影片
更多
2023-04-18
390 瀏覽
愈來愈常見d 商廈成躉都係餐廳，有時唔知食乜好，流連下呢d 大廈，睇下地下d 水牌，隨時有新發現。呢間銅鑼灣L Square o既樓上鋪，係食中菜的，鋪頭唔大間，間o左三個包廂廂房之後，出面大廳其實也只剩下三張檯，帶有私房菜o既格調。先來點涼菜，手拍青瓜($58 未加一) 同開胃雲耳($58) 用上高身一d o既碟盛載，感覺精緻。青瓜新鮮juicy，汁液有助中和辣度，而d 雲耳都幾爽口。都估到作為正式湘菜館，d 食物辣起上o黎可以非常勁！所以我地都特意同o左店方講所有o野食，bb 辣就ok～農家小炒肉($128) 非常棒，用上豬腩片，口感肥美，同埋個醬汁又惹味，送飯一流……窩窩頭我聽就聽得多，食就真係第一次，之前o係d 紀錄片中提到係熊貓都可以食o既食物o黎！農家窩窩頭($68/8 個)，佢似饅頭，但自身帶甜，啡啡地色，從英文menu 會揭示佢係由玉米粉造，就咁食已經幾好食；包埋d 餡，會多一種梅菜o既鹹味，但係又好鬼夾～鐵板水晶粉($98) 同埋瑤柱蛋白炒飯($88) 都係掠肚仔之選，前者因為比較多汁，實際辣度都幾高！水晶粉類似紅薯粉，佢除左加入椰菜絲同辣椒、肉片，沉低仲有隻炒蛋的。
先來點涼菜，手拍青瓜($58 未加一) 同開胃雲耳($58) 用上高身一d o既碟盛載，感覺精緻。青瓜新鮮juicy，汁液有助中和辣度，而d 雲耳都幾爽口。
手拍青瓜 ($58)、開胃雲耳 ($58)
4 瀏覽
0 讚好
0 留言
都估到作為正式湘菜館，d 食物辣起上o黎可以非常勁！所以我地都特意同o左店方講所有o野食，bb 辣就ok～農家小炒肉($128) 非常棒，用上豬腩片，口感肥美，同埋個醬汁又惹味，送飯一流……
農家小炒肉 ($128)
6 瀏覽
0 讚好
0 留言
窩窩頭我聽就聽得多，食就真係第一次，之前o係d 紀錄片中提到係熊貓都可以食o既食物o黎！農家窩窩頭($68/8 個)，佢似饅頭，但自身帶甜，啡啡地色，從英文menu 會揭示佢係由玉米粉造，就咁食已經幾好食；包埋d 餡，會多一種梅菜o既鹹味，但係又好鬼夾～
農家窩窩頭 ($68/8 個)
12 瀏覽
0 讚好
0 留言
鐵板水晶粉($98) 同埋瑤柱蛋白炒飯($88) 都係掠肚仔之選，前者因為比較多汁，實際辣度都幾高！水晶粉類似紅薯粉，佢除左加入椰菜絲同辣椒、肉片，沉低仲有隻炒蛋的。瑤柱蛋白炒飯同埋清炒萵筍絲($88) 當然就完全唔辣啦～個炒萵筍絲感覺較接近水煮，一d 都唔油膩，味道清新。
因為餐廳一由廚房出完菜，會暫時擺一擺o係大廳位置某張未有人坐o既檯，所以睇到好多其他人嗌o既菜式。其中有個乾煸蝦睇落好似好香口咁(雖然應該會好辣)，d 蝦又大隻，下次多人d o既時候要叫埋先得。
乾煸蝦
2 瀏覽
0 讚好
0 留言
張貼
