御膳

營業中

休息中

朋友之前已經話過想試依間”御膳”難得今日一齊去開觀塘，我朋友就捉埋我地一行四人嚟試試😆我地揀左四人餐，先嚟嘅係”什菌豆腐大蜆湯”大蜆真係好大隻，食落啖啖肉，豆腐都好滑，加埋嚟煲啖湯都非常鮮甜👍🏻之後輪到”麻辣滷水拼盤”金錢肚同豬腸都炆得非常腍，滷水味好夠👍🏻配埋手撕雞沙律，用嚟開胃好正😉之後嚟嘅”流沙黃金蝦”未食已經聞到濃濃嘅蛋黃甘香，加上炸到金黃色嘅賣相絕對吸晴☺☺☺食落亦都有驚喜，蝦肉彈牙，蝦殼炸得夠脆身，為左唔想浪費啲金沙，真係殼到食物😅再嚟嘅係”白胡椒香爆南非鮑魚”呢個係我朋友最期待嘅菜式，鮑魚好厚肉，用白胡椒嚟爆真係好香，推介👍🏻👍🏻👍🏻再嚟就輪到我最期待嘅”花雕雞油蛋白蒸大肉蟹”蟹肉夠厚實，食得出非常新鮮，配埋個花雕雞油嚟蒸嘅蛋白😱真係無得傾👍🏻在嚟嘅係”士多啤梨骨”出邊好多間餐廳都有得食，不過食到一啲都唔輸蝕，因為選用嘅帶骨肉好好咬口，又唔會太肥，配埋個甜酸適中嘅士多啤梨汁，真係越食越開胃😛😛😛最後嘅係”蟹油銀牙炒麵”，用蟹油嚟炒麵一定夠晒香，最要讚係個麵炒得夠晒乾身，真係好好味呀☺甜品係”雲呢拿布丁”好香濃嘅雲呢拿味，食細細杯，作為飯後甜品啱啱好，大家記得當肚食埋呀😎工