影片
更多
2021-10-07
36 瀏覽
茶餐廳平時都係食港式常餐、小菜、碟頭飯等食物，但呢間位於銅鑼灣，全新開業嘅龍泉冰廳除咗港式美食之外，仲有雲南小窩米線、台式肉燥飯、韓式炒飯等等，選擇多到好誇張呀！A姐叫我估吓佢哋廚房究竟收埋幾多人喎？不過，咁多選擇又唔知佢哋嘅出品掂唔掂呢？ 沙嗲牛肉麵配火腿奄列及牛油多士作為茶餐廳，又點少得沙嗲牛肉麵呢？呢碗沙嗲牛肉麵嘅沙嗲汁夠濃郁，唔會太鹹，都算掛湯。至於牛肉份量夠多，肉質軟腍無筋。滑蛋蓋叉燒飯滑蛋香滑，我哋就略嫌熟咗少少，如果可以有少少蛋汁就更正啦！叉燒偏瘦，但勝在份量多又唔會嚡口，啱晒欲鍾意食瘦叉嘅A姐。鐵板西冷牛扒鐵板餐都算係茶餐廳嘅經典選擇！我哋就叫咗鐵板西冷牛扒，鐵板上除咗薯條、菜同蕃茄，仲有湯同意粉添，整體份量算多！至於西冷扒嘅牛扒就類似平時快餐店嘅早餐牛扒，薄切，無咩肉味，全靠黑汁提味。我哋見到隔離枱嘅什扒就正好多喇！
沙嗲牛肉麵配火腿奄列及牛油多士
作為茶餐廳，又點少得沙嗲牛肉麵呢？呢碗沙嗲牛肉麵嘅沙嗲汁夠濃郁，唔會太鹹，都算掛湯。至於牛肉份量夠多，肉質軟腍無筋。
滑蛋蓋叉燒飯
滑蛋香滑，我哋就略嫌熟咗少少，如果可以有少少蛋汁就更正啦！叉燒偏瘦，但勝在份量多又唔會嚡口，啱晒欲鍾意食瘦叉嘅A姐。
鐵板西冷牛扒
鐵板餐都算係茶餐廳嘅經典選擇！我哋就叫咗鐵板西冷牛扒，鐵板上除咗薯條、菜同蕃茄，仲有湯同意粉添，整體份量算多！至於西冷扒嘅牛扒就類似平時快餐店嘅早餐牛扒，薄切，無咩肉味，全靠黑汁提味。我哋見到隔離枱嘅什扒就正好多喇！
張貼
