金樂軒雞煲魚鍋

營業中

休息中

因為落雨冇去其他地方食雞煲，就搵吓附近有冇啱食嘅，估唔到第一次被OpenRice食評呃咗黎呢間「正」嘢食！連餐廳最基本要將生嘅嘢整熟都唔得，真係太神奇！我嗌嘅大部份都係最受歡迎嘅嘢！你好評嗰啲人你哋係咪冇味覺㗎？定係冇食過靚嘢？要多謝呢煲普通正常嘅雞煲，令我其他嘢食可以熟。我哋嗌嘅係成隻雞，但係呢煲入面嘅雞超肥同埋應該係比較細隻嘅雞。見唔見到入邊有花菜，實際我哋嗌咗乾鍋花菜，但係花菜唔熟所以我哋擺左落去煮。呢鍋係乾鍋生蠔，啲生蠔我都係擺咗落去雞煲入邊煮。我想俾你哋睇嘅係，連最基本嘅蔥都整唔熟！生蠔我未擺雞煲入邊煮前，我咬咗一啖落去超級腥！一份得四定五粒，就咁浪費一粒。另外你哋嘅招牌炸肥腸，都係一樣，點可以做到出邊炸嘅但中間唔熟㗎？真係天才！咁嘅技術配埋咁嘅份量加埋個價錢，真係抵你哋係疫情期間到而家都可以捱到！呢個都係，你哋招牌嚟嘅。普普通通，味道淡淡嘅蔗水。唔該真係請啲識煮嘢嘅廚師啦，咁樣呃人錢。返到屋企腸胃不適，嘔咗。