烤魚工房 (旺角商業大廈)

營業中

休息中

第一次食烤魚工房，平日都要等15分鐘左右先入到去。間鋪比人感覺好fancy,好多裝飾，幾啱一大班frd去食。今次食咗青椒味烤魚，另外叫咗一份牛舌串燒、烤茄子同水果茶。烤魚一上枱時嚇親我，因為勁大盤😂2個人食非常飽。一開頭煮得唔夠入味嘅時候冇咁好食，但因為佢底下有個火一路滾，所以魚肉會越來越入味。條魚本身啲皮煎得幾脆，我哋叫咗青江魚，魚肉冇話好滑，但勝在夠多肉，同埋唔算多骨。不過配菜方面就有啲失望，鴨血煮極都唔夠入味，豆皮亦都係，所以下次應該唔會叫配菜。牛舌就意外中幾好咬同入味，除咗邊邊位有啲韌。烤茄子幾多汁，冇烤過燶變得苦澀。水果茶就大大杯，好啱食辣嘢嘅時候飲！