CHICKEN CHIKO

營業中

休息中

這家餐廳由韓國人主理，已有信心保證。餐廳貫徹韓國餐廳的設計，有空間感和簡約。餐牌上選擇很多元化，由平價晚餐到炸雞都有。⭐️韓滋樂雙拼炸雞所有的炸雞都是無骨的，非常方便食用。其中，香蒜醬油味的炸雞深受我喜愛，它散發著濃郁的香蒜和醬油的味道，讓人垂涎欲滴。另外一款則是蜜糖牛油炸雞，它的甜蜜味道和牛油的香氣相得益彰，給人一種獨特的口感，兩種味道都很美味。⭐️烤牛捲飯韓國紫菜包飯，以牛肉、青瓜、紅蘿蔔、牛蒡和蘿蔔為主要配料，搭配蔬菜的清新爽脆。⭐️泡菜餃子湯裡面含有雞蛋、泡菜餃子、粉絲和蔬菜。這碗湯的湯底鮮美，泡菜餃子的酸辣口感與湯的清爽相互呼應，令人一口接一口。⭐️韓式烤牛肉飯韓式烤牛肉飯是這裡的招牌，以烤制的牛肉片和白飯為主要食材，搭配著各種時蔬和辣椒醬，口感豐富多樣。還有一碗飯，十分抵食。這道菜的牛肉片烤得恰到好處，肉質鮮嫩多汁。點了柑橘汁和西梅汁更是為整餐增添了一絲清爽的感覺

生於香港🇭🇰食在香港🇭🇰工作都在香港🇭🇰我愛香港🇭🇰尤其我十分支持香港🇭🇰嘅餐飲業⋯⋯在香港🇭🇰任何國家嘅美食料理都會盡在眼前！呢排睇韓國片成日見到佢哋食韓國炸雞真係好想食！這間餐廳由韓國人🇰🇷主理的！老闆係韓國人精心炮製韓國料理！😋😋餐廳環境舒適非常闊落！食物份量仲好多添！非常正宗！💕💕CHICKEN СНІКО💕💕韓滋樂四拼炸雞🍗車打芝士炸雞香脆嫩滑！配以特製嘅車打芝士，非常香濃！芝味🧀十足⋯⋯超滋味⋯⋯乳酪洋蔥炸雞乳酪加洋蔥，原來係咁好味嘅⋯⋯乳酪好香濃，非常香滑⋯⋯酸酸甜甜加配洋蔥🧅味道更加豐富⋯⋯厚厚的覆蓋住炸雞睇到都好開心⋯⋯蜜糖牛油炸雞牛油又唔會蓋過蜜糖嘅味道呢樣真係犀利⋯⋯充滿牛油嘅香氣，又有蜜糖嘅香甜⋯⋯食不停😏😏⋯⋯甜辣炸雞呢個係韓式嘅signature 菜式！韓式的甜辣炸雞一甜一辣！帶出韓風的滋味⋯⋯炸雞外層炸得非常香脆！內裏又夠Juicy⋯⋯犀利呀！🤩🤩呢款四色炸雞😍好犀利，可以揀選自己想試嘅四款味道😘我覺得真係好抵！👍卡邦尼年糕卡邦尼醬汁非常濃郁！又Creamy 😋⋯⋯煙靭嘅年糕吸收晒香濃嘅醬汁，非常美味⋯⋯原來加上韓式粉絲都係咁好味嘅😋每一口香濃嘅醬汁味道！

以前為左食炸雞，真係會飛去韓國，而家係香港都有甘高質素又甘好食嘅炸雞<CHICKEN CHIKO>，無論堂食或者外賣都甘好味，仲洗乜四圍去。我哋叫咗個四拼炸雞(無骨)，咁樣就可以一個價錢，試曬四款唔同炸雞嘅口味。乳酪洋蔥炸雞：有大量嘅新鮮洋蔥同埋乳酪嘅酸甜味道，非常啱cream cheese迷！個人非常喜愛！！車打芝士炸雞： 芝士熔岩鋪喺炸雞嘅表面，芝士味夠曬突出，非常好食。招牌原味炸雞：雞炸得外脆內軟，味道較為經典，啱曬唔鍾意浮誇口味嘅人。蜜糖牛油炸雞：蜜糖嘅香甜味比牛油味更加出色，甜甜哋嘅口味更加容易受落。<弘大玫瑰炒年糕 $83>炒年糕用上大量嘅忌廉同埋芝士，仲有玫瑰汁來造，份量超多，入面材料非常豐富，有韓式年糕、粉絲、腸仔、椰菜等等。<韓式魚糕湯 $88>韓式魚糕同埋魚蛋，仲有韓國粉絲，入口都非常彈牙，仲有雜菜，材料夠曬豐富。<烤牛卷飯 $55>烤牛卷飯份量好多，捲飯包住牛肉、青瓜、蘿蔔同酸瓜等等，非常好食。飲品叫咗凍紅棗汁同凍柑橘汁，清甜又解熱氣。整體來講，我非常鍾意呢間餐廳嘅炸雞同其他韓式食物，無論份量同埋質素

喺北角探朋友，朋友就帶我哋落樓食飯話有間不錯的炸雞店，我哋就落樓食飯朋友話新都城百貨vip可以有九折好抵食門口睇餐牌都見到有九款炸雞仲見到又話最鍾意嘅魚糕湯因為大家都係主要想食炸雞，所以今次就揀咗個四拼炸雞加魚糕湯睇落就好似唔係好多，但係最尾我哋兩個都食到肚皮差點撐開4拼炸雞我哋揀咗芝士雪花炸雞芝士雪花微微甜,因為呢種比較少醬所以食入口比較脆身火辣炸雞呢個火辣炸雞真係超級超級辣，但係非常惹味， 我自己最鍾意呢一個， 淨返啲醬仲可以點其他食物車打芝士炸雞呢款芝士都多芝士， 但係略嫌芝士可以在厚身一啲， 依家咁樣就肉嗰度可以再點多少少芝士醬就更正甜辣炸雞呢個係朋友揀嘅，因為朋友怕火辣炸雞係真係超辣，所以就叫咗呢個甜辣炸雞，炸雞係完全唔辣嘅甜甜哋完全有韓式嘅風味非常好彩有叫到魚糕湯，因為食完嗰個火辣炸雞已經真係想噴火， 有呢個魚糕湯解辣一下真係好正魚糕湯真係非常足料，啲裏面啲魚糕好似食極都仲有食極都仲有咁樣另外底仲有韓式粉絲、年糕仲有一隻蛋 店員話呢個如果午餐的話加一碗白飯， 非常受歡迎整體嚟講炸雞肉嫩滑juicy,炸粉唔算厚, 其他食物份量都好大份足料店員親切有禮， 仲會關心我哋個炸雞太辣

見到上網話呢間韓式炸雞好食😋 咁啱今日經過北角就試下！ 價錢真係好親民，同尖沙咀嘅韓國街完全唔同！ 睇Menu見到炸雞款式非常多 。 香蒜醬油炸雞無骨 推介❤️炸粉非常薄 調味適中 因為揀嘅係醬油，所以出邊係甜甜地再加啲炸咗嘅蒜片 ！裏面嘅雞肉有調味唔會太清。 重點係無骨嘅，適合各位懶人🤣😂 我朋友話覺得佢好食過韓國明洞嗰啲 ！ 見咗佢炸雞，有好多唔同味 ，個Staff話如果鍾意食辣，佢嘅辣味好出色！我就唔食得辣，不過都好想下次去encore其他味道👅 另外佢嘅沙律菜都比到驚喜我，醬汁食落去酸酸地，但係唔係醋！ 又唔係沙律醬厚身嘅肥膩感。 味道有啲似柚子味 ，好清新一啖沙律菜，一啖炸雞，但完全冇油膩感。隔籬枱嘅客人都忍唔住加錢refill! 泡菜餃子湯 特色個餃子比到驚喜我，裏面有啲豬肉同泡菜仲有少少粉絲碎。 裏面加粉絲碎令到成個餃子嘅肉餡煲出嚟會唔會好實。 怕辣嘅人都唔驚，佢個湯底係清嘅 ，有粉絲菜同年糕。 係餃子有少少辣，辣味係泡菜嗰種！ 我覺得都正常辣！烤牛捲飯唔知係咪紫菜落咗麻油，一上菜就望到啲紫菜好有光澤。 🤣🤣 睇相就知有好多舊，而且材料都好豐富。 仲有一個特別辣豬肉味。

估唔到北角有性價比高嘅韓國餐廳，仲要系韓國人主理，呢度嘅炸雞系呢邊嘅街坊都大贊！🌟 韓滋樂雙拼炸雞 (無骨)可以自選口味，我哋揀左甜辣炸雞及蜂蜜牛油炸雞，無骨炸雞食落方便又啖啖肉，炸雞新鮮炸好就上枱，食落熱辣辣又皮脆肉嫩！甜辣炸雞系必點口味，甜甜辣辣充滿韓式風味，令人食唔停！蜂蜜牛油炸雞充斥住蜂蜜嘅甜味，仲有微微嘅牛油香！🌟 韓式魚糕湯清清地嘅魚糕湯，可以中和一下煎炸感，魚糕嘅份量都好多，入面仲有韓式粉絲、椰菜同年糕！🌟 烤牛卷飯韓式卷飯系韓國家常菜式，卷飯包住薄薄嘅烤牛肉、紅蘿蔔、牛蒡等材料，再灑上芝麻，一啖食落口，口感豐富，健康又飽肚！🌟 辣炒年糕辣炒年糕份量都唔少，有好多年糕，仲有魚糕及半只蛋，辣辣地好惹味！飲品都有多款選擇，我哋就揀左水蜜桃梳打及紅葡萄柚梳打！

最緊去唔到韓國又想食韓國野😋朋友就介紹我去位於北角嘅韓式餐廳，餐廳大大間，座位間都闊落，又有卡位形式座椅，坐得舒服👍🏻餐廳提供10款炸雞口味🤣好欣賞餐廳有得選擇輕盈盒Size，所以同友人2個女仔都簡咗2款口味嘅炸雞試試！兩款炸雞都炸得金黃香脆，雞肉肉質嫩滑😋▫️甜辣炸雞（輕型盒）甜辣醬料好開胃，辣味唔會太辣，同甜醬撈埋一齊，食落更可口滋味👍🏻▫️乳酪洋蔥炸雞（輕型盒）第一次食乳酪洋蔥味嘅炸雞，完全驚艷到！乳酪味超香濃，有酸酸甜甜味道，配埋洋蔥，好Creamy，味道更有層次，大愛！必試呢款味！▫️炸醬麵地道韓式餐廳必有嘅炸醬麵，充滿韓國嘅味道👍🏻麵質好彈牙！▫️韓式魚糕湯韓式魚糕湯入邊包括有魚糕、年糕、雞蛋、粉絲及雜菜！魚糕食落好煙靭，彈牙，充滿魚湯嘅味道😋粉絲更加係當中嘅精華，吸滿湯汁，超好味！▫️辣炒年糕份量好足料，除咗有年糕之外，仲有雞蛋、魚糕！甜甜辣辣，食落好惹味😋！▫️烤牛捲飯一碟有10舊，超足料🤣捲飯裏面包有烤牛、蘿蔔絲、青瓜及酸蘿蔔！一啖食落口，除咗充滿濃郁嘅牛肉、再配搭酸蘿蔔及青瓜等配料，口感好有層次，食落帶點爽脆，好食喔！▫️無糖可樂▫️西梅汁（凍）西梅汁酸酸甜甜，飲落好開胃喔！

北角明園西街2至6號明苑中心地下4號舖 坐港鐵到北角站B1出口步行三分鐘到 門口乾淨，地方寬闊，空間清新柔和，三四知己相聚很不錯的地方，店員善解人意😄 韓式樂四拼炸雞拼原味-無骨😋原味炸雞：炸得合適，食落嫩滑有肉汁味甜辣炸雞：皮脆入口又甜辣嫩滑混合口裡😋乳酪洋蔥炸雞：見到好開心，畀人一種很想食😋洋蔥加乳酪入口濃鬱豐富多汁嫩滑火辣炸雞：未入口已經感覺到辣😉很有樂趣 泡菜餃子湯：有雞蛋，泡菜餃子，粉絲和蔬菜仲有年糕在湯低😁喜愛偏辣的人士，餃子入口酸辣不錯，粉絲夠嫩滑爽口，配合湯底清甜烤牛肉煎餅：見到好大件，咬落有彈性煙煙靭靭加埋配料和嫩滑牛肉清新甜很夾😋 韓式泡菜伴冷麵：有半隻雞蛋加入青瓜切長條陪伴，喜歡泡菜偏甜很不錯😋冷麵咬入口 煙煙靭靭入口甜滑很不錯最後，冰凍檸檬茶和熱柑橘汁完滿相聚😍

今日嚟到北角搵食，見到網上推介呢一間韓式炸雞店，一於嚟試吓，一入到去老闆就好熱情招呼我哋，環境都好闊落，聽吓K-Pop 都幾chill我哋嗌咗個四拼炸雞（火辣、蜜糖牛油、咖哩、芝士雪花）韓式泡菜冷麵、烤牛捲飯、同埋咖喱炒年糕仲有藍色多瑙河梳打同埋水蜜桃梳打。我哋兩個人都睇少咗食物嘅份量，點知碟碟都比我哋想像中大，勉強先食得晒。一坐低點完嘢食侍應好快就送上沙律，都幾開胃。網上嘅推介都冇介紹錯，炸雞的確好出色，我自己就大力推介芝士雪花炸雞，甜甜哋有芝士味得嚟又唔會好漏，亦都唔好睇小火辣炸雞嘅辣度，唔食得辣嘅朋友可能要揀其他味，炸雞都係熱辣辣新鮮炸好，一啲都唔hea!冷麵口感有啲似烏冬，配埋泡菜幾新鮮幾開胃，幾特別值得一試。飯捲啲料都好足，非常飽肚。最唔可以睇小一定係咖喱炒年糕，本身以為細細碟當係前菜，點知佢超級大碟仲要配埋粉絲，而且咖喱味嘅年糕真係第一次試，鍾意食咖喱嘅一定要試吓！藍色多瑙河梳打絕對係打卡之選，非常吸睛！兩杯飲落都好清新，酸酸甜甜，幾開胃，配韓式炸雞一流！下次想食韓式炸雞，一定會再嚟呢間！

韓滋樂四拼炸雞(無骨) $218芝士雪花🧀香蒜醬油蜜糖牛油🍯招牌甜辣- 啖啖肉真係好正🍗炸雞肉質好嫩滑，而且每一種味嘅味道都好突出🤤卡邦尼年糕 $83: 卡邦尼醬汁好濃稠😍有年糕、粉絲、香腸煙肉、蔬菜等，非常豐富，又飽肚😋韓式魚糕湯 $88: 魚糕湯熱辣辣好暖，帶少少胡椒味道飲完好舒服😝 魚糕有星形、長形同圓形，口感煙靭，仲有好多年糕、粉絲同椰菜👍🏼泡菜煎餅 $73: 3大塊泡菜煎餅 煎得幾香脆，仲食到泡菜絲喺入邊🙌🏼

這間韓式小店老闆會親自招呼客人，店家10分親切，絕對是韓國美食愛好者的好地方。菜式有韓國地道味，選擇很多，性價比超高～ 也有外賣，堂食也不會太迫，地方乾淨整潔~今天分別點了牛肉和蟹肉紫菜包飯，已醃製過的牛肉薄片加入了大量蔬菜，調味適中，味道剛剛好，蟹肉也給得很足，加了一堆蔬菜，健康之選～ 這裏的炸雞是我吃過數一數二最好的，點了大份的甜酸炸雞和小份的乳酪洋蔥炸雞，份量真的覺得很足，炸粉不會太厚和硬，雞也鮮嫩多汁不會太硬，真的太好吃了。

呢排煲緊韓劇，放咗工就好想同同事一齊Hea下，飲杯嘢傾吓偈，於是就去咗呢間Chicken chiko。入到餐廳唔算多人，坐得都算舒服，有幾耐就發現外賣嘅order好多，一個接一個。炸雞嘅選擇都唔少，我哋樣樣都想食，就叫咗個四拼炸雞（甜辣味、車打芝士味、蜜糖牛油味和乳酪洋蔥）諗住可以每隻味都試吓，點知佢個份量超多，差啲食唔晒😆佢啲炸雞炸得好香脆，但又唔會好嚡口。最鍾意嘅係甜辣味，酸酸辣辣好開胃。另外，乳酪洋蔥炸雞味道都好特別，可以食炸嘢嘅時候都有一種清新嘅感覺👍炸醬麵嘅麵質好煙靭，而且特別多醬汁，配料亦好充足，值得一試。泡菜煎餅十分香口，香脆嘅外皮包着濃濃嘅泡菜，沾上搭配嘅醬汁，非常美味。飲品方面，我哋揀咗士多啤梨梳打和柑橘汁，士多啤梨梳打除了賣相靚之外，亦很清新，搭配濃烈口味嘅韓式食物，特別解渴。值得一讚嘅係服務員很細心有禮，所以整個晚餐過程都很滿意。

今日過咗嚟呢一間位於北角嘅餐廳同兩個同事食lunch，好耐都冇食過韓國炸雞，所以都對呢一餐有少少期待，我哋幾個就叫咗一份四個口味嘅炸雞，一個韓式冷麵，一個韓式魚糕湯！輕盈韓式泡菜拌麵✌🏻，分量嚟講都算幾多，再加埋泡菜青瓜絲同埋一隻雞蛋，味道嘅配搭上都有幾好嘅口感，夏天咁熱，食冷麵就最好不過，我哋都幾鍾意佢嘅配搭四拼炸雞✌🏻，我哋都係叫咗冇骨嘅炸雞，感覺上比較同埋方便，炸雞每一份都熱辣辣，而且份量黎講非常多，我哋三個人都差啲食唔晒，而且味道非常正宗，拍得住我哋喺韓國食嘅炸雞，比較推介有佢嘅乳酪炸雞，熱辣辣嘅炸雞再加埋yogurt, 上面再有有少少洋蔥，口感配搭上都非常match! 第二個口味我哋叫咗咖喱炸雞，炸雞加埋咖喱粉嘅味道都幾特別，而且唔會好辣，第一次食咖喱炸雞，都唔錯！第三個口味，我哋叫咗火辣炸雞，辣辣地酸酸地，令人覺得非常開胃，而且味道適中，絕對唔會超級辣，適合我哋香港人嘅口味，非常推介俾大家，最後一個味我哋叫咗醬油，係傳統韓式classic味道，絕對唔可以錯過，甜甜地咁非常好食！Cass 啤酒🍻，食炸雞點少得啤酒，啤酒入口超清爽，再加上冰杯，入口簡直就係爽！簡直係炸雞嘅最好配

Happy Friday難得可以同老公二人世界，一齊去左北角CHICKEN CHIKO食韓國野。甜辣炸雞 無骨我地驚食唔晒，所以叫左輕盈版，但其實份量都唔細。炸雞甜味出過辣味，外皮炸得脆，雞肉唔鞋，而且無骨，食得好方便。韓式魚糕湯魚糕同平時食既樣唔同，但味道係一樣既，除左魚糕，仲有粉絲、年糕、椰菜等等，清清地幾好。部隊鍋材料同韓式魚糕湯有啲似，冇左魚糕，多左午餐肉同腸仔，而且幾辣下。烤牛捲飯好大條，切左10件，加左芝麻，幾香口，健康又飽肚。野飲叫左蜜桃味燒酒同Cass啤酒。

經過北角見到間韓式小店，主打傳統韓國菜，而且價錢好抵食，就試一試，入去坐低發現隔籬枱係韓國人，環境乾淨整潔，坐得都幾舒服。🥹🥹❤️首先，呢度嘅炸雞係佢哋嘅招牌，所以我哋點咗韓滋樂嘅四拼無骨炸雞，啖啖多汁，肉質鮮嫩，外皮香脆，口味可以選擇4款，車打芝士口味上面淋左芝士汁，香濃滿溢，甜辣口味嘅炸雞辣中帶甜，刺激味蕾，非常開胃，蜜糖口味帶有微微焦糖味，超級美味！🍗🧀🌶️🍯接著，我哋試吓烤牛捲飯。牛肉份量多，每一口都飽滿多汁，肉質鮮嫩，燒烤嘅香氣令人垂涎欲滴，配上軟糯嘅白飯，一試難忘！🥩🍚然後，點左韓式魚糕湯。湯頭濃郁，魚糕軟嫩又彈牙，飲落暖胃又健康。🍲🐟🥬再來，係弘大玫瑰炒年糕。年糕彈牙有嚼勁，配上玫瑰醬汁，香甜芬芳，玫瑰香味滲入年糕之中，有帶點辣味，好有驚喜！🌹🍡最後，來杯燒酒同檸檬茶解渴。燒酒入口溫暖，滑順清爽，檸檬茶清新解膩！🥃🍋