影片
更多
2019-11-19
207 瀏覽
之前食過圓方嘅《天天海南雞飯》，之後去過新加坡，試佢嘅本店。呢晚再食多次香港嘅分店🥰店舖裝修時尚，充滿黑藍顏色，空間感大，幾舒服。呢到由四間米芝蓮推薦嘅新加坡美食品牌組成：《天天海南雞飯》、《超好面》（新加坡式拉麵）、《老街坊》（牛腩麵）、《五十年代》（咖啡奶茶）。本menu勁厚，咩都有得食，包括燉湯、海鮮如花膠海蔘龍蝦等等、甜品、水果茶、咖啡、清酒cocktail mocktail紅酒白酒啤酒等等等等，包羅萬有😱嚟得梗係必點天天海南雞同雞飯啦！天天海南雞（例）（$158）其實我覺得呢到嘅海南雞分分鐘好食過新加坡嘅總店！（當然可能係presentation、氣氛都有影響啦，不過價錢就香港貴好多～）呢到選用同新加坡總部一樣嘅雞種，喺各自嘅農場養殖，都係雞皮薄，肉質嫩滑，無肥膏。淋上獨有嘅秘制雞汁，雞肉涼，雞汁熱，入口會暖暖哋😛配上海南雞嘅拍檔：辣醬、黑醬油、薑蓉。辣醬係獨家秘製嘅，辣味好夠，同雞肉好夾，可以一試😛天天石窩雞油飯（$48）- 1-2人份量雞油飯用石窩盛載，可以保暖。飯粒粒粒分明，雞油味又香又濃，卻又唔會食到滿口油，不錯👍另外，以下兩款都係相當特別、相當有驚喜，而且值得推薦嘅
之前食過圓方嘅《天天海南雞飯》，之後去過新加坡，試佢嘅本店。呢晚再食多次香港嘅分店🥰
店舖裝修時尚，充滿黑藍顏色，空間感大，幾舒服。呢到由四間米芝蓮推薦嘅新加坡美食品牌組成：《天天海南雞飯》、《超好面》（新加坡式拉麵）、《老街坊》（牛腩麵）、《五十年代》（咖啡奶茶）。
本menu勁厚，咩都有得食，包括燉湯、海鮮如花膠海蔘龍蝦等等、甜品、水果茶、咖啡、清酒cocktail mocktail紅酒白酒啤酒等等等等，包羅萬有😱
嚟得梗係必點天天海南雞同雞飯啦！
天天海南雞（例）
$158
40 瀏覽
0 讚好
0 留言
天天海南雞（例）（$158）其實我覺得呢到嘅海南雞分分鐘好食過新加坡嘅總店！（當然可能係presentation、氣氛都有影響啦，不過價錢就香港貴好多～）
呢到選用同新加坡總部一樣嘅雞種，喺各自嘅農場養殖，都係雞皮薄，肉質嫩滑，無肥膏。
淋上獨有嘅秘制雞汁，雞肉涼，雞汁熱，入口會暖暖哋😛
配上海南雞嘅拍檔：辣醬、黑醬油、薑蓉。辣醬係獨家秘製嘅，辣味好夠，同雞肉好夾，可以一試😛
天天石窩雞油飯（$48）- 1-2人份量
雞油飯用石窩盛載，可以保暖。
飯粒粒粒分明，雞油味又香又濃，卻又唔會食到滿口油，不錯👍
另外，以下兩款都係相當特別、相當有驚喜，而且值得推薦嘅菜式：
蒜泥黑豚
$88
45 瀏覽
0 讚好
0 留言
白肉用黑豚而成，肥瘦均勻；切成薄片，包裹住青瓜，食落爽口又有肉味🤤
附上嘅麻辣醬汁，麻勁十足，令整體嘅口感同味道都十分豐富👍🏻
雖然真係幾辣，但又偏偏辣得好過癮，令人不禁食完一舊又一舊🤤
拌翠玉樹
$88
18 瀏覽
0 讚好
0 留言
拌翠玉樹（$88）菜名好靚，其實姐係翠肉瓜～
翠肉瓜刨成一條條粗條形狀，冇食緊翠肉瓜嘅感覺，唔食翠肉瓜嘅朋友都不妨一試。
口感依然係翠肉瓜咁清脆，食落「索索」聲。
淋上蒜蓉汁，超夾，好好食😍
花好月圓（特色豆腐花）（$18）最後，我哋叫咗豆腐花做甜品。
嫩滑可口，唯一可惜之處就係佢哋唔提供黃糖，但我食豆腐花其實就係食佢啲黃糖😂😂😂
不過亦都可以加錢可以加配燕窩／美祿朱古力粉～
至於嘢飲，我哋叫咗兩杯五十年代嘅飲品～
超級果茶
$42
32 瀏覽
0 讚好
0 留言
超級果茶用上超級多新鮮生果製成，有紅蘋果、青蘋果、桔、西瓜、士多啤梨、青檸、檸檬、橙，非常豐富。
茶底係碧螺春綠茶，茶味芬芳，仲有淡淡花果香味。
Yum Cha
$128
4 瀏覽
0 讚好
0 留言
- Rum, lemongrass, mint leaf, lime, lemon, syrup, soda
邊個估到食海南雞飯嘅地方會有酒飲🤣 我哋就普普通通叫壺cocktail嚟share。
名叫「Yum Cha」，真係用個茶壺裝住，賣相好靚🥰
味道似有冧酒味嘅檸檬梳打🍋
張貼
