CHICKEN CHIKO

營業中

休息中

估唔到質量係咁性價比高，份量夠多又好食。韓藉老闆注重細節，亦以優惠價錢吸引客人，亦是吸引我既原因，食過就知有料！泡菜餃子湯，湯頭夠熱幾清香，大量菜，菇，年糕條做base, 餃子皮唔厚，夾到亦唔易穿。餡料幾多，而泡菜香辣幾惹味，整體相當好暖胃。韓式炒粉絲，又係夠大堆頭，蛋絲，肉絲等配料夠多夠豐富，韓式粉絲晶瑩較粗身， 煙韌口感好正，又幾夠鑊氣。幾好食！有多款唔同醬汁可人選擇既無骨炸雞，每款都幾吸引！我就簡左香蒜醬油炸雞， 唔會太膩之餘還有蒜片更加香口感覺，入口淡淡肉非常嫩滑。外層就夠香口。蜜糖粟米雪花炸雞就香甜為主，又係肉汁滿滿！呢度d炸雞相當有水準，果然高手在民間。還細心地提供椰菜絲，減低過多肉類既膩感。非常體貼。有食過既應該會覺得好食，未食既就試左就知咩料。