祥興記上海生煎包 (譚臣道)

今日叫外賣，店員pack漏咗整整3盒生煎包，我哋打去店面，店員叫我哋自行安排再叫外賣平台送多次，外賣平台根本唔可能因為咁而再送，跟住店員就叫我哋退款個態度就係店pack漏嘢，要食客處理你嘅過失，退款係一回事，重點係我同事冇嘢食店員電話講唔過我哋，最後就直接cut線，咁嘅態度有冇搞錯，再好食都唔會幫襯，店員態度好有問題…查看更多

態度超級差，去過好多次，收銀有客買野，你唔叫佢，佢絕對睇你唔到，你叫佢哋，佢就黑面，鋪3個人，3個人都唔會理啲客，直接當睇唔到，其實唔止第1次比人講話禮貌，點解到以家都重係咁…查看更多

📍灣仔 - 【祥興記上海生煎包 (譚臣道)】灣仔譚臣道76號地舖（港鐵灣仔站A3出口，步行約1分鐘）⁡行經灣仔，見到呢間舖頭，口痕入去食個生煎包。舖頭係企位設計，只有數張椅子可以坐一坐。⁡點咗一份4隻嘅《招牌生煎包》 $35 ，好快手，等咗幾分鐘就有得食👍🏻大家食嘅時候真係要小心，因為佢真係超！多！汁！😍個生煎包皮薄餡靚，包底煎到金黃脆脆哋，一咬落去勁爆汁，大啖咬嘅話啲汁可以話係飛出嚟（朋友食到飛晒汁）🤣🤣仲非常熱辣辣😋 真係唔錯😋⁡⁡⁡…查看更多

在金鐘處理完一點事，上了一架往北角的電車，在柯布連道落車。那裡也是灣仔站的 A3出口。望到三聯書店，街角有間 Subway，轉入譚臣道，行幾步就到。到達時上午 11：45，有位男職員忙於煎包。店面是兩邊企位設計，有 6張酒吧式高凳。點了一客 6隻招牌生煎包 （$52），2隻黑松露生煎包（$33），一客蔥油拌麵 （$32）。等了兩三分鐘就有得食，熱辣辣。（要留意：店舖不收現金。我用了八達通俾錢。）招牌生煎包 ，皮薄，底煎脆，爆多汁。雖然佢枱面有提示，但人總是犯相同的錯。第一隻我一啖咬落去，爆到一枱都係汁。（臨走時我有自己抹番乾淨。）黑松露更香，可以唔蘸醋。蔥油麵，朋友想食，正常發揮。佢分左一半俾我，我加了少少辣醬。朋友覺得好滿足，我本來想再叫一個擔擔麵，但睇錯時間以為好趕，就到此為止。如果路過灣仔，會再幫襯。…查看更多

收银店员说话很不耐烦，对她指出后，被全部店员责骂甚者推搡，赶出餐厅。以后绝对不会再去。以前就感觉这家态度不太好，现在越来越差。湾仔有许多更好的选择，建议回避改餐厅。…查看更多

收銀阿姐，黑口黑面，語氣，態度好差，而遞外賣嗰位男仔，雙目無神，未瞓醒嘅語氣：“外賣有喇”。唉，完全係無心經營！加盟咗特許經營，自己付出咗一舊錢出嚟去加盟，點解唔做好自己自負營虧個嘜頭，可惜！咁樣嘅服務方式，態度，其實等同趕客…查看更多

上次食祥興記已經幾年前，今日經過灣仔間祥興記，有點餓就入去再試試。呢間店係立食嘅，買咗生煎包4只（$35)。 生煎包看起來賣相普通, 包底煎得金黃，割開包子一看充滿湯汁，豬肉份量尚可。入口夠熱，夠脆爆湯汁，但豬肉帶點騷味。不知是否近幾年食過其他店更好食嘅生煎包，覺得今次生煎包無以前食過嘅咁好食。…查看更多

如果嗰日無其他更好嘅選擇，或者趕時間要買外賣返公司食嘅時候，我間中都會買佢嘅招牌生煎飽，叫做俾個機會大家。好可惜生煎飽嘅質素已經係越來越差，完全無吸引力叫我等登去幫襯。店員嘅態度真係有問題，尤其係女店員（我本身都係女性，所以唔係性別歧視），語氣態度面口真係好似當你係仇人咁。如果賣嘢賣得咁勉強，我建議佢哋不如執笠。回想起以前佢哋食物質素好嘅時候，我都曾經等登由金鐘去灣仔幫襯。今日決定係我最後一次幫襯。今時今日咁嘅食物質素同態度，算啦，勉強無幸福。我都唔想同佢哋物以類聚，連自己都沾到佢哋嘅負能量，影響埋我嘅幸福呀。呢個負評我都諗咗一陣寫唔寫，不過最後決定面對現實，正視問題，唔再能夠發展落去嘅話，又唔覺得可以改善嘅話，不如正式結束呢段消費關係。 …查看更多

走過呢間小店，隻隻生煎包薄脆金黃，香氣四溢，真係叫人心郁郁！點咗一籠招牌生煎包同一碗排骨麵。啖啖肉嘅生煎包，外皮香脆，一咬落去，肉汁四濺，溫熱而濃郁，絕對係正中我個"肉包"心！啱晒鐘意食肉嘅你我佢🍔。排骨麵就幼滑得來，湯底微鹹有回甘，屋企飯桌上溫馨嘅味道，令人一啖接一啖。其實平日忙碌，偶爾試試街邊小店嘅美食，真係種享受。嗰種熱辣辣，鮮美多汁嘅口感，仿佛可以把生活嘅疲憊氣都吹走🍲。店內固然無坐位，但係食客默契地排隊等候，飲食文化嘅小確幸，每個人或多或少都想要嘅！總結，如果想搵啲地道、真心嘅滋味，强烈推介大家試試。下次，我仲會再黎朝聖，搵返啲童年嘅記憶味道💫！…查看更多

其實都幫襯過十次八次，態度次次都唔好，但買賣過程快，都算。今次都係話堂食，但後生既店員俾錯外賣包裝，拎轉身打開照食。想掉左個膠袋佢啦，因為覺得既然交左俾我，衞生原因都應該由我掉左佢。但想掉個時，包緊小籠包既後生女店員勁大聲叫住我：你唔要，俾返我地唔好掉！想拎返都可以正常啲，講句唔好意思，你唔要俾返我地呀😵。好差，最後一次食呢間。懷疑佢地都係一家人，互動個啲唔似同事。中年叔叔有禮啲，老女收銀勁黑面，其他人都差唔多…查看更多

今日喺灣仔諗唔到食咩，就行過係去地鐵站嗰邊，一路搵餐廳，就見到呢一間祥興記生煎包專門店，我同朋友都好耐冇食過生煎包決定入去試吓，我哋叫咗一份生煎包一個拉麵同埋一個酸辣湯。生煎包皮薄餡靚，咬落去嘅肉汁即刻擁晒出嚟，非常好，而且非常熱辣辣，大家食嘅時候要非常小心，唔好比啲肉汁辣親，傳統口味都非常好食，下次想試吓🦐口味！另外酸辣湯亦都非常好飲，酸酸辣辣嘅味道唔錯，口感上亦都唔差，配料都有好多唔同種類嘅嘢食，有蘆筍，令到成個湯嘅口感昇華，正！…查看更多

今日經開灣仔，突然想食下附近既生煎包。本來考慮緊食大街間「堅X號」定呢間好（兩個都有食過，不過祥興記之前食既其他分店）。諗黎諗去，因為都想食蔥油拌麵，都係決定食呢間，點知真係令人大跌眼鏡…環境：十分一般，連張櫈都無得坐要立食，不過間嘢一向唔係sell環境，黎得預左要接受。服務：唔可以話極度惡劣，但絕對都係差個類，收銀位阿嬸全程燶口燶面個樣好似同你有仇咁既款，收完錢連句多謝都無，真係一副「鍾意食就食，唔鍾意就且啦」咁既款。（同埋唔該，既然要求食客自己收拾，就請做好啲清潔功夫）食物：重點黎啦！！！如果前兩樣都叫可以接受，食物就真係失望都極點！點解生煎包可以係凍既？雖然味道上差不多，但無左熱辣辣既感覺，啲豬油既肥膩同腥味完全浮現晒出黎係咩料？？同埋個蔥油拌麵更加離譜！個麵似係煮完擺左成晚咁既口感，發晒漲一夾就散，真係難食到一個點，完全食唔落口（有相為證）…最後總結，真係無對比無傷害，唔知係個別分店定整體質素下降左咁多，唔好話同大街間堅咩號俾啦，自己招牌自己打爛，真係可惜左當年建立下既口碑……查看更多

店名: 祥興記上海生煎包地址: 灣仔譚臣道76號地舖灣仔站A3出口，行1分鐘環境: 3/5價錢: 4.5/5味道: 4.5/5多汁嘅生煎包一向好多人鍾意，呢間米芝連推介嘅連鎖店，款式多，價錢亦唔貴，係平民之選🥳佢哋係係中環，尖沙咀，跑馬地同西環都有分店，灣仔店嘅堂食係立食招牌生煎包 (4隻/6隻)❤️❤️❤️❤️$34/$50熱辣辣新鮮煎起，皮薄餡靚，外表亦煎到好脆口🤩咬落去肉汁係噴哂出嚟，食個陣真係要小心，小心熱，佢地亦建議我通常會先咬一啖啜左啲肉汁先，會更好入口🙈…查看更多

非常讓人生氣，服務態度差到讓人血壓飆高。氣到不吐不快。在香港生活十幾年，第一次見到態度如此惡劣的店舖。可以歸類為一生去一次都折壽的店。食物素質一般，店舖髒兮兮的，店員戾氣大到恨不得顧客下地獄。下午路過灣仔，正好肚餓，就走進去準備買一份生煎包。看到店裏空無一人就應該意識到可能踩雷，但當時沒有在意。先問服務員能否收八達通，服務員直接轉頭走開說我們只接受現金。當時我還沒有預料到可能遭受的待遇，否則絕不會繼續繼續下單。付帳後就走到點後的就餐區，吃完自己的生煎包，裝生煎包的紙盒留在桌上，準備離開。就聽到另一個店員大聲罵我，先生，你要自己收拾檯面啊，你唔識動手清潔？！還沒等我反應過來，那位女店員已經指著我鼻子改用普通話超級大聲的繼續罵。我生平最討厭與人發生衝突，我以為被當成普通話遊客。就準備趕緊把裝生煎包的紙盒扔進垃圾桶離開，但環顧四周只看到地上有幾隻髒兮兮的濾水籃，沒看到垃圾桶。就只好問，垃圾掉去邊？沒想到服務員衝到我面前繼續大罵，她指著一個櫃子說，這上面寫著垃圾桶，你唔識字咩？繼續加大音量重複一遍，上面寫著垃～圾～桶。原來是櫃式垃圾桶，我將生煎包紙盒扔進去迅速離開，背後還能聽到繼續在背後叫罵。離開店舖我已經被氣到血壓升高，不吐不快，一定要寫出來讓大家避雷。…查看更多

今日係灣仔行街離遠見到門口圍住一班人，之後同老公行去見到係早前米芝蓮餐廳名單之一既生煎包，初頭仲以為要排隊，後來見到入面全部都係企位，而且仲有好多位，只係啲遊客係門外食。見入面有位緊係去食啦>< 本來一心諗住食個招牌生煎包，但見到佢有個粉麵set 都幾抵，而且仲要有我中意食既酸辣湯，所以就叫咗個酸辣湯粉絲加2隻招牌生煎包加咖啡啦!個酸辣湯睇落平平無奇，又冇咩辣椒，但食落係既酸又帶點辣，以呢個價錢黎講，啲配料算合理吧，到主角了- 招牌生煎包，一咬第一啖，流咗一半湯係個碟到，個包皮做得夠薄，肉質都尚算鮮。雖然呢到既店員態度一般，但呢到係自助形式，所以都唔洗太高要求，反正又冇收加一服務費。總結係間中都可以encore 下…查看更多