影片
更多
2022-06-19
40 瀏覽
前排見疫情好咗少少，同朋友決定挑戰去重慶大廈食咖喱😆估唔到都幾好味😉雖然一入到重慶大廈，已經好多人問你食唔食咖喱😂，但係我哋都鎖定目標，決定去試吓依間，上網都見好多人講依一間，決定去試試佢🤔今次我哋就叫咗個butter chicken ,牛油鬆餅，芝士烤餅，混合肉燒烤拼盤，當然唔少得叫兩杯解辣嘅奶昔啦，mango lassi 同strawberry lassi，未落單之前，會有啲薄脆配上薄荷醬，感覺好清新，幾開胃😛首先試吓個燒烤拼盤，拼盤裏面有印度燒雞，免治羊肉卷，烤魚塊，乳酪腰果汁燒雞，小編就鍾意食烤魚塊同羊肉卷，烤魚快買相睇落去會好乾，但係食落去其實好嫩滑好Juice，鍾意食羊肉嘅朋友可以試吓食下羊肉卷，小編就鍾意佢浸蘇味🙃，口感一流🤪，至於烤雞嘅乳酪汁就好開胃重點黎啦，食印度野，又點少得叫butter chicken呢,落單嗰時已經同職員講少辣，咖喱好香濃，而且唔會太辣，至於雞肉都好滑，再配上牛油鬆餅，芝士烤餅簡直Perfect match，牛油鬆餅呢就比較乾身，小編呢就鍾意食芝士烤餅多啲，大家可以嘗試食咗芝士烤餅一啖先再點咖喱食，會食到佢有陣陣嘅芝士香😗食到咁上下，都有啲辣，就
雖然一入到重慶大廈，已經好多人問你食唔食咖喱😂，但係我哋都鎖定目標，決定去試吓依間，上網都見好多人講依一間，決定去試試佢🤔
今次我哋就叫咗個butter chicken ,牛油鬆餅，芝士烤餅，混合肉燒烤拼盤，當然唔少得叫兩杯解辣嘅奶昔啦，mango lassi 同strawberry lassi，未落單之前，會有啲薄脆配上薄荷醬，感覺好清新，幾開胃😛
首先試吓個燒烤拼盤，拼盤裏面有印度燒雞，免治羊肉卷，烤魚塊，乳酪腰果汁燒雞，小編就鍾意食烤魚塊同羊肉卷，烤魚快買相睇落去會好乾，但係食落去其實好嫩滑好Juice，鍾意食羊肉嘅朋友可以試吓食下羊肉卷，小編就鍾意佢浸蘇味🙃，口感一流🤪，至於烤雞嘅乳酪汁就好開胃
重點黎啦，食印度野，又點少得叫butter chicken呢,落單嗰時已經同職員講少辣，咖喱好香濃，而且唔會太辣，至於雞肉都好滑，再配上牛油鬆餅，芝士烤餅簡直Perfect match，牛油鬆餅呢就比較乾身，小編呢就鍾意食芝士烤餅多啲，大家可以嘗試食咗芝士烤餅一啖先再點咖喱食，會食到佢有陣陣嘅芝士香😗
食到咁上下，都有啲辣，就飲下奶昔解辣，小編比較驚訝嘅係佢哋士多啤梨奶昔，完全飲唔到糖漿味，芒果味奶昔係必叫啦，味道都唔錯😜
小編食完依餐之後發覺原來印度菜都真係幾好味，而且原來之前error 成員肥仔都有嚟過依間餐廳拍攝節目，真係冇推介錯，正！
張貼
