The Pearl

餐廳：The Pearl地點：尖沙咀加連威老道瑞生尖沙咀酒店菜式：藝術主題餐廳，意日Fusion餐牌：午市餐牌9選一，有沙律、意粉、燉飯、扒、魚、漢堡等，套餐加$28包是日餐湯同飲品，包括手作咖啡、茶、檸檬茶、新鮮果汁、汽水。是日餐湯 加$28 另加一是日餐湯係熱辣辣甘筍湯，有好靚忌廉拉花。味道唔錯，可以暖暖胃。香煎紐西蘭肉眼扒配松露燒汁及薯蓉 $158 另加一大大塊香煎紐西蘭肉眼扒，好多肉食，牛味濃，肉質好淋，配燒汁更濕潤又有味。蔬菜有車厘茄、鬼佬梛菜仔同甘荀，烤得夠香，健康好味多元化，色彩豐富。薯蓉夠滑而不膩，食完成碟夠飽肚。凍 Cappuccino 凍 Cappuccino 賣相不賴，面頭有滿滿泡沫加朱古力粉，呢度咖啡都唔錯。酒店午餐有呢個質素同環境都幾抵食。呢度有戶外座位，好天又唔太熱可以喺日光下食飯。