豆漿大王

營業中

休息中

下午茶時間食上海嘢，識食一定會叫粢飯加豆漿!個粢飯似係即叫即包，佢用個包色膠袋入住，一望見真係嚇咗我一跳，多數上海店都係用保鮮紙包啫，心諗:應該唔會中伏掛…但食落個味道真係令我好驚喜，好少可食粢飯個油炸鬼係脆㗎!! 啲飯都好鬆軟唔會太硬，再配埋鹹香嘅肉鬆同香口嘅榨菜，感覺飽而滿足。見個menu寫住仲可以加錢加榨菜、肉鬆、油炸鬼，或者加晒所有材料，呢個做法真係幾特別，多數上海店都冇得再追加材料，不過個人認為一個粢飯都已經好飽了!有粢飯又點可以冇豆漿呢?身為紫薯控，就梗係追加杯紫薯豆漿啦! 米睇個豆漿好似幾大碗咁，但佢就冇乜紫薯味，整體嚟講味道比較淡，呢個令我有啲失望