豐鍋雞煲 (京瑞廣場1期)

營業中

休息中

有一年生日，為咗就個朋友放工嘅地方所以就嚟咗石門嗰度食呢一間雞煲食完之後一直都念念不忘因為真係好好食今次就決定同屋企人嚟呢一度食果然都係冇令我哋失望雞煲嘅雞肉鮮嫩，我揀咗BB辣，正好喺我嘅接受範圍內，唔會太辣但又夠香，超級惹味！仲有「餃餃陣」，有鮮蝦雲吞、魚皮餃、韭菜餃，可能雞煲本身都辣，所以麻辣雲吞就分唔出！講到極品本地手切牛頸脊，真係一流！肉質滑溜，牛味濃郁，咬落去口感超級滿足，搭配啲辣醬更係絕配！而且手工即炸魚皮，真係好似薯片咁，超香脆，連侍應自己都話啱啱新鮮炸起！不過美中不足就係呢個商場冇任何泊車優惠，時租要$38都幾貴，隔離商場/露天停車場可以係$20至$25/hour。