影片
更多
2014-05-01
1969 瀏覽
找到了新工作,公司在油塘,有我既出現即係有人要離開,於是和同事食一餐,當係見面禮吧.係OPENRICE找到御膳,決定試一試吧,連埋我5個人,訂位說明每人約300蚊左右,指示唔食翅同事們大多未食過私房菜,因此十分興奮呢個就係我地既菜單----胡椒炒蟹,芝士焗龍蝦,金華玉樹雞半隻,士多啤梨骨,御膳炒飯,麻辣卥水拼盤,西瓜盅,之後後加了水煮魚(中辣)$98和菜飲品選擇有汽水和啤酒首先上陣既係麻辣卥水拼盤---牛肚,雞和大腸,牛肚就少麻少辣,帶卥水既咸味,煮得夠軟身,雞就類似手撕雞,麻辣程度更高,但眾人更愛這個,十分剌激的味道,雞亦很滑,大腸味道又將味道帶番去人間,回歸平淡.呢個份量似乎太多,以頭盤黎講,食不完,打包之後就到芝士焗龍蝦,個頭好霸氣.龍蝦新鮮起哂肉,十分爽口,芝士汁與坊間有點分別,呢度個芝士汁不算好芝士,個味道有種將芝士同上湯MIXED左既FEEL,無咁油膩,又有種似CREAM SAUCE既感覺,好攪鬼胡椒炒蟹,肉蟹大大隻,胡椒味度中等,不太辛辣,口味不似星馬,更似香港人口味,雖不夠正宗,但同樣惹味.蟹肉很嫩,醬汁都入味.食肉蟹,緊係要食蟹鉗!食材新鮮就是有優勢水煮魚$98,大大
同事們大多未食過私房菜,因此十分興奮
呢個就係我地既菜單----胡椒炒蟹,芝士焗龍蝦,金華玉樹雞半隻,士多啤梨骨,御膳炒飯,麻辣卥水拼盤,西瓜盅,之後後加了水煮魚(中辣)$98和菜
飲品選擇有汽水和啤酒
首先上陣既係麻辣卥水拼盤---牛肚,雞和大腸,牛肚就少麻少辣,帶卥水既咸味,煮得夠軟身,雞就類似手撕雞,麻辣程度更高,但眾人更愛這個,十分剌激的味道,雞亦很滑,大腸味道又將味道帶番去人間,回歸平淡.呢個份量似乎太多,以頭盤黎講,食不完,打包
之後就到芝士焗龍蝦,個頭好霸氣.龍蝦新鮮起哂肉,十分爽口,芝士汁與坊間有點分別,呢度個芝士汁不算好芝士,個味道有種將芝士同上湯MIXED左既FEEL,無咁油膩,又有種似CREAM SAUCE既感覺,好攪鬼
胡椒炒蟹,肉蟹大大隻,胡椒味度中等,不太辛辣,口味不似星馬,更似香港人口味,雖不夠正宗,但同樣惹味.蟹肉很嫩,醬汁都入味.食肉蟹,緊係要食蟹鉗!食材新鮮就是有優勢
水煮魚$98,大大盤,入面有起左肉既鲩魚片,芽菜同埋薯粉,呢盤野如果認真食應該飽哂,所以只能淺嘗,但係大家一致認同呢個係全晚最好食,麻既感覺不會太霸道,辣椒既味道很濃,魚片大片,口感很好,亦鮮甜,但我更愛內裡既薯粉,索哂汁,又AL DENTE,正爆
出完一頭汗,就食士多啤梨骨,醬汁甜甜地,士多啤梨味不算濃,但個肉軟中帶爽,火侯剛剛好,醬汁亦完全掛上骨面.這為幾個麻辣菜式降降溫
金華玉樹雞就係霸氣菜式,呢個絕對係心機菜,雞肉起骨,伴以金華火腿,菜心做伴碟.我都唔知幾多年無食過.醬汁味道清而帶鮮,雞肉調味不濃,但火腿很重蜜味,一同進食更佳,淡淡肉爽歪歪
菜就係簡單以上湯煮浸,加上竹笙紅蘿蔔蒜子,清清腸胃.食左咁多重口味野,食時候吸收纖維
最後一道係我另一欣賞既御膳炒飯,好大盤用上珍珠米黎炒(唔知日本定台灣),配料有蝦,帶子,豬肉之類,味道主要係好似黑醬汁既味道,甜甜地,重點係炒到粒粒分明不油膩,好既炒飯如此簡單
飯後食埋霸氣西瓜盅,起肉既西爪球,士多啤梨,藍苺,側邊有提子等等,見到菜單以為用西瓜煮甜品,其實咁樣起肉重煩,見到呢個,都了解到私房菜同去酒樓食既分別,就係慢工出細貨同趕住出貨之分
埋單請埋其中一位同事,4位約$380一位,雖不算係什麼名貴食材,但食到廚師既心思.服務員說他們LUNCH現在唔做WALKIN,只接受BOOK位.其實心想食私房菜當然要BOOK位,因為我唔相信佢即時整到O個個西爪盅出黎哈哈張貼
