影片
更多
2022-12-11
44 瀏覽
聽過呢間烈炎鳥羽好耐，夜晚大概七點幾，已經有一大班人喺度慶祝生日，看似係熟客。一坐低店員就放低咗前菜。水母刺身($98): 一盒有四塊，會俾酸汁做調味，食落去好似蒟蒻再硬身少少，又有啲似大菜糕咁，印象中冇喺香港食過，刀工都相對乾淨，如果無試過嘅可以一試！木棉豆腐麻菠菜沙律($78): 比想像中大碗，而且菜嘅數量都好多，仲會加埋甜小蕃茄，用料認真，而豆腐就有四塊。鹽燒雞翼($32): 叫咗一串但係都有兩隻，中間分開咗咁樣燒會快熟而且入味啲，皮脆亦保留到肉汁，唔會過乾。雞肉棒($48): 成件事好靚，雞肉好肥美，應該係手打嘅，雖然未有試過好似提燈咁樣，但係都有一定嘅水準。雞腎($28): 一串有五粒，但係感覺較遜色。夠味但係外表唔夠脆。荔枝豚肉卷($32): 一串有三粒，上菜嘅時候侍應叫我哋趁熱食，去串燒舖我最鍾意叫呢個，兩者真係出奇地夾，而且荔枝嘅夠甜。五花腩($32): 有兩舊，正正常常。美國安格斯牛柳($78): 叫咗五成熟，一切有四舊，而且上面有一小塊牛油增加肉味。燒得啱啱好唔會過龍，而且無筋。牛舌厚切($58): 一串有三舊，都係正正常常，不過比平時嘅大塊。三文魚飯團($38)/
水母刺身($98): 一盒有四塊，會俾酸汁做調味，食落去好似蒟蒻再硬身少少，又有啲似大菜糕咁，印象中冇喺香港食過，刀工都相對乾淨，如果無試過嘅可以一試！
木棉豆腐麻菠菜沙律($78): 比想像中大碗，而且菜嘅數量都好多，仲會加埋甜小蕃茄，用料認真，而豆腐就有四塊。
鹽燒雞翼($32): 叫咗一串但係都有兩隻，中間分開咗咁樣燒會快熟而且入味啲，皮脆亦保留到肉汁，唔會過乾。
雞肉棒($48): 成件事好靚，雞肉好肥美，應該係手打嘅，雖然未有試過好似提燈咁樣，但係都有一定嘅水準。
雞腎($28): 一串有五粒，但係感覺較遜色。夠味但係外表唔夠脆。
荔枝豚肉卷($32): 一串有三粒，上菜嘅時候侍應叫我哋趁熱食，去串燒舖我最鍾意叫呢個，兩者真係出奇地夾，而且荔枝嘅夠甜。
五花腩($32): 有兩舊，正正常常。
美國安格斯牛柳($78): 叫咗五成熟，一切有四舊，而且上面有一小塊牛油增加肉味。燒得啱啱好唔會過龍，而且無筋。
牛舌厚切($58): 一串有三舊，都係正正常常，不過比平時嘅大塊。
三文魚飯團($38)/明太子飯團($38): 呢兩個我覺得值得叫，雖然係最後先上菜，但係燒得好好，會有塊紫菜俾你包住，雖然看似簡單，但係好考功夫，外皮好似煲仔飯咁脆！
總結：坐得舒服，而且價錢好抵食，用料亦都有返咁上下，值得再嚟。
張貼