合益泰小食

營業中

休息中

返工返深水埗嘅我，每朝都經過呢間米芝蓮腸粉店，但係自從前排米芝蓮推介之後，佢朝朝都有人排隊(下晝更加多人)。今日見排隊人數比較少，所以買咗一份。腸粉價錢以我理解係$7四條，然後每$1多一條，我就齊頭要咗$10，多芝麻。返到公司一開，腸粉份量足就一定架啦。口感方面，佢有少少挺身，唔係最滑嗰種，不過用咗好多層捲埋，加上佢有豬油底，所以都算係好滑。而汁方面，佢有好香嘅豉油麻醬甜醬(因為加咗豬油)，而由於佢唔係普通腸粉底，所以無好似平時外賣腸粉咁索乾晒d豉油，食到最尾都仲有汁淨返，非常好。唯一覺得阿姐剪得比較求其，長短不一，有d會比平時腸粉長成倍，又有D剪開一半又未剪斷，呢樣爭咗d。