影片
更多
2022-12-01
967 瀏覽
環境推薦：🌟🌟🌟🌟🌟食物推薦：🌟🌟🌟🌟抵食指數：🤑🤑🤑人均消費：💰💰💰整體推薦：❣️❣️❣️❣️———————————————❣️穿越舊上海 - 嘉麟樓🍴❣️久仰大名，位於半島酒店既米芝連餐廳，裝修富有舊上海氣氛，播放住懷舊金曲，周圍擺設以木做為主。內裡複式設計，由下層望上去見到上層好似有貴賓房。因為臨近聖誕節嘅緣故，周圍都放置左聖誕裝飾，但係都唔會顯得突兀。門口接待的女店員身穿旗袍，一入門有種穿越去60年代舊上海嘅感覺，店內裝修雅致而有氣派。整體環境舒適典雅，燈光昏暗有情調。今次我地試左dinner set，唔使左揀右揀，可以周圍欣賞下佢嘅建築同埋裝修。Dinner set 有3個價錢，我地揀左最經濟個個 $748 / person。店員好快就上茶和小食琥珀合桃，好有效率。🧠 琥珀核桃好鍾意呢個小食，合桃加上蜜糖烤焗而成，外層加上芝麻，香脆可口，唔小心就會將成碟清光光，岩晒鍾意甜食嘅你。配上剛點嘅龍井茶，消滯解膩。🐥 蜜味叉燒 拼 川辣口水雞叉燒用左匈牙利鬈毛豬，肥瘦比例恰當，肉脂分布平均，有少少脆燶邊，充滿肉香，以厚切形式上枱突顯其口感軟嫩。醬汁甜而不膩，叉燒入味而富蜜香。口水雞肉嫩滑，川辣汁
食物推薦：🌟🌟🌟🌟
抵食指數：🤑🤑🤑
人均消費：💰💰💰
整體推薦：❣️❣️❣️❣️
———————————————
❣️穿越舊上海 - 嘉麟樓🍴❣️
久仰大名，位於半島酒店既米芝連餐廳，裝修富有舊上海氣氛，播放住懷舊金曲，周圍擺設以木做為主。內裡複式設計，由下層望上去見到上層好似有貴賓房。因為臨近聖誕節嘅緣故，周圍都放置左聖誕裝飾，但係都唔會顯得突兀。門口接待的女店員身穿旗袍，一入門有種穿越去60年代舊上海嘅感覺，店內裝修雅致而有氣派。整體環境舒適典雅，燈光昏暗有情調。
今次我地試左dinner set，唔使左揀右揀，可以周圍欣賞下佢嘅建築同埋裝修。Dinner set 有3個價錢，我地揀左最經濟個個 $748 / person。店員好快就上茶和小食琥珀合桃，好有效率。
🧠 琥珀核桃
好鍾意呢個小食，合桃加上蜜糖烤焗而成，外層加上芝麻，香脆可口，唔小心就會將成碟清光光，岩晒鍾意甜食嘅你。配上剛點嘅龍井茶，消滯解膩。
琥珀核桃
32 瀏覽
0 讚好
0 留言
🐥 蜜味叉燒 拼 川辣口水雞
叉燒用左匈牙利鬈毛豬，肥瘦比例恰當，肉脂分布平均，有少少脆燶邊，充滿肉香，以厚切形式上枱突顯其口感軟嫩。醬汁甜而不膩，叉燒入味而富蜜香。口水雞肉嫩滑，川辣汁辣度剛剛好，唔會太油，整體印象深刻。
蜜味叉燒 拼 川辣口水雞
17 瀏覽
0 讚好
0 留言
🐠 千絲花膠魚肚羹
花膠魚肚羹頗鮮甜，料也充足，湯味濃郁，啖啖花膠魚肚絲，口感豐富。
千絲花膠魚肚羹
10 瀏覽
0 讚好
0 留言
🦐 乾燒老虎蝦球配窩巴
老虎蝦比較爽身，配上醬汁味道不錯，連同窩巴一齊入口，層次分明，係滿满嘅满足感！不過蝦味比較淡，窩巴略嫌不夠爽脆，有點可惜。
乾燒老虎蝦球配窩巴
24 瀏覽
0 讚好
0 留言
🥬 艇皇浸元貝皇菜苗
食完之前幾道比較重味嘅菜式之後，呢道蔬菜可以比大家清一清胃口。元貝蝦乾富鮮味，呢道菜既魚湯清甜鹹味適中，菜苗清爽吸湯，非常清膩。
艇皇浸元貝皇菜苗
12 瀏覽
1 讚好
0 留言
🍚 頭抽和牛崧藜麥炒飯
本身唔太鍾意食飯，不過飯炒得乾身頗香，用料也美味，一碗剛剛好。
🧉 葛仙米杏仁茶
小時候既我極度怕杏仁味，但今次居然全喝完，喝到一半才發現碗底有一層像豆腐花的蛋白，蛋白非常細滑，杏仁茶甜香而不膩，推薦！
附送點心 -
🍮 蝶豆花奶凍
🍪 杏仁曲奇
下層紫藍色嘅蝶豆花糕襯托上層白色嘅奶凍，個人覺得視覺上已經滿分，糕點甜而不膩，軟軟凍凍。杏仁曲奇鬆軟，入口鬆化，有杏仁香。
葛仙米杏仁茶 配 蝶豆花奶凍 杏仁曲奇
9 瀏覽
0 讚好
0 留言
總結：作為香港歷史悠久，傳統粤菜經典既餐廳，香港應該所剩無幾。如果你鍾意呢種傳統中國風，可以專程一試，用一餐飯既時間，穿越一下舊上海。
張貼
