影片
更多
2024-02-05
1394 瀏覽
Hunky Dory📍 沙田白石角香港科學園科技大道西19號19W大樓2樓245室朋友屋企附近嘅科學園有好多高水準同有特色嘅餐廳，踏入二月，我哋都想搵啲西餐廳食下飯，感受下情人節嘅氣氛。於是星期日嘅晚上，我哋搵咗佢屋企附近嘅一間西餐廳食晚飯。Hunky Dory係一間主打經典英式美食、fusion 韓國料理、各款西式小食、咖啡同酒類飲品嘅西餐廳。餐廳喺正露天花園隔離，環境寧靜，有唔少喺科學園返工嘅打工仔同住喺附近嘅年輕家庭都好鍾意嚟呢度食嘢。話說Hunky-dory一詞有極好嘅意思，相信為餐廳改名嘅人，應該想話俾人知佢哋嘅出品is hunky-dory！我哋坐咗係大玻璃窗旁邊，位置可以眺望山景，睇住天色轉暗都幾有情調。入座嘅時候大概係六點，當時只有另一枱客人用膳，但估唔到踏入八點，全間餐廳都坐滿晒人，人氣非常！ 💰$188新英格蘭龍蝦包 🦞雖然我未去過英國，亦未食過所謂正宗嘅lobster roll，但明顯地見到呢度嘅lobster roll有別於一般嘅英式lobster roll，主要原因係佢無用到England–style熱狗包，反而選用咗有拖鞋包別稱嘅Ciabatta製作呢款包。
📍 沙田白石角香港科學園科技大道西19號19W大樓2樓245室
朋友屋企附近嘅科學園有好多高水準同有特色嘅餐廳，踏入二月，我哋都想搵啲西餐廳食下飯，感受下情人節嘅氣氛。於是星期日嘅晚上，我哋搵咗佢屋企附近嘅一間西餐廳食晚飯。
Hunky Dory係一間主打經典英式美食、fusion 韓國料理、各款西式小食、咖啡同酒類飲品嘅西餐廳。餐廳喺正露天花園隔離，環境寧靜，有唔少喺科學園返工嘅打工仔同住喺附近嘅年輕家庭都好鍾意嚟呢度食嘢。話說Hunky-dory一詞有極好嘅意思，相信為餐廳改名嘅人，應該想話俾人知佢哋嘅出品is hunky-dory！
我哋坐咗係大玻璃窗旁邊，位置可以眺望山景，睇住天色轉暗都幾有情調。入座嘅時候大概係六點，當時只有另一枱客人用膳，但估唔到踏入八點，全間餐廳都坐滿晒人，人氣非常！
[價錢 Price]
💰$188
新英格蘭龍蝦包 🦞
雖然我未去過英國，亦未食過所謂正宗嘅lobster roll，但明顯地見到呢度嘅lobster roll有別於一般嘅英式lobster roll，主要原因係佢無用到England–style熱狗包，反而選用咗有拖鞋包別稱嘅Ciabatta製作呢款包。
Ciabatta外表酥脆，麵包有比較多氣孔、所以口感柔軟得嚟又不失嚼勁，味道鹹鹹哋，帶有麥香味，雖然比常見嘅England–style熱狗包少咗陣濃香嘅牛油味，但搭配清新嘅龍蝦一齊食，又幾夾喎。
龍蝦肉同蛋黃醬混合，加上少少檸檬汁調味，夾住新鮮生菜同芝士片一齊食，滋味滿分。伴碟仲有大量香脆即炸嘅薯條，唔使刻意點醬都已經叫人食唔停口！
[價錢 Price]
💰$128
炸魚薯條 🐟🍟
食英式菜，又點少得國民級美食fish & chips啊，點都要試下嘅！個人認為呢道菜嘅賣相真係幾authentic，無論薯條定炸魚都金金黃黃，非常誘人。餐廳選用sole fish fillet製作炸魚，香脆厚身嘅炸粉用咗beer batter，炸出嚟嘅魚柳除咗外表膨鬆酥脆，裡面嘅魚肉依然鮮嫩多汁，加上特製tartar sauce，回味無窮！
[價錢 Price]
💰$68
焦糖香梨批 🍐
網上見到有唔少人都推介佢哋嘅甜品，小孩子先做選擇，所以我哋一次過叫晒3款甜品，第一款亦係我最欣賞嘅一款就係蘋果批嘅變奏版，香梨批！
好多地方都食到homemade apple pie，但真係唔係個個地方都有得食pear pie。兩者最大嘅分別莫過於口感同味道，即使以相似方法烹調，皆因蘋果口感本來比較爽脆，梨既口感比較肉厚多汁，所以出嚟嘅成品都會有好明顯嘅分別。
我鍾意佢嘅pie crust夠厚夠脆，食落好有質感，交織係批面嘅部份亦香脆可口。喺批上放上一球重雲喱拿香味嘅軟滑雪糕，試問邊個可以抵擋佢嘅魅力？
[價錢 Price]
💰$68
藍莓撻 🫐
藍莓撻嘅撻皮同樣出色，有足夠嘅厚度，食落口感好好。撻上有用藍莓醬整成好似雲石般嘅pattern，賣相精緻。Filling部分有濃郁嘅芝士味，同時都有清香嘅檸檬味，食多啖都唔會膩。
[價錢 Price]
💰$68
棉花糖巧克力芝士蛋糕 🍫
最後一款係非常巨型嘅S‘mores Cheese Cake，同一價錢嚟講，呢款真係好抵食！食過咁多甜品，我都係第一次見S’mores同cheese cake融合一齊。主要係因為朱古力蛋糕本身已經偏甜，cheese cake亦比較甜膩，如果再係上面加上S‘mores，就一定甜到漏！但估唔到原來將三者結合一齊，居然唔會好漏，而且全部都好夾，無任何一種味道特別搶戲，味道同口感上都有互補，非常出色。
張貼
