影片
更多
2022-09-25
876 瀏覽
米芝蓮一星法國菜是次消費：$800總結：一般 有更好選擇————————————————————————餐廳環境都幾靚，但係好有時代氣息.😂播啲歌竟然係material girls，可能想喺午餐時段營造energetic 嘅感覺.麵包籃麵包夠熱，好香，brioche 好軟熟好香.餐前小食truffle croquettes - 侍應建議一口食，一入口濃郁嘅芝士味喺口入面爆發，但咬多兩啖就略嫌太heavy，個人比較鍾意refreshing啲嘅選擇.Starters:Tuna Loin - 吞拿魚肉處理得幾好，配上唔同種類嘅小蕃茄，醬汁係酸中帶辣，如果可以減辣就好，可以突出番吞拿魚嘅香味.Obsiblue prawn - 蝦肉煮得岩岩好，醬汁酸酸地，係好食嘅. 不過又唔會話特別令人印象深刻.Chicken Consommé - 個人比較鍾意佢嘅雞湯，顏色清但入口濃而帶甘，tortellini 餡係ricotta cheese，個人覺得如果係包肉會比較配合到個雞湯.Main:Boston Lobster - 呢個主菜應該係亮點，龍蝦煮得恰到好處，香甜嫩滑，zucchini flower入
[Petrus]
米芝蓮一星法國菜
是次消費：$800
總結：一般 有更好選擇
————————————————————————
餐廳環境都幾靚，但係好有時代氣息.😂播啲歌竟然係material girls，可能想喺午餐時段營造energetic 嘅感覺.
麵包籃麵包夠熱，好香，brioche 好軟熟好香.
餐前小食truffle croquettes - 侍應建議一口食，一入口濃郁嘅芝士味喺口入面爆發，但咬多兩啖就略嫌太heavy，個人比較鍾意refreshing啲嘅選擇.
Starters:
Tuna Loin - 吞拿魚肉處理得幾好，配上唔同種類嘅小蕃茄，醬汁係酸中帶辣，如果可以減辣就好，可以突出番吞拿魚嘅香味.
Obsiblue prawn - 蝦肉煮得岩岩好，醬汁酸酸地，係好食嘅. 不過又唔會話特別令人印象深刻.
Chicken Consommé - 個人比較鍾意佢嘅雞湯，顏色清但入口濃而帶甘，tortellini 餡係ricotta cheese，個人覺得如果係包肉會比較配合到個雞湯.
Main:
Boston Lobster - 呢個主菜應該係亮點，龍蝦煮得恰到好處，香甜嫩滑，zucchini flower入而釀左龍蝦肉做成tempura ，好好食！加埋濃香嘅lobster foam，正！😋
Pork Belly - 豬肉皮脆有油香，醬汁係citrus帶點酒香. 唔錯，但食多幾啖有啲膩.
Dessert:
Lychee - 首先我認為面頭層泡幫唔到呢道甜品加分，唔加應該會好啲，lychee sorbet好香荔枝味，有啲太甜，同烏龍啫喱擺埋一齊冇相輝映嘅作用.
Peach Melba - 桃呢款個plating 就靚好多. 如果佢可以用多啲唔用煮法去處理啲桃會好啲，而家稍嫌單調.
Petite fours - 新鮮出爐熱辣辣，瑪德蓮蛋糕香軟唔過甜，好食！
整體黎講服務周到，但食物就不太驚艷，如果想感受下宮廷用餐環境影下相，就可以考慮下.
******************************
Petrus (金鐘）
金鐘金鐘道88號太古廣場二座港島香格里拉酒店56樓
張貼
