有緣小敍

營業中

休息中

今日喺中環食一d中國特色菜，見到路邊有一間細細嘅店舖，門口貼滿餐牌，見到好多特別嘅菜式，所以就入去試吓。見到好多人食炸雞翼，於是我就點一份「乳香雞翼」來試試。雞翼好大隻，好厚肉，炸到脆卜卜，上面黏咗炸粉，炸到皮脆內軟，熱辣辣，好好味。接着，叫咗一碟「蝦仁炒蛋」，味菜式同我哋港式茶餐廳嘅蝦仁炒蛋唔同，佢係有少少似潮州煎蠔餅嘅感覺，只不過係將蠔仔換成蝦仁，非常美味。另外叫咗一份「麻辣大盤雞」，揀咗小辣，結果都非常辣，麻味道好突出，雞肉有骨，但係非常之嫩滑，呢味菜式好抵食，因為入面真係有好多雞件。食辣嘢一定要配凍飲，店舖自家製「蜜桃冷泡烏龍茶」同埋「桂花冷泡烏龍茶」，味道清新，冰凍有解渴。最後嚟多一份甜品「炸黑芝麻湯圓」，入面係流心黑芝麻，湯圓皮薄餡靚，好正！