影片
更多
2024-02-13
745 瀏覽
❀ 廚魔 #中環 ❀❗米芝蓮二星繼續打破常規 以客家菜式為主題打造全新新年Menu ❗——————————————————新年嚟到獲得米芝蓮二星嘅廚魔 🤩有別於一般高級餐廳，佢哋主打現代中菜，菜式創意十足，用上唔少出乎意料嘅食材及配搭，打破常規嘅做法非常吸引我💞佢哋早排由灣仔搬咗過嚟中環，但餐廳仍然保留唔少香港元素，包括用咗紅白藍膠袋嘅顏色作外牆嘅主色，亦擺上唔少香港特色雕塑🇭🇰價錢方面，比一般二星餐廳親民，絕對係超級大推必定要到訪嘅餐廳❣️.✷𝑀𝑒𝓃𝓊✷☞ Hakka CNY till 2 March $1280♥ 客家三寶用古色古香嘅中式器皿裝住三個精美以客家煎釀三寶為靈感嘅finger food，十分驚喜🤩1️⃣ 肉鬆吞拿魚他他配豉油忌廉，冷凍香甜，非常開胃嘅頭盤。2️⃣薄脆蝦撻配香辣牛油醬，生蝦滑溜新鮮，非常美味。3️⃣富有驚喜嘅炸豆腐伴火腿、蕃茄醬，口感似魚腐，鹹鹹香香，甚有特色。.♥ 盆菜將盆菜常用嘅蔬菜抽取出嚟製成terrine，包括咗切粒沙角、紅蘿蔔、羊肚菌、髮菜，配以白蘿蔔汁，草青味相對濃烈🙈.♥ 美味算盤子用鵪鶉蛋比喻為算盤子🥚火候控制得剛剛好，有煙熏嘅味道，亦仍然保持流心效果
❗米芝蓮二星繼續打破常規 以客家菜式為主題打造全新新年Menu ❗
——————————————————
新年嚟到獲得米芝蓮二星嘅廚魔 🤩有別於一般高級餐廳，佢哋主打現代中菜，菜式創意十足，用上唔少出乎意料嘅食材及配搭，打破常規嘅做法非常吸引我💞佢哋早排由灣仔搬咗過嚟中環，但餐廳仍然保留唔少香港元素，包括用咗紅白藍膠袋嘅顏色作外牆嘅主色，亦擺上唔少香港特色雕塑🇭🇰價錢方面，比一般二星餐廳親民，絕對係超級大推必定要到訪嘅餐廳❣️
.
✷𝑀𝑒𝓃𝓊✷
☞ Hakka CNY till 2 March $1280
♥ 客家三寶
用古色古香嘅中式器皿裝住三個精美以客家煎釀三寶為靈感嘅finger food，十分驚喜🤩
1️⃣ 肉鬆吞拿魚他他配豉油忌廉，冷凍香甜，非常開胃嘅頭盤。
2️⃣薄脆蝦撻配香辣牛油醬，生蝦滑溜新鮮，非常美味。
3️⃣富有驚喜嘅炸豆腐伴火腿、蕃茄醬，口感似魚腐，鹹鹹香香，甚有特色。
124 瀏覽
0 讚好
0 留言
.
♥ 盆菜
將盆菜常用嘅蔬菜抽取出嚟製成terrine，包括咗切粒沙角、紅蘿蔔、羊肚菌、髮菜，配以白蘿蔔汁，草青味相對濃烈🙈
7 瀏覽
0 讚好
0 留言
.
♥ 美味算盤子
用鵪鶉蛋比喻為算盤子🥚火候控制得剛剛好，有煙熏嘅味道，亦仍然保持流心效果。
底下係炸芋絲，表面加咗caviar，味道豐富鹹鹹香香。
37 瀏覽
0 讚好
0 留言
.
♥ 魚
另一道我喜愛嘅菜式🥰
用上魚骨造型器皿裝住四款小吃。
1️⃣章紅魚魚生口感漿口，魚味十足，伴川椒醬麻麻辣辣又幾特別。
2️⃣門鱔膠加上豉油啫喱伴清新蘋果薄片🍎
3️⃣鮟鱇魚肝用上客家黃酒醃製，口感近乎入口即溶，客家黃酒香香甜甜，令到魚肝完全唔膩，非常出色👍🏻
4️⃣香脆嘅九肚魚魚骨🐟加上金菜頭及胡椒，製成酸菜魚口味，香脆辣辣地。
7 瀏覽
0 讚好
0 留言
♥ 鹽焗龍蝦
又係一道超級好食嘅菜式🦞
龍蝦非常嫩滑又爽口，口感一流。
將中式薑蔥豉油製成西式醬汁，倒上薑黃薑蔥汁，再點沙薑忌廉。
西式嘅擺盤，中式嘅味道，十分惹味，好出色嘅fusion菜🥰
71 瀏覽
0 讚好
0 留言
.
♥ 客家豬肚
將胡椒豬肚切碎攪勻喺雞湯中。
3 瀏覽
0 讚好
0 留言
.
♥ 擂茶
間場用咗客家傳統擂茶🍵一種介於茶飲及粥之間的餬類食物，將茶葉換上抹茶sake、白米、乾果、榛子、其他食材磨碎後沖入熱水食用。
香香甜甜，味道豐富，幾特別嘅飲品。
.
♥ 分子料理小籠包 +$90
廚魔經典分子料理，將小籠包整成一個小球，一咬小籠包嘅肉味喺口中爆發，非常特別😆
2 瀏覽
0 讚好
0 留言
.
♥ 茶果
將客家茶果完美昇華，眉豆茶果加入鵝肝醬，配埋紫蘇葉，鹹鹹香香😚
0 瀏覽
0 讚好
0 留言
.
♥ 乳鴿 or 全牛宴 +$300
主菜方面有兩款選擇。
1️⃣ 將八寶鴨嘅概念用乳鴿呈現。將乳鴿烹調至五成熟左右，肉質軟腍☺️糯米、蓮子、蛋黃等八寶鴨材料壓成圓形放置喺乳鴿下。
2️⃣ 客家人新年好鍾意食牛。而廚魔就選取三個和牛部位，分別為油脂豐富、牛香十足嘅牛小排、軟腍腍嘅川椒醬牛尾、以及包住爆漿牛舌呢意大利雲吞。伴以香甜軟綿綿嘅甘筍purée及牛汁，絕對係極具特色又美味無比嘅一道菜😋
4 瀏覽
0 讚好
0 留言
1 瀏覽
0 讚好
0 留言
.
♥ 梅菜
甜品方面餐廳居然諗到將梅菜製成雪糕，配以梅菜豬肉乾、梅菜啫喱及魚子醬。
看似奇怪嘅配搭入口，居然出乎意料地好味，值得一試🥰
4 瀏覽
0 讚好
0 留言
.
♥ 年糕
用年糕麻糬包住椰子糖，煙煙韌韌。
0 瀏覽
0 讚好
0 留言
.
♥ 全盒
用嫁妝盒裝住一大堆傳統糖果，可以用紙袋隨意取走喜愛嘅糖果回家，既有慶祝意味，又有趣味🤣
——————————————————
✨整體味道: 4.3/5
✨環境裝修: 3.9/5
✨服務態度: 4/5
✨性價比: 4/5
✨再訪興趣: 4/5
.
💞整體來講
記得疫情期間首次食佢哋嘅聖誕Menu，當時已經被佢哋嘅新派創意烹調手法所吸引，菜式既有港式傳統，又非常美味🥰今次搬遷後新年再度到訪，同樣充滿驚喜，用客家傳統連串整個晚餐，充滿喜慶氣氛，大力推薦👍🏻
張貼
