影片
更多
2012-11-04
2443 瀏覽
第一次黎港灣一號食飯, 最 impress 既地方, 除左食物質素之外, 仲要大讚佢地既服務, 由踏進餐廳的一刻開始, 每個員工都真係做到令你賓至如歸既感覺. 好親切又誠懇既笑容, 服務效率極高, 你唔洗出聲, 只係郁一郁手指, 或者俾一個眼神, 佢地好似識讀心術咁, 都未開口 request, 已經知道你想要咩, 厲害!講返食物先, 呢晚公司請客食飯, 之前秘書小姐打去訂檯, 叫餐廳寫定菜單, 一去到就有得食, 餐廳介紹話佢地咁啱有個客席廚師, 係杭州凱悅酒店黎左, 有D傳統杭州菜色推介, 只係供應到十一月中, 我地就即管由廚師發板, 幫我地準備一個杭州晚宴. 1. 杭州特色拼盤 (藍莓山藥, 糖醋小排, 醬香一口脆, 丁香燻魚柳)- 個藍莓山藥應該唔係傳統杭州菜, 但呢味菜色創新得黎又幾特別, 切成一粒粒的山藥, 味道清淡軟腍, 加上酸酸甜甜的藍莓醬, 十分匹配, 是一個很開胃的前菜- 醬香一口脆其實係經醋和麻油醃製的蘿蔔, 切成一片片, 好脆口, 食到唔定得口- 個燻魚係我最鍾意既前菜, 好入味, 火候控制得宜, 唔會大硬2. 宋嫂燴魚羹3. 蜜汁火方- 賣相精緻, 用一個迷你蒸
講返食物先, 呢晚公司請客食飯, 之前秘書小姐打去訂檯, 叫餐廳寫定菜單, 一去到就有得食, 餐廳介紹話佢地咁啱有個客席廚師, 係杭州凱悅酒店黎左, 有D傳統杭州菜色推介, 只係供應到十一月中, 我地就即管由廚師發板, 幫我地準備一個杭州晚宴.
1. 杭州特色拼盤 (藍莓山藥, 糖醋小排, 醬香一口脆, 丁香燻魚柳)
- 個藍莓山藥應該唔係傳統杭州菜, 但呢味菜色創新得黎又幾特別, 切成一粒粒的山藥, 味道清淡軟腍, 加上酸酸甜甜的藍莓醬, 十分匹配, 是一個很開胃的前菜
- 醬香一口脆其實係經醋和麻油醃製的蘿蔔, 切成一片片, 好脆口, 食到唔定得口
- 個燻魚係我最鍾意既前菜, 好入味, 火候控制得宜, 唔會大硬
2. 宋嫂燴魚羹
3. 蜜汁火方
- 賣相精緻, 用一個迷你蒸籠上菜, 夾火腿的薄餅又香又軟, 將蜜汁火腿同炸脆的腐皮夾在中間, 細細件一啖咬落去, 一次過有三種不同的口感, 層次感十分豐富
4. 油爆蝦
- 好香醬油味, 連殼都食埋
5. 金牌扣肉
- 刀工好犀利, 成座金字塔咁, 部長仲好細心幫我地輕輕切開, 方便客人用薄餅夾住一齊食
6. 江南富貴雞
- 好傳統既杭州菜, 用荷葉包住隻雞, 再用泥包住黎焗, 會邀請客人操刀, 用個槌仔扑開黎食既乞兒雞, 幾有趣既食法
7. 蒜香烤肉油菜芯
8. 杭州片兒川
9. 西子雪媚娘
- 令我印象深刻的甜品, 類似芒果糯米糍, 薄薄的糯米皮包住又香又滑既芒果忌廉, 好似食緊可以拎上手既芒果布甸, 雖然好飽, 都可以食清光
稱心滿意的一頓晚餐!
張貼
