祥興記上海生煎包 (譚臣道)

營業中

休息中

呢排好積極咁樣搵公司附近有乜嘢好嘢食，之後就見到呢間生煎包係米之蓮推介嘅，而且價錢仲好便宜，一於去試吓。•招牌生煎包（$48/6個）今次試咗六件都係原味，一咬開細細個窿首先要飲左入面嘅湯汁先，記得要小心熱，佢嘅灌湯勁多，都幾好飲，不過啲肉好大嚿，可能有肥豬肉，食咗大約三舊就好飽好膩，本來仲擔心四件會唔夠飽所以叫咗六件。試咗點埋佢嘅豆瓣醬同埋醋，覺得豆瓣醬幾香幾好食但係醋就太過酸。下次可以試埋佢嘅鮮蝦味同埋黑松露味。