唐坊火鍋私房菜

營業中

休息中

之前食過呢間火鍋店，覺得好吸引，呢日同朋友再黎食，openrice訂座嘅優惠套餐都幾抵食喎。 消暑冬瓜瑤柱美腿鍋都幾鍾意冬瓜湯底，清得來甜，而且可減低打邊爐的熱氣，湯底仲好多瑤柱。 手切牛（細）2人份啱啱好，肥瘦適中，手切厚度啱啱好。 田園菜籃蔬菜都很新鮮，而且粟米切成條狀，方便進細，很細心。 三寶丸三寶丸口感彈牙，係手打的口感，而且有蟹粗點綴，有蝦丸，牛丸和墨丸。 韭菜餃拼蟹肉餃頭先一入黎餐廳已經見到職員包緊餃子，夠哂新鮮，韭菜餃好香，但又唔會搶去餃子豬肉鮮甜味，蟹肉餃就比較新穎，有蟹嘅甜味，皮薄餡靚。。 二人海鮮拼盤都有好多款，蝦，飽魚，脆肉鯇，蜆肉，扇貝同蜆，好豐富，而且全部都大大隻，爽口彈牙。 善良響鈴（細）有三條，豆味香，淥幾秒就食得。 烏冬好鍾意個口感，幼身烏冬，很滑，而且彈牙。 竹蔗茅根水很消暑，甜度啱啱好，又可以去除打邊爐嘅熱氣，而且大大杯。 椰汁雪燕糖水椰汁味香，夠哂凍，甜度啱啱好，雪燕都幾多，每啖都食到雪燕嘅口感。