元朗燒賣皇后妙舒

營業中

休息中

有日倖存者心血來潮想去屯門行山，點知去到個陣又掛一號波加紅雨。天公不造美，唯有苦中作樂將健康行山團變元朗屯門美食之旅。今之倖存者黎到鼎鼎大名嘅元朗燒賣皇后一嚐馳名豬肉燒賣。講起豬肉燒賣，係街邊食嘅通常係魚肉燒賣，酒樓食嘅係豬肉燒賣，係街邊食豬肉燒賣真係賣少見少，難得搵到隨街可督嘅豬肉燒賣 - 不可不督！豬肉燒賣足料大粒係基本野，難得大粒又好食 - 首先個皮好薄又唔乾！倖存者好驚食到啲乾淨淨嘅皮，食到個口澀晒，但呢個就唔會！第二，鹹度適中！豬肉本身帶少少咸味，好多時啲人為咗要遮蓋唔新鮮嘅味，特登整咸舊肉，呢到啲燒賣肉無落重鹽，食完個口只會有肉汁嘅juicy！最後係價錢，豬肉燒賣成本較高，但呢到價錢合理，食得過！