豆漿大王

今晚收工去咗新蒲崗，試咗間好出名吃粢飯嘅小店。果然名不虛傳，個咸粢飯真係無得彈！炸菜爽脆，油條夠脆身又唔會韌，肉鬆鹹香夾得啱啱好，飯粒軟糯唔會過硬，簡單但功夫到位。不過個上海排骨麵就跌咗少少watt～塊排骨炸得過火，油淋淋好似浸過油缸咁，咬落去有啲韌，同個清湯麵底有啲格格不入。好在個麵湯底清甜，加咗大量葱花吊味，叫做救返少少分。飲品方面，杯熱豆漿有驚喜！豆味濃得嚟唔會過甜，飲完成個人都暖笠笠。煎菜肉包就合格啦，皮薄餡足，菜肉比例適中，當個輕食頂下肚都唔錯。總括來講，為咗個粢飯同豆漿絕對會返兜，但個排骨麵就...下次都係試其他嘢算啦！…查看更多

哈囉各位食友！我最近去咗一間豆漿大王餐廳試菜，佢嘅脆香雞扒飯同凍椰汁豆漿真係令我一試難忘！先講脆香雞扒飯，雞扒外皮炸得脆卜卜，內裡嫩滑多汁，配上熱辣辣嘅白飯同少少酸甜醬，食落去層次好豐富，一啖接一啖停唔到！再試凍椰汁豆漿，豆漿香濃順滑，椰汁嘅清甜中和咗豆味，凍飲仲爽口，啱晒解渴同解膩，飲完仲想再叫一杯！餐廳嘅氣氛好有懷舊feel，坐低食飯好舒服。不過有啲人可能覺得雞扒份量稍為細啲，但對我嚟講就啱啱好，唔會太脹肚。而凍椰汁豆漿有人話椰味蓋過豆漿，但我就覺得兩者平衡得幾好。…查看更多

突然之間很想吃粢飯，想念小時候的味道，跟住就同屋企人去食！🥰🔸咸豆漿第一次試咸豆漿，碗裏滿滿的材料，有油炸鬼，蝦米，榨菜，蔥花等，個人覺得挺特別的，不過還是比較喜歡甜豆漿多啲🤭🔸甜豆漿有熱或凍選擇，甜甜的豆漿豆味很濃，十分絲滑，很好喝！👍🏻🔸咸粢飯咸粢飯裏面有炸菜、油炸鬼、肉鬆，糯米煙韌，油炸鬼很脆，十分香口好吃！吃不了一個，可以切半分享，十分貼心！🔸酸辣湯很足料，酸酸辣辣的很過癮！…查看更多

食開新蒲崗店好掂，但淘大店咸豆漿真係唔掂，好似1:1加熱水溝咁，冇豆味冇麻油蝦米香…似一碗鹽水加榨菜…好失望:(肉鬆奶脆多同粢飯都ok～但係饅頭太油有d 油膩食唔哂4舊…查看更多

豆漿大王由細食到大 價錢親民 份量大件📸今次嚟咗位於九龍灣德福廣場嘅分店 一眼睇晒點咗擔擔面湯底🤩 配上韭菜餃 滷水豆腐 先講份量 💯睇相就知道勁大碗 湯同面係成碗滿晒 餃子同豆腐都突晒出嚟 擔擔湯係每次嚟都必食 香濃好多花生碎 仲有香蔥 肉碎 好多配料 韭菜餃大大粒 餡料勁多 一啲都唔會偷工減料 最後就係滷水豆腐 都係十分之大件 睇相就見到重大見過假餃子 最後上海麵份量都好足夠 簡單啲嚟講就係一定飽肚餐廳上餐速度比較快 如果趕時間都冇問題 另外好多食物都可以加錢就有唔同嘅配搭 好啱乜都想試吓嘅朋友…查看更多