癡膠雞 (軒尼詩道)

營業中

休息中

有趣又貼題的店名，因為滋補花膠雞湯而進店一試，餐牌上有分一般小鍋米線形式，也有大概兩倍價錢的火鍋選擇，同朋友兩個人就決定試下叫火鍋！① 花膠雞煲翅火鍋 （半隻） $168② 米線 $15金黃色花膠雞湯，一滾就當然要先試碗湯，清甜帶鹹香，好飲。雞肉肉質嫩滑，滑嫩花膠大大塊，翅群都唔少。當飲到唔夠湯，可以叫店員加湯，餐廳係加雞湯而唔係加水，越食越濃味。米線一份都夠兩個人食，食完都夠飽，無加料繼續打邊爐，但飲晒成煲湯！③ 金磚豆腐 $42炸豆腐外脆內軟，味道偏重黑椒味，幾香口同適合佐酒。