龍亭

今日同男朋友一齊去慶祝紀念日～我地點咗$588嘅套餐，另外點咗一杯啤酒～套餐包括前菜、主菜、炒飯同埋甜品～首先前菜係煙三文魚沙津，三文魚的煙燻味配上沙津醋嘅酸甜，十分開胃！接下來主菜我地揀咗煎扇貝、煎東昇斑同埋煎澳洲牛（5成熟）。扇貝用咗牛油同埋黑松露醬去烹煮，食落鮮嫩多汁，好惹味～煎東昇斑同埋煎澳洲牛嘅肉質鮮嫩，鮮味十足。尤其是煎澳洲牛，5成熟讓肉質更加嫩滑多汁，配上烤蒜片真係好有風味！然後係大蝦炒飯，炒飯炒得十分乾身，粒粒分明，不過食落又會有啲咬口，口感豐富😆最後是紫薯、柚子雪糕。紫薯嘅香甜同埋柚子嘅清新酸甜，為依一餐畫上圓滿句號。不得不提嘅就係啤酒真係鐵板燒嘅好拍檔！食一口肉，再飲一口酒，完美！