港灣壹號

👩🏻母親大人生日飯🎉, 喜好中菜🇨🇳✨揀咗間灣仔酒店的海景中菜廳 - 港灣壹號👻特別request窗邊位, 可以邊食邊飽覽維港美景🌃🥳🅿️只要光顧午/晚餐, 即可享有3️⃣小時免費泊車仲要最多可以泊3架車🚙🚗, 對駕駛人士友善🤵🏻餐廳職員都好專業, 打去訂座時📞見到電話號碼即刻知係邊位客人👍🏻另外本身生日想order壽包🍑😳餐廳好好咁免費按人數送俾我地, 十分窩心☺️不過, 當晚人手略有不足, 點菜換碟fill水都比較慢😢🧐🫖茶位: $45/位🔸前菜琥珀合桃甜度適中陳醋海蜇頭爽脆口感, 醋的酸度不高🔸燒味拼盤(例牌)  $518   7/10蜜汁叉燒｜ 脆皮乳豬件｜ 凍海蜇🍯蜜汁叉燒肥瘦均勻, 肉質軟腍, 甜度剛好🐖脆皮乳豬件口感層次豐富面層乳豬皮香脆,肥膏已被師傅細心去掉😙中間夾住鬆軟的白面包⚪️最後係濃郁幼嫩的乳豬😋🔸荔蓉香酥鴨  $418  6.5/10🇨🇳傳統懷舊菜式荔蓉份量好多, 質地綿密💜啱哂中意食荔蓉的朋友🔸陳年花雕酒燴雞(半隻)  $360  5.5/10🍶花雕酒味都出🐓雞件肉的份量不多, 肉質較嚡😕🔸蔥燒百花牙魚  $470  7.5/10🤵🏻‍♀️店員推介的~ 🐟雪白的牙魚釀上爽彈蝦膠🦐半煎炸後用豉油烹調😌肉身索哂豉油香味, 伴菜的西蘭花偏鹹🔸杏汁蛋白雙耳浸時蔬  $310  6.5/10將平時做甜品的蛋白杏仁茶🥚🥣變成浸時蔬的湯底, 清香滋潤⚪️🟡雙耳(白耳+黃耳)口感爽脆🔸黑白芝麻奶凍🔳  $88  6/10  奶凍都香滑, 黑芝麻味幾香, 偏甜少少🤏🏻🔸生磨杏仁茶芝麻湯丸  $86  6/10杏仁茶杏仁味香濃, 湯丸皮不太煙韌🔸Bev Achmoulin de la lagune 2016🍷  $880  7.5/10…查看更多

唔係第一次嚟，但今次嘅體驗舒服啲，因為上次覺得好嘈，不過佢哋啲燈光都係偏昏暗。服務仍然都係咁好，貼心嘅。我哋兩個人，叫咗兩個湯，包括「杏汁竹笙螺頭菜膽燉白鴿蛋」，同埋「川貝海底椰瑤柱燉到杜克豬展」，足料嘅，但我覺得稍為偏咸。至於主菜我哋就叫咗「古法鹽焗雞」、「蟹皇四川蝦球」同「方魚炒芥蘭」，個雞煮得好好味，皮脆肉滑。另外嗰兩個就到位啦，食得到食材係新鮮嘅，但未刺激到味蕾。最後再叫咗「濃湯蝦皇稻庭烏冬」同「鮑魚石頭鍋飯」，相比下個飯出色啲，好入味。…查看更多

首先，開胃菜係海蜇頭👍大家一定要繼續睇埋下面嘅菜式。每一樣都好好味😋頭盤四式：頭盤已經令我驚豔！• 水晶皮蛋子薑：皮蛋香濃唔澀，加上淡淡嘅子薑味，平時唔鍾意皮蛋嘅我都覺得好食！• 椒鹽澳洲鵪鶉腿：呢個超好食😋鵪鶉腿比預期中大隻，外層椒鹽酥脆，但內裡肉汁仍然鎖得住，嫩滑多汁，食到停唔到口。• 海苔酥炸廣島生蠔：廣島生蠔肥美鮮甜，海苔酥炸得金黃鬆化，一啖入口，蠔汁爆漿，海苔香同蠔鮮完美融合，創新又唔搶味。• 鵝肝魚子醬乳豬件：呢道係奢華嘅代表！乳豬皮薄脆，鵝肝滑膩，魚子醬彈牙爆珠。三層口感、三種奢華。***主菜：以海鮮為主，蒸炸燴扣手法多變，每款都係頂級食材嘅最佳演繹，食到中段已經好飽但仲想繼續！• 椒鹽百花龍蝦鉗伴無錫汁燴波士頓龍蝦：雙龍蝦組合！椒鹽龍蝦鉗酥炸得金黃，百花釀餡彈牙鮮香；另一邊無錫汁燴波士頓龍蝦，汁濃郁鮮甜，龍蝦肉厚實Q彈。• 椰皇松茸竹笙螺頭燉竹絲雞：椰皇超清甜，裡面有好多料，竹笙爽脆，螺頭彈牙，燉得好入味，一碗落肚暖笠笠，超級滋補。• 頭抽香蔥蒸東星斑柳：東星斑柳蒸得剛好，魚肉雪白彈牙，頭抽醬油香濃，香蔥提鮮，簡單卻係經典中的王者。• 蠔皇原隻22頭南非吉品乾鮑魚扣柚皮：22頭乾鮑好大隻，溏心Q彈，一咬滿嘴膠質，配上入口即融嘅柚皮瞬間去膩變清新。• 梅菜叉燒帶子粒炒脆紅米飯：紅米飯炒得粒粒分明，脆口有咬勁；梅菜香鹹，叉燒甜嫩，帶子粒鮮彈，一碗飯集齊陸海空，加小小XO講更加好食😋***甜品：完美收尾• 30年陳皮桃膠燉津梨：一打開就係超香陳皮味！30年陳皮真係唔同d，香氣濃郁持久，桃膠Q彈滋潤，津梨燉得軟糯入味，甜度剛好，解膩又養顏。總結嚟講，價格雖然不菲，但值回票價！如果想慶祝或請客，絕對係首選。每一道菜都好好味 ！（P.S. 服務員超專業）…查看更多

港灣一號一向有水準，所以餐廳推出點心放題立刻去試一下。首先令我頗 impressed 的就是燉湯非常清青甜，煲湯豬肉亦算軟腍。接著是點心，要做得好吃，首先要做得精緻。今次令我印象深刻的是魚香茄子餃以及素餃，用料新鮮，刀工亦非常幼細，絕對给人粗糙的感覺。當然賣相漂亮亦會加分，看叉燒包就知道廚房對於presentation的用心。芒果布甸也好吃非常足料。服務一向貼心，staff 非常主動斟茶。雖然最初的時候漏了單，但亦好快跟進。整體而言，絕對值得一試。…查看更多

知道港灣壹號午市 promotion 點心放題至八月底，總共有15款點心隨你選擇。於是我打電話去訂位，可能因為價錢實在太優惠，結果只剩8樓的座位。反正之前我曾經去過幾次午餐和晚餐，所以沒有窗邊的位置也無妨。五星級酒店的服務就不用多說，肯定不會差。然而，食物的上菜速度實在太慢。我聽到工作人員提到全院滿座，而我也看到有 walk in 的客人卻沒有空位。或許他們平時做慢工出細貨，這次突然需要快速招呼客人，實在應付方面有點來不及。在食物方面，總的來說並不算精緻。最好吃的當然是老火湯，真的煲得夠火候，而且材料非常豐富，還能吃到很多乾瑤柱。另外，鹹水角也很好吃，腸粉的味道也相當不錯。蝦餃，燒賣，牛肉屬一般水準，其他的點心也都不過不失。前菜的琥珀合桃更是一絕，吃完後還可以再添加。點心放題的價格是468元，另加一，茶錢每位45元。吃後強烈推薦到港灣壹號吃晚餐，實在太美味😋…查看更多

初次嘗試，感覺良好😋😋餐廳安排了窗口位，可以飽覽維港景色。😀一坐下就奉上琥珀合桃及蔥油海蜇頭 ，琥珀合桃甜度適中非常美味，蔥油海蜇頭非常爽口。大讚👍👍我哋另外叫咗四樣食物，首先有必食叉燒，叉燒半肥瘦比例剛剛好，亦都非常之腍，調味適中，一定要試！😝😝之後有豆漿蟲草花浸時蔬，佢有幾款時菜可以選擇，我哋揀咗豆苗，估唔到比想像中大碟，入面嘅百合都非常爽口同鮮甜，成道菜都非常清淡解膩💚再來就是紅蔥頭煙燻龍崗雞，雞件非常嫩滑及而最估唔到係個紅蔥頭非常惹味。😋😋仲叫左1人份鮑魚石頭鍋飯也非常好食。當日招呼我們的侍應服務亦非常細心周到，配上優美環境及高質食物，成餐飯都食得好開心同滿足！👍🏻👍🏻👍🏻…查看更多

讚-水準真係穩定地好 羊腩煲皮滑肉腍 好入味 蔥油雞係好出色 皮脆肉滑 蔥油醬超惹味 蟶子好爽口 少有地水準好穩定既中菜館-環境好靚 餐具同所有嘢都keep得好仔細彈-燈光暗到有啲眼瞓…查看更多

已經踏入咗品嚐雲南野生菇菌嘅最佳季節🍄‍🟫 中菜行政總廚陳漢章師傅精心設計咗一系列時令菜式 採用營養價值豐富嘅雲南菇菌同新鮮食材入饌😻  例如炒帶子就拌以有菌中之冠美名嘅雲南野生雞㙡菌 另外稻庭烏冬就特登配咗選用雲南野生雞油菌🤩 雞㙡菌 鹹酸菜同豚肉鬆入饌嘅野菌肉醬酸辣湯  今餐最喜歡喺師傅新炮製嘅紅蔥醬油煙燻脆皮龍崗雞🤤 脆皮龍崗雞帶醇香嘅煙燻味 肉質鮮嫩多汁 配上師傅用乾蔥同蔥炒香製成蔥香濃郁嘅紅蔥醬油 忍唔住即刻叫碗白飯嚟撈飯食😏餐廳環境優雅大氣 仲對正尖沙咀維港美景✨ 啱晒同屋企人嚟一齊食中秋節飯 團團圓圓🏮 _ 📸 1️⃣ 紅蔥醬油煙燻脆皮龍崗雞🌟 2️⃣ 鵝肝魚子醬脆皮乳豬件 3️⃣ 25年陳皮竹笙螺頭水鴨燉雲南迷你冬瓜盅 4️⃣ 欖豉沖繩四角豆龍岩甜筍炒澳洲翡翠鮑角 5️⃣ XO醬雲南野生雞㙡菌炒北海道帶子 6️⃣ 野菌肉醬酸辣湯稻庭烏冬  7️⃣ 石榴蘆薈甘露 8️⃣ 蓮子南棗凍糕丨金網椰蓉盞🌟…查看更多

朋友順口問問是否有興趣參加 wine dinner，小妹一口答應。他驚訝 🤔，又不是 Bourgogne dinner 竟然話去？其實小妹志不在酒 😌，想吃『港灣壹號』啫。況且「隆河谷」之酒少飲，也當然不想錯過喔，小妹曾喝 E. Guigal，口內繁花競艷，百味爭鋒，如音樂中的馬勒第一，縱然美酒，小妹應接不暇，還是回到 Bourgogne ，之後沒有再飲了。是夜小酒局只有廂房中兩桌，很不錯啊。之前沒有細看酒單，除了 Rhône Valley 的 Hermitage 還有兩支 Bordeaux，二者 「風馬牛」，為何放在一起呢？原來是老闆同一個人。【 蜜糖汁叉燒 | 鵝肝魚子醬脆片乳豬件 | 椒鹽澳洲鵪鶉腿 】小妹喜愛『港灣壹號』乃它菜式味道和諧，今晚頭盤也是如此，尤其是鵪鶉腿和叉燒。至於乳豬，因為要「張就」那些人們認為是「矜貴」食材的魚子醬和鵝肝，反而味道沒有那麼合襯，是重了一點。****頭盤配搭兩款 Hermitage 的 white wines。******其實鵝肝和魚子醬都不一定是「貴嘢」，價格合理而質素挺好的比比皆是。當然跟所有食材一樣，你想要比 average 好，就要付出不成比例的高昂價格，譬如在 Sushi Kanesaki 食評中講過，法國 Kaviari 的 Kristal caviar 是常在餐廳碰到的魚子醬，不是貴價魚子醬。你到倫敦，話要吃伊朗的 Beluga，當然價錢上是另外一個世界啦😎☝🏽。 越說越遠啦...... 那片在夾著鵝肝，脆皮上放了魚子醬的乳豬件，鵝肝和 caviar 有「爭風呷醋」之嫌啦。所有東西都濃郁，搞到在 palette 上的味道 muddled 了。【 廿五年陳皮鮮沙薑茭白筍煎焗法國乳鴿脯 】算是中法交融的一道菜嗎？用砂鍋保持熱度，已經是一大優點。再者，陳皮沙薑提升乳鴿肉味，也平衡了鴿肉不要過份 gamey 。用來襯 Hermitage 2021 (沒有拍照） 在 palette 中伸延廣闊的 spicy, floral and fruity 的紅酒 —— 雖然感覺還沒有 E. Guigal 的開揚巨大 —— 誠然佳偶天成啊。 此外，還有一支 Bordeaux 的，不是小妹杯酒，不談啦。****【 遠年普洱茶燻脆皮雞 】『港灣壹號』的脆皮雞，每一次來都是炸、煙燻得完美無瑕，咬下去肉嫩而入味，舌頭上味道和諧，調味精準，『港灣壹號』做脆皮雞是沒有失手的。**** 到紅酒啦。襯脆皮雞的是還好的 2006 Hermitage。 ****【 欖菜鼓油皇香煎羊扒 】欖菜和羊扒相當「登對」，用調味過的醬油的去煎，羊肉味道層次似乎更深。Doneness 嘛，medium spot on 吧。羊肉不要太生，太生很 chewy ，一 chewy 就失去了吃的樂趣（因為在口內牙齒拼命和羊扒「搏鬥」）。太生也令羊的油脂未能充分受熱，使得脂香不夠豐富。另一邊廂，當然肉質不能 mushy，那些過度醃製的肉，想起來都打冷顫 😨，今晚的羊扒當然沒有問題啦。****同樣，用一支 2000 年的三級莊 Haut Médoc pair 羊扒，小妹對那支 Bordeaux 不大有感覺。【 北京片皮鴨 】單看外表已經能窺探一二，皮色過深，恐怕烤多了時間。果然肉略乾，味道則不錯，薄餅也軟糯。上菜的時候當然是有點不夠熱，那是小妹常常說中菜分菜，得體和上菜溫度的利與弊平衡的問題。******配北京烤鴨的是 1991 年的 Hermitage，酒還是 hold up 得很好，Rhône Valley 的酒果然是要 cellaring 的喔。****【 石鍋香煎陳皮和牛肉餅紅米飯 】陳皮肉餅，肉質豐厚，大啖吃，覺得肥瘦肉比例均稱，口感十分嫩滑，而陳皮亦把牛肉之味錦上添花，肉餅不但有油香兼味美，而且有「鑊氣」，經過現在人人掛在口邊的 Maillard reaction，肉餅外面焦香帶出濃郁肉味。小妹不是紅米「粉絲」，不過一向不 pedantic，從善如流，這樣一個鍋飯，委實無得投訴既。****【 椰子雪葩開心果露 】小妹對甜品十分 fuzzy。中式甜品一般 flavour profile 單一，加上味道調配不佳，很難得到小妹歡心。今晚的甜品不但 flavour profile 豐富，味道紛陳之外還要清晰澄明，椰子之味中滲透著開心果的 nuttiness，二者沒有混濁一起，十分可喜啊。****美點雙輝【 黑白芝麻卷 ｜ 南乳餅 】在座的前輩們對這個菲林膠卷似乎不陌生，大談以前飲茶常常吃到。今晚的舊式點心黑芝麻卷，味道看來沒有 outdated 喔。雖然只有芝麻但是味道很香很豐富（是因為溝了白芝麻？），甜度適中，以單一食材做的甜品來說，真的 surprise 了小妹啦。南乳餅算是『港灣壹號』名物，不是每一次來都吃，但是常常吃到。一貫鬆脆，帶適度的南乳 savoury 之香。用 savoury 的食材加入甜品是提升味道一度法門，不過要用得其法，不然糟蹋了整道菜啦。『港灣壹號』就是能做出這樣好的甜點，不會令人失望的。****【 總結 】今晚菜單頗具心思，有西菜特色 （羊扒 、煎焗法國乳鴿、鵝肝、魚子醬等），亦特別為了配合多姿多彩的 Hermitage 美酒而度身而做的（例如那個陳皮乳鴿，和和牛肉餅）。雖然是夜的酒多是隆河谷的（有兩支 Bordeaux），好在並沒有太繁雜過度「波瀾壯闊」的味道 —— 那是 E. Guigal 比小妹的感覺。來『港灣壹號』，以其和諧之味，不太新派也不守舊的廣東底子去做的菜式去 pair 這個酒莊的 Hermitage 佳釀，相當匹配呢。食物來說，小妹當君悅中菜廳飯堂，幫襯多次，偶爾有菜式質素不似期望（小妹對這裡期望極高），但是九成以上都未會失望的。今晚 wine dinner 人數不多，服務員招呼也相當周到，沒有甩漏，酒水 refill 完全沒有問題，上菜時間平均，服務快捷，那些都要讚的。值得讚賞之處小妹從不吝嗇，不過作為 Grand Hyatt，這樣的服務不就是應有之義嗎？要挑剔的話，你可以話當晚服務未夠 personal 呢。晚餐 $ 1680 全包，怎樣說都是抵了 😋。…查看更多

今次在沒有訂枱的情況來到宜家本地的生意真係差Walk in 都有位😂我都有啲驚嘆由reception 進入沿途都有啲吉枱不過都有驚喜啲嘢食質素好咗好多佢哋服務不嬲都好㗎啦叫咗個花膠羹非常足料茶燻雞又做得好好真係冇嘢可以投訴👍…查看更多

呢次喺grand Hyatt 「港灣壹號」食中菜慶祝爸媽嘅生日，嗰晚因為太遲訂枱，所以只坐到8樓，冇辦法欣賞到落地玻璃嘅維港夜景，有啲可惜。不過食物方面，開胃菜有「琥珀合桃」同「梅酒香小紅茄」，正！合桃甜中帶酥，好快俾我個女K.O.晒，小紅茄酸甜開胃，仲有好香嘅酒味，啱晒我爸食。主菜方面，「蜜糖汁叉燒」真係有驚喜，色香味俱全，啖啖肉又好彈牙，大人細路都爭住食。「脆皮龍崗雞」都算唔錯，皮脆肉嫩；「鎮江醋香黑豚豬柳」就正常；「砂煱干煸蟹肉炒粉絲」就ok，不過「煙燻馬友」就好出色，煙燻味好香，食落去好滋味。甜品方面，本身想試蛋撻，不過要等20分鐘，所以算了，最後試咗「黑白芝麻千層糕」同「鳳梨奶皇千層酥」，十分滿意，尤其係鳳梨奶皇千層酥，香脆得嚟又唔膩，好快就清碟，下次一定encore。服務質素同環境都好讚，尤其係餐具設計得好精緻，連小朋友用嘅餐具都好靚，見到餐廳好用心。整體嚟講，雖然今次冇搶到靚夜景，但食物同服務已經足夠令人開心，慶祝嘅心情一點都冇減。推薦俾想食粵菜嘅朋友！…查看更多

Lunch for 2. Seated next to the window. Didn’t really like the Set lunch ($688 pp) so went for the a la carte menu. Server noted that we would be able to order dim sum by piece. Here’s what we had.Complimentary walnuts 酥皮煽鮑汁海參柚皮- a surprisingly complementary combination; puff pastry was done perfectly, 柚皮 was a bit bitter tho. 原隻鮑魚雞粒酥- abalone was tender; pastry was just right. Probably one of the best I have tried.松露鮮菌蒸粉果黑豚肉松露煎葱花蝦米腸粉- no good. Couldn’t taste freshness of the pork at all. Just a lingering bitter taste. 鳳梨叉燒菠蘿包淮山杞子醉雞餃- interesting. Taste of alcohol was just right. Latte. In summary: interesting selection of dim sum. Mixture of hits and misses. Excellent service tho.…查看更多

朋友生日帶她來這家老牌餐廳 比佢感受一下天花板級別的高級服務 安排坐在望海的位置 看著維港夜景享用晚餐 又是另一種享受 令人陶醉著迷☺️預定了當季套餐 一共有七道菜+三道甜點 開胃菜來了一道話梅酒香小紅茄 非常精緻1️⃣ 水晶皮蛋子姜+鵝肝魚子醬脆皮乳豬件+椒鹽澳洲鵪鵜腿最初還以為是什麼水晶餃子🥟 完全沒有想過是皮蛋😂第一次食鵪鵜腿子 原來個肉質係幾似魚肉？！用椒鹽製作 更有香港本土風味更加惹味👍🏻•2️⃣ 椒鹽百花龍蝦鉗伴無錫汁燴波士頓龍蝦🦞服務員細心講解要先從左邊吃 這個無錫汁是大廚精心調制過的醬汁 配上爽口的龍蝦 又莫名配合•3️⃣ 椰皇松茸竹笙螺頭燉竹絲雞這個是我最喜歡的一道菜 用椰皇燉的湯 真的特別清甜好喝 加入松茸竹苼螺頭 整個特別養生健康🥰•4️⃣ 鮮花椒蟲草花蒸龍躉柳這個花椒真的很香☺️原來配在龍躉上食 又是令一種風味•5️⃣ 酥皮焗鮑汁海參柚皮很特別的一個設計 上桌時 已經散髮著一陣陣牛油酥皮的香氣 利用酥皮在外麵包著 把裡面的食材保持著溫度 非常濃郁的鮑汁 還有超大片海參、柚皮、冬菇 真材實料👍🏻但酥皮真心好漏😂•6️⃣ 魚湯杞子浸豆苗這個湯真的絕了 魚味非常濃郁 •7️⃣ 梅菜叉燒帶子粒炒脆紅米飯還加入了一些飯焦一起炒的飯 口感非常豐富 特別香•8️⃣ 蘋果白豆蓉西米焗布甸+黑蔗糖香蕉脆奶+ 招牌南乳餅這個甜點組合比較膩口 如果可以改成一些清新口味的食材會更好🤭整體來說每一道菜品就像藝術品一樣 精細別緻 賞心悅目 選用特級食材 味道極佳 這個套餐完全就是高級版飲宴的菜單 就連次序都是一樣的 服務員衣著都很整潔 態度極佳 會為每一道菜餚詳細說明要怎樣享用 很貼心…查看更多

港灣壹號(One Harbour Road)位於香港君悅酒店內，超大的落地玻璃窗可以挑望維港景色，採光一流😌 雖然會看到工地有點礙眼😅餐廳共2層，裝潢古典優雅，設有人工水池，別具氣派🤩平日午餐時間來到，9成入座率，職員安排了靠窗座位給我們👍🏻很多中菜廳的點心一碟有3-4件，不過職員跟我們説有部份點心可以改為2件，這樣便可以試更多款式，非常貼心！💕🤎原隻鮑魚雞粒酥鮑魚軟嫩Q彈，酥皮鬆化，而底下的雞粒及醬汁很入味，吃起來層次豐富，推薦！🤤🤍賽螃蟹鮮帶子餃皮薄餡多，口感豐富，很有鮮味！👍🏻🖤黑山雪影焗餐包皮酥脆鬆軟，叉燒微甜，不錯！☺️🧡X.O.醬炒蔥花蝦米腸粉使用了自家製X.O .醬😍 腸粉皮脆內滑，微辣很惹味呢！🤩🩵生磨杏仁茶芝麻湯丸杏仁茶香滑，不會太甜！內有2粒湯圓，皮薄煙韌，略嫌芝麻餡不夠多🥹港灣壹號整體食物質素非常高😋 職員態度友善，有機會會再次到訪～😌港灣壹號地址: 灣仔港灣道1號君悅酒店7-8樓…查看更多

姐妹們，黎到呢間食肆試下啲老火靚湯真係正啊！🤤 第一個上來嘅就係【肉鬆茄子】，茄子腍得嚟又唔爛，肉鬆係咁嘅鬆化，係咁撈兩樣，無錯！趁熱一試，我梗係掂住肚一路食到見底。再講講【脆皮龍崗雞】，淨係聽聲都知夠晒脆，邊啖啖肉都嫩得滑嘅，加上啲鮮味冇得頂，真係啖啖肉啖啖正。一塊塊金黃脆皮，一咬落去係咁嘅爽口，完全係雞皮愛好者嘅瘋狂美夢啊！炒菜方面添，【薑汁炒芥蘭】真係做到又靚又香，啲芥蘭脆到飲啖水都怕聲，薑汁味道啱啱好，咪話炒菜就搞啲大炮仗，簡簡單單都可以做得好有心思。而[[中式牛柳脯]]啊，呢個就真係讓我喜出望外，啲牛肉嫩到融化喺口裡面，啲醬汁獨特香甜得嚟唔膩口，配上啲靚洋蔥，真係俾個滿分！行過經過唔試真係對唔住自己，記得下次同你啲食友一齊黎試一試啦！🎉🥢…查看更多