有緣小敍

營業中

休息中

得閒掃下open rice是常態吧，輸入“爆漿紅糖糍粑”驚喜出現咗呢間食陕西菜餐廳，咁就一於試吓，喺大陸試過，喺香港都係第一次試陕西菜。以下“香煎羊架”，“五香驢肉秘制麻辣麵”加“ 金沙骨”，“腊汁肉夾膜”，“陕西凉皮”都係陜西菜代表啩，其中羊架唔同平時一條條大羊架就咁出來，咁様食嗰陣有啲狼狽，佢只係保留一條條細羊架及羊粒出現，對於我哋食客來講食嘢上嚟非常之方便，香噴噴羊架带啲孜然味，yummy 。驢肉好似第一次食，都好可口，唔會有啲接受唔到嘅膻味；本來想試吓biangbiang麵嘅，但點餸時click錯咗，麻辣麵都唔錯，小辣啱口味；肉夾膜的肉够juice，好好食；陜西涼皮的調味够晒地道，亦加分。“炸湯丸”就不知是否陝西特產，但好特別，值得推薦；“爆漿紅糖糍粑”外皮軟軟糯糯，內裡爆漿，完全符合我要求，未試過的行過路過都來試下啦，包你滿意。