金色不如帰 (國際金融中心商場)

營業中

休息中

又到翻工日午餐系列，朋友話想食拉麵，就選擇左米芝蓮一星嘅餐廳「金色不如归」. 佢係香港已經有4間分店，中環分店坐位闊落，但店面偏細，有卡位雅座同bar枱。 落單同收嘢嘅店員都好有禮貌。講返嘢食，我哋兩個人同時都係選擇左貝汁鹽味拉麵，咁先至可以試到個湯底真材實料。 一上枱已經聞到好香既湯底，睇返個介紹原來係有由蜆湯+豬骨清湯＋魚清湯熬成，味道濃郁，配上白松露同牛肝醬油，令到湯底味道更加昇華。拉麵配上兩款肉，分別係三層肉同低溫叉燒各一片，肉質好淋身入味，表面仲放上京蔥同青蔥C仲有啲煙肉碎好香口，鮮味更加突出。另外我哋加左餃子，餃子就普普通通唔算好特別，但都好好食因為個皮好薄同夠熱。因為個湯實在太好飲我哋兩個都將成碗湯飲晒，雖然係貴咗少少但係都值得再嚟食。