佢個餐牌就真係好平，$16就有艇仔粥，炒粉/麵/蘿蔔糕/炸兩都係$9，喺深水埗咁方便嘅位置來講，佢都算真係好平。雖然係好平，但係真係好麻麻，首先碗粥好似用粉漿開咁，睇落已經覺得冇乜米，好似飲水咁，不過料都幾多，魷魚ok，肉碎ok，可惜啲花生有陣油益味。炸兩係整定嘅，所以一啲都唔熱，一啲都唔脆，個腸粉皮好難食。炒麵好細碟，好油，見到都唔想食。