Kiuki Sweet Bakery

營業中

休息中

粟米味的蛋糕真係未食過。想試下新味道就揀左黎試下。點知一食食到停唔到口，我最後一個人食左成半個蛋糕。成個蛋糕充滿著淡淡嘅粟米清香味，絕對唔會太甜，但係又有好自然清新嘅粟米清甜味道。而蛋糕唔同層次，例如當中的cream同仲有滿滿嘅麻糬配上蛋糕同埋粟米粒，簡直就係完美嘅配搭，有好豐富嘅層次。食咗半個都唔會覺得味道單調或者太膩。入面啲麻糬好足料，特別香濃同出色，無諗過粟米味嘅麻糬係咁好味。而且店主將蛋糕裝飾得好靚，連外面啲烤粟米都可以食。整體黎講成個蛋糕係非常高質而且富有創意嘅香港手工製造蛋糕，也喺一件藝術品。佢間店仲有好多味道嘅蛋糕，特別想試佢招牌伯爵茶海鹽焦糖脆脆蛋糕，仲見到佢有好多曲奇餅都係特別有心思，睇落好好味，下次一定要試下。超級推介呢間，如果下次慶祝朋友生日唔想買啲連鎖店嘅招牌蛋糕，就考慮嚟幫襯呢間啦，一定唔會失望。