元朗燒賣皇后妙舒

小編今日來到元朗一間港式小食店「元朗燒賣皇后妙舒」，紮根元朗已經有37年，以自家製香菇豬肉燒賣而聞名，提供不少傳統港式小吃如白魚蛋、咖哩五寶（豬皮、魚蛋、牛栢葉、蘿蔔及魷魚🦑）、沙爹牛肉球等，除了蒸製燒賣外，更提供椒鹽炸香菇豬肉燒賣✨ 由早上10點一直營業到凌晨1點，成為不少街坊朋友的宵夜選擇🧡 成為了元朗地區歡迎的小食店之一🥇 招牌「自家製香菇豬肉燒賣」是店內的鎮店之寶，也是各位街坊的「元朗」原味道🧡 燒賣以新鮮豬肉、魚肉與大量冬菇調製而成，每一顆燒賣都充滿香菇的香氣與爽脆口感，醬油香甜滲進燒賣薄皮中，肉餡鮮嫩多汁，啖啖都是肉，肉香與菇香融為一體🐷🍄‍🟫 特別推介蘸上店家自製的辣椒油，超香辣又惹味，讓燒賣的香氣再升級🆙 🍽：自家製香菇豬肉燒賣👅 好味指數：8.25/10💰 消費：HK$23/8粒📍 地址：元朗燒賣皇后妙舒 (元朗) 元朗阜財街14號宏豐大廈地下11B及11C號舖…查看更多

叫腸粉餐加$9咖哩豬皮$9咖喱蘿蔔腸粉明明4條都係得細細碗得兩塊豬皮兩舊蘿蔔 仲要有咖喱味又見到職員鬧啲客總之就係食物質素麻麻份量又細職員態度又差真係唔值得去！！…查看更多

作為燒賣愛好者，路過燒賣皇后一定要幫襯下嘅！雖然以前食過唔係太出眾，但既然路過就試多一次啦！-招牌香菇豬肉燒賣：燒賣皇后嘅名物，今次食唔夠香菇味，不過燒賣口感係OK的。-魚肉燒賣：今次反而魚肉燒賣好食啲啲，但重點其實係啲豉油度！整體黎講係豉油出色！…查看更多

宵夜首選！嘴痕想食宵夜，外賣佢哋嘅三樣招牌 。燒賣大大粒有口感，醬汁辣得好惹味！瑞士雞翼好入味，雞翼好腍身。碗仔翅略嫌味道唔夠，但係濃稠度適中唔會太稀，啲料都好夠。…查看更多

每次打完波之後都會有少少餓 就會諗起尼一間舖😻必點既食物就係佢既孖寶（有白魚蛋同豬肉燒賣）尼兩款食物都好彈牙 超級好食！尤其係配埋佢啲辣椒油係食到停唔到口我都有買返一樽返辣椒油返屋企配其他美食！…查看更多

- 香菇豬肉燒賣 (8粒)我嘅豬肉燒賣首選係呢間 百吃不厭 如果食得辣可以加埋辣椒油 燒賣皮唔會好爛 我平時唔太好菇類 覺得呢個香菇豬肉可以接受 燒賣有咬口 唔會係溶溶爛爛個類型元朗呢間分店除咗有蒸類小食同炸物 仲有燒物可以試 但燒賣好似係冇得燒(?) 但就唔多肯定🤣除咗即買即食之外 仲可以買啲急凍包返屋企 咁樣就隨時隨地口痕都可以自己蒸嚟食下 除咗豬肉燒賣 仲有牛肉球😋💰$22#元朗美食 #YuenLongFood #燒賣關注組…查看更多

妙舒燒賣皇后絕對是一個讓人驚喜的地方！他們的燒賣新鮮美味，皮薄馅多，口感滑嫩。每一口都充滿了肉汁，特別是他們的醬油和辣椒醬搭配，更是讓燒賣的味道提升到另一個層次。…查看更多

依間嘅燒賣都幾出名，之前食過一次覺得唔錯，聽人講佢嘅沙嗲醬好好味，特登再去試吓～💫魚蛋、燒賣孖寶 $26 （6粒燒賣、8粒魚蛋）燒賣係香菇豬肉燒賣，味道、外形同大細同茶樓嘅差唔多，好香菇味，依個價錢食到咁嘅質素嘅燒賣，仲要咁多粒，我覺得係物超所值👍🏻魚蛋就正常，冇乜特別。我就揀咗沙嗲醬加辣，點知真係好辣！！與其話係沙嗲醬不如話係辣醬，淨係食到個辣味，完全食唔到沙嗲味😭下次再食嘅話唔會叫辣了，所以最後都係試唔到佢個沙嗲⋯🫠推薦：🌟🌟🌟🌟地址：元朗燒賣皇后妙舒 (元朗)元朗阜財街14號宏豐大廈地下11B及11C號舖…查看更多

元朗燒賣皇后我直入元朗~話說早排去開元朗咁啱口痕想食D小食見到燒賣皇后就想試下個名成日都聽到但係就未食過但係應該係最後一次食佢！我本身係燒賣控個個星期最少食一次呢間元朗燒賣皇后就令到我相當失望!去到見到佢有招牌白魚蛋同香菇豬肉燒賣兩款都想試食咁就梗係叫個孖寶啦 我第一次食就落單時問店蹟孖寶係用普通魚蛋定白魚蛋點知佢一下就反我白眼話我地魚蛋得一款另外我本身都算食得辣但係佢地既辣椒油係多到差唔多浸住D燒賣!!辣椒油勁辣但唔算香口後期辣到我食唔到D魚蛋燒賣咩味仲要辣到我係咁肚痛再講番個香菇豬肉燒賣蒸到過哂龍變形又淋身豬肉味欠奉 一D都唔香唔彃牙另外個白魚蛋又係冇魚味唯一好處佢口感係彈牙既但係孖寶都成$30蚊呢個價錢性價比極差食劣食我寧願食番龍津算…查看更多

話你知，呢間店嘅燒賣，真係叫到我停唔到口。佢哋嘅招牌香菇豬肉燒賣，個個肥美彈牙，真係食落有種"嘩"嘅感覺。香菇嘅香味濃郁，肉感又夠味，真係叫到我食指大動。一啲都唔會覺得乾笠，啖啖肉嘅口感又夠晒juicy，蘸嗰下豉油同辣油，啖啖都話得上係dim sum嘅精髓。🥢仲有椒鹽炸燒賣，外皮香脆得滯，咬一啖又熱，又夠响，個人覺得如果椒鹽味再濃烈少少就更正！但總體嚟講都係滿足晒。至於真空包裝嘅燒賣，家庭蒸煮後都保持到質素，方便之餘又唔失美味，我會畀個讚👍。總之嚟到元朗，咪錯過呢間嘅燒賣。想話你知，廣東人嘅美食機智就係—無論你幾忙，都要抽幾分鐘嚟享受吓質素好嘅街頭美食！存喺於這半纏口間的，係一個又一個嘅小確幸啊！🍢👑…查看更多

喺呢一間食店食咗差唔多十幾20年作為元朗地膽😝有佢以前係有燒雞翼（沙嗲醬辣汁）燒司華力腸 燒牛肉雞肉豬頸肉，幾年前食過烏冬，撈咖喱汁都係好好味😍😍睇住佢咁多年嘅轉變到而家佢唔少嘢食都冇咗，新增咗撈麵 白魚蛋而我嘅最愛當然係香菇燒賣 我覺得以前係好食少少 不過依家都唔差 每次點必定要點辣既 先夠惹味 仲要最少八粒，我覺得反而炸燒賣冇咁好味 蒸燒賣先係比較多肉汁同Juicy 依家仲出埋急凍燒賣好方便，買埋返屋企食依家新出咗榴槤燒賣，下次必定要試吓😍😍😍…查看更多

下午茶時間，覺得好肚餓，想買啲小食食下，咁啱經過又新街，咁就食啲小食填下個肚😆👇🏻招牌香菇豬肉燒賣 $15/5粒百吃不厭😋大大粒，好足料，每啖咬落去都有好濃嘅菇味！可以即食，或者外賣拎返屋企同屋企人分享都係唔錯嘅選擇☺️👇🏻牛舌串燒 $20/串忽然好想食燒物，望一望個餐牌，揀咗我最鍾意嘅燒牛舌🤤牛舌勁厚切好淋，上面沈左啲味粉，同牛舌好夾，好味嘅！而且係即叫即燒，所以覺得等10分鐘都值得😎…查看更多

一向係呢檔燒牛舌嘅忠實粉絲，但今日食咗一串又凍又梅嘅牛舌，同埋一肚氣！平時買親都會問辣定唔辣，係落唔落辣粉嘅意思。今朝短髮阿姐開檔，叫我等20分鐘，我乖乖地等，番到嚟唔對路，串嘢竟然落咗沙嗲醬。我問阿姐點解串嘢同平時唔同晒，平時唔係沙嗲醬，係乾身落味粉㗎，仲有我唔食沙嗲！！！阿姐堅持：“辣就一定係沙嗲㗎啦”我話：“平時每次話辣，你地都係落紅色辣粉，無醬㗎”阿姐兇兇地：“你係咪夜晚嚟食呀？夜晚唔同㗎，日頭就係沙嗲”下，我心諗唔係呀嘛，日夜同一餐單唔同味㗎？咁你地舖頭點解唔寫明喺餐牌？我答：“總之我係唔食沙嗲嘅，宜家可以點？”阿姐話：“咁你再等多20分鐘囉”我：“頭先已經等咗20分鐘，我無可能再等，一係退錢啦”阿姐：“無得退錢，沙嗲就沙嗲，一係你要咗佢，一係我用水沖走啲醬，再燒一燒落番味粉”我揀咗後者，佢沖走沙嗲醬，一分鐘hea整完俾番我。結果，呢串牛舌又梅又凍又無味！而且受咗短髮阿姐一肚氣！…查看更多

黎到元朗，經過見到最近新出嘅榴槤燒賣，點可以唔試。🥡榴槤燒賣 $30/5粒唔係好好榴槤嘅我都覺得好食，粒燒賣係炸左嘅。入邊真係有榴槤肉，口感同粒燒賣都好夾。新鮮感十足，非常推薦大家去試下。…查看更多

今日放工之後有啲肚餓 平時經過都見到好多人排隊 難得今日條隊唔算係特別長 基於羊群心理之下就諗試吓啦招牌香菇燒賣($15 5粒; $22 8粒) 平時多數喺街小食店邊見到嘅都係魚肉燒賣 而呢到最出名嘅係香菇燒賣 所以今次就叫咗五粒嚟試吓先 一咬落去已經有好香嘅冬菇鹹香 本身我自己都好鍾意食菇 所以都好鍾意呢款咁特別咁少見嘅燒賣店員都有推介埋佢哋都幾出名嘅自家製辣椒油 佢哋加埋係燒賣一齊食就好夾 雖然我自己唔係好食得辣 只係加咗少少辣椒油 不過味道已經好出…查看更多