米走雞Deluxe (已搬遷) 新店位置

米走雞的約定先講咗個黃金芝士雞煲先，當個雞煲嚟果陣，多不勝數嘅芝士粒鋪滿係20幾件雞上面，芝士粒溶化後，形成一片芝士海，唔洗一陣，成個芝士雞煲就食得，米走雞嘅雞件比一般店鋪做得貼心，大啖大啖咬落去都好少雞骨，嫩滑嘅雞肉係濃厚嘅芝士下份外入味，層層嘅美味口感係舌尖遊走著。隨後，我地食埋娃娃菜，米走雞用咗上乘嘅材料，鮮甜爽口，豐富嘅纖維更有助改善腸道健康。後上嘅肥牛為我地繼續帶嚟精彩。薄切嘅肥牛脂肪比例控制得恰到好處，一放落鍋5至10秒，就可以品嘗到入口即溶嘅快感。比起一般火鍋店，米走雞嘅肥牛更重牛味，令人一試難忘。我地仲叫咗魚皮餃，其精髓在於皮薄餡靚，但最重要嘅係餃皮經得起高温嘅考驗，唔會係湯入面爆開，魚皮餃嘅肉汁都得以保存。所以都非常推薦大家試翻呢個米走雞嘅約定。即日起至2020年10月30日，米走雞(觀塘店)外賣自取或經CALL4VAN送貨，消費滿$500，加$50即可送貨，滿$800更可免運費。