天天海南雞飯 (新城市廣場三期)

營業中

休息中

叫左二人餐，好抵食$399/4餸2個飯，性價比高又好食，服務仲要超好，好耐冇食得咁開心了！
1. 天天海南雞（中份）+雞油飯個味真係同新加坡個d 一模一樣，勁surprise! 雞肉好嫩滑，配左三種醬，份量岩岩好夠兩個人食～睇得出佢隻雞煮既質素好好，仲有個種啫喱膠狀，香港其他餐廳都搵唔到，100分！！！2. 黃金雞脆骨呢個小菜正中我朋友既最愛，份量多，難得個咸蛋黃金沙醬唔會做到好漏，食極都唔厭，炸粉唔厚重，食得好開胃好開心～3. 豬肉骨茶小火鍋份量泥講3-4個人分我都覺得可以，廚師好大方地俾左成4舊豬肉，裡面材料勁豐富：牛丸、蘑菇、豬肚、支竹、豆卜...好滿足。值得一提，呢度既肉骨茶我同友人都覺得係mix左新加坡式同馬來西亞式，又feel到藥材味同胡椒味，迎合哂中意兩重口味既人！4. 豆漿海南雜菜煲好舒服既一道菜，豆漿味唔算好濃，但食落成個都好香，整煲都好多蔬菜、菇同粉絲，有另一款湯入下口好暖胃好舒服。5. 酥炸椒鹽板豆腐（另加）雖然唔算係最特別既一個小食，但我反而好中意食，炸得好香口又完全冇好油既感覺，$49泥講咁多舊其實好抵食，點埋個汁食又係好開胃。