豆漿大王

營業中

休息中

今朝行過去豆漿大王，買個粢飯做早餐。我係外賣嘅，俾完錢好快就有得拎，熱辣辣。宜家唔係好多上海舖有粢飯賣，有又未必好食。豆漿大王嘅粢飯都算係咁，唔係話好大個，女孩子食會夠飽。裡面基本嘢，肉鬆，炸菜，油炸鬼。油炸鬼返到公司食嘅時候仲係脆身（都差不多相隔30分鐘），各樣味道都幾好。餡料仲可以加配，我就食正常版。見仲有其他上海食品，菜肉飽，雲吞等。可能返工時間，堂食唔算太多人，大家都係外賣為主。價錢親民。搵日都想去試吓佢其他嘢食。

豆漿大王係一間比較平民嘅米芝蓮小店，作為上海麵館，佢最出名嘅一定係粢飯。新蒲崗應該先係本店，依家淘大有分店就方便好多了。平民化嘅價錢，都有幾多選擇，上海麵/飯餐、小籠包、銀絲卷、紅油抄手等等，一眾上海小食一應俱全。咸粢飯糯米煙韌，少黏唔會鬆散，油炸鬼有口感夠鬆脆，配埋肉鬆同榨菜，有層次，配搭一流。👍🏻另外配上粢飯嘅好拍檔：咸豆漿，大大碗夠足料，食完好飽肚😂主食方面叫咗脆香雞扒飯，雞扒炸得酥脆，香口惹味，而且分量大，性價比高，令人喜出望外。👏🏻小食叫咗紅油抄手，分量足但味道一般。飲品方面奶茶係樽仔裝，典型港式奶茶味道，茶味濃，唔錯唔錯👍🏻現今百物騰貴，係大商場中都重有平民價錢嘅出色小店，值得一試。

又黎到淘大食晚飯喇，因為中午食得太飽，又見呢間有好耐都冇食過既豆漿同粢飯，就入去試吓啦。好記得中學嘅時候成日都食粢飯，中間會加辣榨菜，呢間啲餸都幾足料，味道偏淡，不過就冇辣榨菜了，如果加埋就正上海小籠包啲皮唔算厚，夠熱，幾好食😋上海炸排骨都酥脆既，份糧都多，飲埋豆漿兩個人食超飽

今日同朋友去開九龍灣，之前我試過佢嘅粢飯好好食，今次就試埋其他嘢食。因為之前有朋友話鹹豆漿好味，特登收工買外賣買返屋企。咁我就試咗覺得有啲似啲某飯團品牌嘅豆漿湯。鹹豆漿顧名思義就係，豆漿加油炸鬼同蝦米，其實有咩都好飽食唔落其他嘢。我哋叫咗個炸豬扒飯、紅油抄手、炸銀絲卷同埋粢飯。個粢飯好鬆軟，不過可以多啲材料。其他炸豬扒飯味道都不過不失，紅油抄手略嫌冇乜辣味，性價比都幾高，叫咗咁多嘢都好似$200左右。

幾年冇去過九龍灣、做完嘢之後醒起朋友講過話呢度有一間曾取得3年米芝蓮香港街頭小食推介，最出名嘅係粢飯同豆漿？好耐冇食過粢飯、難得嚟九龍灣梗係一試！叫左鹹粢飯、熱豆漿、煎菜肉包！當做晚餐 😹 粢飯實比銅鑼灣小巴站嗰間做得好、糯米食落好煙韌、油炸鬼真係脆卜卜、肉鬆份量不少！正！碎榨菜我覺得係甜口、呢個會推介！一心覺得豆漿一定會有好香濃嘅豆味、但係飲落去一啲豆味都冇！好似飲水咁！😞 但熱豆漿有個細心點、就係可以自己加糖可以控制甜度！煎菜肉包一上枱就覺得係攞貨貨色！肉嘅份量好少！同埋好細隻！呢間只會推介粢飯！豆漿都唔使試 😮‍💨

路經九龍灣淘大商場，總會想走去食下呢間「豆漿大王」，呢間「豆漿大王」既新蒲崗總店曾經連續3年獲得米芝蓮推介小食，淘大分店質素亦毫不輸蝕，一樣做得咁出色，令我想一食再食餐牌上既餐點價錢都唔算貴，性格比高，係大家都能夠負擔既平民美食。今次我揀左最鍾意食既粢飯 ($16)同酸辣湯 ($23)粢飯入面有榨菜，油炸鬼同肉鬆，外層薄薄既米飯包住香脆既油炸鬼，細心既店員仲會係落單既時候問洗唔洗切開，方便進食。酸辣湯酸同辣既比例調和得好配合， 酸辣湯入面有豆腐同豬皮，材料豐富美味！

～ 晚餐．粢飯、上海小籠包、煎餃子、擔擔麵、咸豆漿、酸辣湯、樽仔奶茶、凍豆漿～🍚 粢飯 👉🏼 即叫即整，油炸鬼好脆，配埋榨菜同肉鬆好夾，份量太少。🥟 上海小籠包 👉🏼 咬落去會爆汁，美中不足之處有隻痴住籠邊，夾個時爛咗導致湯汁漏晒出嚟。🥟 煎餃子 👉🏼 兩面煎香脆，餡料全韭菜，超少肉碎，食落去比較油。🍜 擔擔麵 👉🏼 有花生粒，花生醬，肉碎，辣，但麵條不是傳統幼麵，湯底稀同淡，失敗之作。🍲 咸豆漿 👉🏼 有蝦皮、榨菜、油炸鬼，成碗當飲水，無咩味。🥘 酸辣湯 👉🏼 酸同辣啱啱好，有蛋絲、豬紅、豬皮、黑木耳絲。🧋 樽仔奶茶 👉🏼 唔夠濃味，太細樽。🥛 凍豆漿 👉🏼 豆味偏淡，少甜。㊙️ 個人評價 👉🏼 粢飯唔錯，其他真係麻麻💸 埋單免加一 👉🏼 ＄172🏡 地址 👉🏼 九龍灣牛頭角道77號淘大商場2期地下G208-209號舖☕️ 一個人的餐桌 一個人的孤獨 請我飲杯咖啡 瀏覽下網誌 謝謝

位於淘大花園的豆漿大王有好美味的粢飯我間中會買它來做早餐他的糯米飯做得好好煮得透軟硬適中、很煙韌、很有咬口中間的油炸鬼十分香脆肉鬆分量也很足熱辣辣食真的好正如果刻意挑剔的話就只是餡料分布不夠平均🤣🤣🤣但真的好好味，實而不華 ❤️是會令我回到家也會想念的美食

之前路經淘大時已經對這家粢飯有印象，無奈每次都是吃飽飽的狀態，無緣一試。今天小倆口又找吃時沒有其他心水，便一於去試一試。兩人都不是太餓，簡單的點了咸粢飯和小吃上海排骨，貪嘴的另一半要多了一份小籠包。首先粢飯絕對沒有令我們失望，有驚喜！咬下去時裡面那油條還是脆脆的，飯也很鬆軟，不像其他有些店的粢飯是全都黏在一起油條也是軟的，而且也不貴才$15大元。上海排骨就普普通通，小籠包也是正常水平。為了粢飯，我們會再來的！

唔想食太heavy 見呢間店成日都好滿座好奇點解晚市時間 食粢飯豆漿都咁多人原來新蒲崗店拎左米芝蓮嫁!$15招牌粢飯即叫即做，可以自選材料添！比例剛好，飯果層薄d，油炸鬼新鮮香脆，炸菜同肉鬆都唔輕手！好食！$18肉鬆奶油脆多 其實係炸饅頭加鍊奶同肉鬆煎餃子🥟韭菜豬肉勁多韭菜呀！豆漿勁多款 叫左椰汁🥥豆漿因為有凍既！諗住唔飽叫多碗滷肉碎拌麵share 點知又太飽🙈不過價錢黎講我覺得都算平，而粢飯係真係好食既！

牛頭角「淘大花園」商場裡面原本的日本菜餐廳，曾經名稱叫做「大阪王將咖喱屋」。在「大阪王將咖喱屋」第一次關門結業之後，店名稍微被改變了，變成了主打日本拉麵的餐廳「大阪王將」。結果由咖喱屋改變了成為日本拉麵店的「大阪王將」，最後還是逃不了關門結業收場的命運，再次關門和進行大型裝修改動，變成現在的上海菜餐廳「豆漿大王」。如果閣下在新蒲崗工廠區裡面上班工作，又或者曾經在新蒲崗區裡面打滾的話，一定不會對「豆漿大王」這店名感到陌生，因為「豆漿大王」曾幾何時，是新蒲崗上班族午餐的理想選擇。但是新蒲崗跟很多工廠區食堂食店一樣，在工廠裡面開店營業的食堂，都會受制給工廠大廈的地契規例內容，不能夠在工廠大廈裡面經營非工業用途，在工廠大廈內經營食肆，或會影響所在工廈的契約在法律上的效力。所以某間位於荔枝角工廠大廈裡面的著名餐廳，才會先後多次兼且煞有介事地，在食店裡面張貼通告，勸告上門幫襯食店的食客們不要貿然拍照。「豆漿大王」本來位於新蒲崗的工廠大廈裡面，也是受制於工廠大廈裡面的條例規定，也抗拒食客在食堂裡面拍照。現在「豆漿大王」將分店業務伸延至到非工廠區的「淘大商場」，看來「豆漿大王」不用再限東限西吧？由於牛

熱豆漿：味道不錯，飲到黃豆味，而且味道偏淡，飲完唔會口渴。同埋都好大碗，基本上每次黎食，我有半杯都要外賣拎走。粢飯：好推薦依到既粢飯，因為唔太鐘意食肉鬆既關係，好多時都唔太想食粢飯。但依到既粢飯，因為係即叫即包，所以可以隨意加減配料。今次我走肉鬆，但無影響到粢飯既味道，飯同配料既比例係一半一半，所以每一啖除左食到飯之外，都可以食到配料。入面既榨茶食落爽口而且無渣。油炸鬼就非常香脆。唯一既缺點就整體唔夠實，建議食之前，可以用力禁一禁實佢先。環境：由於都係細鋪，所以環境都接幾逼。同埋如果一個人黎食既話，有時食食下，店員都會叫你搬去拎一張枱坐。不過我覺得可以接受既，因為店員都比較有禮貌，

在淘大餐廳林立的地方，當你是個選擇困難症的人，確實是頗煩惱的，我就是這類人，走了一個圈，發現有間新開的食店，於是走入去試試，排隊的人亦有不少，但等了大概10分鐘左右就可以入坐，坐位非常逼夾，但我是體諒的，這類型的餐廳是走便宜價格路線，所以會用盡每一個的空間，加上室內枱有限，所以如果你是想坐得舒舒服服食的話，那就不建議你試這店！以價格來講我覺得是抵食的！粢飯─味道不錯，咬開我覺得是足料的，油炸鬼亦保持脆身，無出現稔身，所以我相信是即叫即包的，不是預先包好。另外，我看過先前的一些食評，都批評了他們的服務態度，我好慶幸他們不但無劣服務，反而他們見我兩個人只叫一個粢飯，主動問我需不需要切開，這點令我覺得有些喜出望外！咸豆漿、豆漿─首先，先講咸豆漿，這是我第一次飲咸豆漿，我覺得味道非常討好，感覺就是飲一碗豆味很重的湯，加上其他配料，特別是炸香了的櫻花蝦，非常香！至於豆漿也算不錯，不會很水的感覺，豆味亦夠，不會太租！炸饅頭─好多時食炸饅頭，最怕是饅頭凍了，那些油抑味就會出來，這個炸饅頭第一不會太油，第二不是凍的，所以我覺得很不錯。煎釀豆腐─平平無奇，我覺得煎豆腐可以不需要太滑身，但要夠香，可惜它好

星期六收工，去牛頭角淘大商場買外賣晚餐🥡，搵咗呢間新開嘅上海飽點店，去到鮮黃色搶眼，門口有室外座位，又放咗大餐牌，揀好入收銀處落單，八達通比錢方便，再攞票等叫號碼！門口可以睇到出菜位，見到廚房啲姨姨煮食，店員不停取食物上菜，我見住負責包我份外賣嘅女店員，因為食物比較多，佢試咗大袋再分袋，完成包好外賣比我！普通發泡膠碗，除了酸辣湯嗰個可以入微波爐，菜肉包入紙袋！都因應唔同食物做包裝，我再搭半小時先回到家酸辣湯雲吞（$34）酸辣湯一片紅油，但食落唔太辣，雲吞4隻，菜肉雲吞皮幾厚，好在幾滑，菜肉餡唔多，幾爽口，酸辣湯內有荀、豬紅、豬皮條，湯材料多，荀爽口，豬紅不規則，幾嫩滑，豬皮爽！材料幾好味，湯底唔夠杰身，好浠，所以材料掛唔到湯！差咗啲！煎菜肉包（$14/2個）紙袋裝，焗咗一陣，所以已經唔夠脆底，包鬆軟，餡料鹹香，味道幾好！如果脆底會更好！粢飯（$15）膠袋裝，比較細條，糯米鬆軟，店家話即包，油炸鬼脆，榨菜鹹脆，肉鬆鹹香，好味！豆漿（冷熱都係$9）我試咗熱嘅，無落糖飲，味淡豆香味濃，落埋糖飲剛剛好！係幾好味！外賣收咗$2店員爽手，雖然唔多說話，包外賣試咗大袋唔得，幫我分成兩袋，穩陣啲又無咁