Espresso Alchemy (海港城港威商場)

營業中

休息中

本身想去戶外D CAFÉ飲杯野食少少野 但今日有D雨粉, SEARCH下尖沙咀既CAFÉ就見到呢間人氣好高企! 又係商場又有冷氣, 但唔見有得訂枱, 早少少出門12點去睇下有冇位, 去到都已經有人食緊早餐, 位置係開放式, 自己落單, 之後有人會送餐, 免加一, STAFF D 態度都幾友善。煙三文魚沙律配檸檬醋醬, 睇下D煙三文魚幾靚同多! 仲捲左D玫瑰花Shape出黎,好吸睛!虎蝦車厘茄意大利飯, 平時食忌廉食得多, 茄醬真係另一番風味! 虎蝦大大隻, 個頭仲有少少膏, 意大利飯軟硬度適中。生酮朱古力布朗尼忌廉卷忌廉好香滑, 因為KETO呢個TERM食完都唔會覺得內疚!自家製: 香蕉核桃蛋糕, 雖然個樣冇咩特別, 但食落去好香蛋糕味, 同KETO果個完全兩個口感, 但各有特式。呢個CAFÉ既甜品都幾有驚喜!蜜糖伯爵茶鮮奶, 比你自己另外倒, 雖然唔知係咩原因, 但打卡又幾靚哈哈! 牛奶中有陣陣茶香味, 好飲!定價都幾平, 最初以為有LUNCH SET可以配埋野飲, 但原來星期日只有A LA CARTE哦! 呢度有得用SHOPPING券黎買咖啡豆/掛耳包, 鐘意咖啡既朋友可以黎買!