新榮記粥店

營業中

休息中

新榮記我由細食到大，每次嚟我都只係食佢嘅蘿蔔糕，腸粉，柴魚花生粥 ，佢嘅蘿蔔糕，係懷舊式，蒸嘅，用純蘿蔔做嘅籮蔔糕，真係好鮮甜，仲要熱辣辣。。。而家根本揾唔到，所以久唔久我就心思思想去食，因為真係好便，一磚只係15蚊，而家出面d蘿蔔糕全部都係煎嘅，凍冰冰，仲要硬掘掘，d粉多到乜，我一D都唔鍾意食。仲有佢嘅腸粉，真係一讚，好鬼滑，又夠熱。。。真係冇得輸，我再加咗碗柴魚花生粥，佢真係好足料，碗粥有柴魚，花生，鹹豬骨 ，都係23蚊，唔似出面d柴魚花生粥只係得花生

收左工好累，又冇胃口食飯，就去新榮記叫外賣啦！講左話要皮蛋粥，淨係要皮蛋，唔要瘦肉，個阿叔仲要重複多次我講過嘅order，仲問我要唔要蔥，我過唔要，結果返到屋企發現，蔥真係走左，但碗粥d瘦肉多到差唔多佔左1/3，我真係嬲到食唔落。因為我講左唔要瘦肉，加埋阿叔覆多次，點解咁都會錯！其實我都唔會預左呢間嘅食物會好味，打工仔收左工累都係但求有d食品落肚，已經唔奢求好味，但點解咁簡單嘅服務都會錯！

今晚来深水埗办事 办完事后就想去吃东西 看到好多人推文记车仔面 发现超级夸张 好多人排队啊 所以就不想排队 又随便转悠 发现一家粥店 谁知道性价比这么高还这么好吃啊！🐟鲜鱼腩粥 $29鱼腩给的份量很足 鱼肉很厚实 也很新鲜！性价比超高！

點左蘿蔔糕，一堆白色肉團，呢碟叫蘿蔔糕，驚嚇死人，12蚊以為咁平，點知咁核突。再黎點左皮蛋瘦肉粥，一黎以為係一碗白粥，原來碗底有皮蛋同肉絲，大佬，皮蛋瘦肉粥是一齊煮先叫皮蛋瘦肉粥，你分開上，皮蛋瘦肉當配料，救命。完全跳出我對皮蛋瘦肉粥是的認知，好伏，因為冇睇open rice 就簡左呢間，上菜咁伏，立刻查open rice ，劣評。好心你咁求其就唔好做，水人幫襯，平人地果幾蚊，寧願俾多幾蚊食正常的皮蛋瘦肉粥，永不再食，劣。

午飯時間，經過深水埗，見到呢間粥店，價錢都算平，就入去試吓佢d粥睇吓味道如何？叫咗一碗碎牛粥，一碟炸兩，一枝豆漿。點知超仲伏。碗粥好淡，食咗幾口已經唔想食。🤮碟炸兩剛剛相反，超咸，又硬，“照”唔到，好難吞，冇食到。豆漿超細枝，根本唔值呢個價錢。我已經冇胃口再食落去。極速埋單走人。出去搵其他嘢食好過。完全仲伏,冇樣嘢食到，一定冇下次。就算平嘅價錢都要俾返d質素食客，😡對得住人。人哋食過ok先返頭幫襯。超離譜，唔駛指意再有下次幫襯。😣

第一次嚟食，叫咗炸兩，蒸蘿蔔糕同艇仔粥，上餐速度超快，不用20秒，一試炸兩，第一舊凍嘅，問返佢哋，佢哋話一向都係凍食，連油炸鬼都係….. 買單時佢見到我冇食過，減咗$10😅

位於福榮街既呢間新榮記粥店店面唔大，而入面既裝修明顯係做街坊生意，不過黎得食既都係附近住既街坊，所以都唔會話太多要求果款，而佢既粥選擇唔多，但勝在價錢親民，雖然就未到好平果款，但都唔係貴果隻，而啲阿姐都係差唔多，始終黎得呢啲粥店都係無得要求太多😂而今次就揀左白切咸雞粥（$29），因為店面關係我都係選擇外賣，要加多一蚊。而一打開碗粥既份量都正正常常，雞既份量反而比想像中既多，而食落亦都有味，而於粥底就未算係煲到好綿，但亦都有咸雞既味道滲左啲入去，整體黎講一般般，勝在夠平😂

今日返工經過見到，早餐都想食腸粉，就行食去買左碟牛肉腸外賣，叫左外賣企係度等，見收錢阿姐有同廚位講，但我望到 負責嘢食嗰位阿姐， 充耳不聞最續玩電話。跟住我等左5分鐘，收錢阿姐再叫佢佢先做😤😤😤🤬🤬。 返到公司打開外賣盒，嚇左一跳，我未見過啲腸粉有成3mm厚，咬落去厚到好似食牛肉片蘿蔔糕咁，難食到咁，啲麵粉醬當真唔駛錢

不嬲都好鍾意食蘿蔔糕$9經過呢間見到佢咁傳統應該都唔差買咗舊蘿蔔糕拎走一打開痴線㗎完全得粉一啲餡都冇成舊野係完全冇味我一條蘿蔔絲都搵唔到食咗一啖成舊掉下咗又乾又硬完全吞唔到永無下次

坐低就叫左兩碗粥，一碟叉燒腸粉，啲粥好稀，好似飲水咁，仲衰過BB仔啲米糊，啲腸粉皮好厚，好似食緊漿糊咁，得中間個一格係有叉燒，仲要一夾就跌晒啲料出黎，仲要咁岩壞冷氣，又唔開風扇，熱上加熱，係咪應該要貼張紙係門口提醒人呢，再加上佢啲所謂冰凍豆漿又唔凍，希望唔會飲到肚屙，食食下真係把鬼火，碗粥食到一半都已經唔想食，拿拿臨比錢走人，絕對唔會再黎食第二次，同時亦希望唔會再有其他受害者，希望今晚我唔會肚屙啦！

細店冇裝潢 幾個阿姐負責即拉腸粉 炸油條 炒粉麵 蘿蔔糕生滾粥 皮旦瘦 艇仔粥……價錢親民 質素一般 副食份量少及弟粥 ~$25 粥脪 冇米粒 味重材料得3款：豬潤 豬肚 粉腸係冇肉丸 或 瘦肉嘅 問咗阿姐冇攪錯 ……咁叫”豬什粥“ 貼切啲蘿蔔糕~ $9 味傳統 但份量少蒸粉 薄薄1細片冇蘿蔔絲 冇乜蘿蔔味 可能係豉油遮蓋晒下次會試吓 即拉牛肉腸粉 $14咁平價 好奇質素

踏入12月就會有好多飯局，咁平日都諗住食清啲，喺附近搵間粥舖食下，睇佢個餐牌就真係好平，$16就有艇仔粥，炒粉/麵/蘿蔔糕/炸兩都係$9，喺深水埗咁方便嘅位置來講，佢都算真係好平。雖然係好平，但係真係好麻麻，首先碗粥好似用粉漿開咁，睇落已經覺得冇乜米，好似飲水咁，不過料都幾多，魷魚ok，肉碎ok，可惜啲花生有陣油益味。炸兩係整定嘅，所以一啲都唔熱，一啲都唔脆，個腸粉皮好難食。炒麵好細碟，好油，見到都唔想食。

大少因身體抱恙，所以只能吃粥做午餐!經過深水埗嘅街頭，就黎到新榮記~粥品同食物價錢都非常相宜，於是就叫左碗粥、炒河1份、仲有蘿蔔糕1份。粥品店通常都有蒸糕供應。對於蒸蘿蔔糕嘅愛好者嘅我黎講，呢塊蒸蘿蔔糕 $8 絕對唔合格! 蒸蘿蔔糕本應更易食得到蘿蔔絲嘅香味，但係完全無味，而粘米粉份量都無因蒸嘅關係而去減少。成舊就似沾上甜豉油，胡椒粉嘅實的的粉糰一樣!炒河粉$8 除左成碟滲雜左唔少幼面之外，價錢味道算正比! 河粉嘅煙韌度剛好，唔會太硬或太散!魚片粥併皮蛋 $24粥料算是多，可惜足底感覺偏稀。整體總結~唔計蘿蔔糕，其他都仲可以食下嘅!但切勿對呢間粥店有驚喜想法。

- 腸粉份糧少得可憐 : $8- 腸粉冇麻醬同芝麻- 粥太稀 (艇仔走牛) : $15- 蘿蔔糕又凍又冇味 : $8- 胡椒粉完全冇胡椒味這店能生存到今日是奇蹟。價錢是可以的，但品質要提高。對客人亦應多一點耐性。- rice roll quantity is terribly small- without the choice for peanut sauce and sesame- congee is watery (club congee without beef)- turnip pudding taste plain and cold- white pepper powder didn't smell like white pepper

話說今日有個學員肚屙唔舒服，公司又冇人手煮到粥俾佢食。所以就要去買白粥，呢間係最近我地公司ga粥舖，所以就去左買，點知係同佢講要寫單嗰陣，嗰呀姐好大意見，仲好冇禮貌咁話:乜你咁計較ga！第一次我冇出聲。又在講多一次，我就好火問佢，你係咪唔想賣?佢又唔夠膽話係，之後我又問佢你咁講野係咪想俾人鬧?佢又係靜左，直到佢寫好收據同俾粥我嗰陣又話我，講完就快d走la。我嗰刻真係著左。。以後都唔會在幫襯其實你嫌麻煩可以唔做我生意，雖然錢少，但唔使話人呀…