金枕頭泰國餐廳

營業中

休息中

今日去探媽媽，順便同佢出去食下野，我地去左位於粉嶺牽晴間的「金枕頭泰國餐廳 」食晚飯。餐牌多元化，有燒烤、小食、海鮮、咖哩、飯、蔬菜、粉麵、甜品、飲品，除了單點，亦有套餐可以選擇，價錢合理。串燒湯嗲-雞肉燒得剛剛好，都幾大串，雞肉入味，夠嫩滑，好Juicy ，沾上沙嗲醬，串燒跟沙嗲永遠是絕配，超鍾意以到既沙嗲醬，花生味好突出，最緊要唔會好辣。泰式拼盤有春卷、蝦餅、串燒雞肉、串燒牛肉，雞翼，串燒牛肉好入味，好軟腍，不柴口，另外蝦餅好大件，炸得金黃香脆，蝦肉鮮甜彈牙，必點泰式辣醬。蝦醬炒什菜什菜有娃娃菜、紫椰菜、椰菜花、西蘭花、芥蘭等等，炒得好有鑊氣，加入蝦醬，味道又唔會過份鹹，味道剛剛好。菠蘿炒飯賣相吸引，用半個菠蘿盛載香噴噴的炒飯，入面有魷魚、蝦、蠟腸、雜豆、肉鬆等等，炒飯炒得夠鑊氣，飯粒粒粒分分明，不會太乾或太濕，加上入面有好多粒粒菠蘿，食落非常開胃。