新記雞粥 (筲箕灣道)

營業中

休息中

呢排都係食西餐，突然好想食下粥。見到呢間餐廳有好多唔同配料既粥揀，而且係老字號。坐低左見到餐牌，就忍唔住瘋狂點菜🤣🤣 兩個人點左五樣野😋鮮蟹粥（$52）- 原本想試推介雞粥，不過蟹粥好吸引又好抵食😂。蟹肉好鮮甜，粥底又滑又棉。金牌貴妃雞（$68）- 例牌都有雞髀，雞肉嫩滑，雞味好香濃，果然係推介👍🏻香脆炸大腸（$52）- 唔係好多地方有得食，見到又要點黎試下。外皮好脆，點甜酸醬最好😋。 豬潤肉片炒米粉（$56）- 我覺得米粉炒得幾乾身幾香。 加入豬潤肉片，味道比較濃。涼瓜炒蛋（$48）- 涼瓜苦苦地伴住滑滑既蛋，配白飯一流😆。整體來講食物質素都幾好，五樣野都係$276， 都幾抵食。