影片
更多
2012-07-05
134 瀏覽
同好朋友一齊去尖沙咀藝術館睇豐子愷畫展，睇完佢話有興趣食越南菜，但竟然未試過老趙，咁當然要帶佢黎試下啦！之前幾次都係成家人黎食，叫好多招牌美食，今次可惜得兩個人，所以只係叫左3樣野︰我推介的金邊粉，鑊氣好夠，一如以往咁好食！香噴噴實在係正～朋友想食沙律，於是叫左個牙車快，menu寫有雞絲，上碟時就唔止有雞絲，仲有成隻雞中翼、雞上鎚、雞翼尖，好搞笑～食落略兼乾身少少，可能我地落檬汁唔夠多卦，但都OK～朋友唔知點解好想食越式春卷，所以就叫左呢個啦！佢D春卷要用生菜包住食的，個春卷好肯定係即叫即炸，因為隔住塊生菜都熱到辣手！夠熱夠新鮮的確係好味～埋單$170，雖然唔係叫左好多野，但份量全部都好大，食得好飽囉！始終都係多D人黎食最好！
之前幾次都係成家人黎食，叫好多招牌美食，今次可惜得兩個人，所以只係叫左3樣野︰
我推介的金邊粉，鑊氣好夠，一如以往咁好食！香噴噴實在係正～
朋友想食沙律，於是叫左個牙車快，menu寫有雞絲，上碟時就唔止有雞絲，仲有成隻雞中翼、雞上鎚、雞翼尖，好搞笑～食落略兼乾身少少，可能我地落檬汁唔夠多卦，但都OK～
朋友唔知點解好想食越式春卷，所以就叫左呢個啦！佢D春卷要用生菜包住食的，個春卷好肯定係即叫即炸，因為隔住塊生菜都熱到辣手！夠熱夠新鮮的確係好味～埋單$170，雖然唔係叫左好多野，但份量全部都好大，食得好飽囉！始終都係多D人黎食最好！
張貼
